ថ្ងៃទី៣១ ខែសីហា ឆ្នាំ២០២៥ អត្ថបទគម្ពីរ (លូកា ១៤,១.៧-១៤)អត្ថាធិប្បាយគម្ពីរដោយ៖ លោកបូជាចារ្យ គង់ វៀល

បងប្អូនជា VIP! VIP ប្រែថាជាអ្នកមានឋានៈ អ្នកធំៗ ប៉ុន្តែនៅទីនេះព្រះអង្គមានព្រះបន្ទូលថា បងប្អូនជា VIP។ VIP របស់ព្រះជាម្ចាស់ដែលនឹងមានកន្លែងពិសេសនៅឋានបរមសុខ។ ក្នុងអត្ថបទព្រះគម្ពីរ ថ្ងៃ​អា​ទិត្យ​នេះ ជាថ្ងៃអាទិត្យទី ២២ ក្នុងរដូវធម្មតាជាគ្រីស្តបរិស័ទ យើងបានស្តាប់ព្រះបន្ទូល ហើយយើង​បាន​ងឿ​ងឆ្ងល់ ហេតុអីបានជាព្រះអង្គរាប់យើងជា VIP? ព្រះអង្គគាប់ព្រះហឫទ័យឲ្យ​យើងមាន​កៅអីពិសេស​ចំពោះ​ព្រះអង្គនៅឋានបរមសុខ។ ព្រះអង្គឲ្យយើងរួបរួមគ្នានៅពេលដែលព្រះអង្គធ្វើពិធីជប់លៀង ​កូន​ចៀម​មាន ន័យថាជប់លៀងចុងក្រោយ ជប់លៀងអស់កល្បជានិច្ចនៅឋានបរមសុខ។

នៅពេលនោះព្រះអង្គរាប់យើងជាភ្ញៀវកិត្តិយសរបស់ទ្រង់ អស្ចារ្យឬអត់? ច្រើនដងច្រើនសារ យើង​ទៅ​ជប់​លៀងចូលរួមការគេ អត់ដឹងអង្គុយនៅណា អង្គុយនៅនេះ អង្គុយនៅនោះ អត់ហ៊ានព្រោះអត់សូវស្គាល់គេ អង្គុយក្រោយគេ។ ប៉ុន្តែក្នុងអត្ថបទព្រះគម្ពីរប្រាប់យើងថា នៅពេលជួបជុំជប់លៀងជាមួយយើង មិន​ចាំ​បាច់អង្គុយនៅក្រោយទេ នៅវិហារមិនចាំបាច់អង្គុយនៅក្រោយទេ គឺរាប់បងប្អូនជា មិត្តភក្តិជិតស្និទ្ធ។ សូម​បង​ប្អូ​នមកជិតខ្ញុំ ហើយអង្គុយរួមតុជាមួយខ្ញុំ។

ព្រះអង្គជាព្រះជាម្ចាស់ គាប់ព្រះហឫទ័យយាងមកក្នុងចំណោមយើងខ្ញុំ ហើយរាប់យើងជាភ្ញៀវកិត្តិយស របស់ព្រះអង្គ នៅពេលដែលខ្ញុំថ្វាយអភិបូជាជារៀងរាល់ថ្ងៃអាទិត្យ ខ្ញុំសប្បាយណាស់។ ខ្ញុំឃើញក្មេង​ៗម​ក​ពី​ភូមិ ក្មេងៗក្រីក្រ ពេលខ្លះអាវរបស់គេអត់សូវស្អាតទេ ប៉ុន្តែពួកគាត់ពាក់អាវស ដើម្បីបម្រើព្រះ​ជា​ម្ចាស់ ហើយ​ពួកគាត់មានកិត្តិយសជាអ្នកបម្រើរបស់ព្រះជាម្ចាស់រួមតុជាមួយព្រះអង្គ។ ពួកគាត់នៅ​ជិត​អាស​នៈ​នោះ ដូចVIPរបស់ព្រះជាម្ចាស់។ ពិតជាអស្ចារ្យមែនទែន។ចូរបងប្អូនដឹងពី តម្លៃរបស់ខ្លួន ចូរបង​ប្អូន​ដឹង​ថា បងប្អូនមានកិត្តិយសជាភ្ញៀវអស្ចារ្យ ភ្ញៀវធម្មតា ប៉ុន្តែភ្ញៀវដែលមានដូចជា បទពិសោធន៍ពិសេស គឺក្លាយ​ទៅ​ជាអ្នករួមតុ រំលែកជាមួយព្រះជាម្ចាស់។ នៅពេលដែលយើងចែកនំប៉័ង “ព្រះកាយ” យើងទទួលព្រះ កាយរបស់ព្រះគ្រីស្តផ្ទាល់ ដើម្បីក្លាយទៅជាភ្ញៀវកិត្តិយសរបស់ព្រះអង្គ។

នេះជារបៀបដែលព្រះអង្គជួយរៀបចំដួងចិត្តរបស់យើង សម្រាប់ជីវិតអស់កល្បជានិច្ចនៅឋានសួគ៌។ ជីវិត​នេះ​អស្ចារ្យមែនទែន ខុសឆ្ងាយពីអ្វីដែលយើងកំពុងរស់នៅនៅផែនដីនេះ។ ប៉ុន្តែនៅលើផែនដីនេះនៅ​ពេល​ដែលយើងចូលរួមថ្វាយបង្គំដល់ព្រះជាម្ចាស់ យើងយល់កាន់តែច្បាស់ពីជីវិតអស់កល្បជានិច្ចដែល​ព្រះអង្គ​ទ្រង់រៀបចំឲ្យយើង ជាពិសេសនៅពេលដែលយើងទទួលព្រះអង្គដោយសេចក្តីស្រឡាញ់ ក្នុង​ព្រះ​កាយ ក្នុងព្រះលោហិតរបស់ព្រះគ្រីស្ត។ អស្ចារ្យឬអត់? អស្ចារ្យមែនទែន។ ដូច្នេះសូមបងប្អូនត្រៀមខ្លួនពាក់​អាវស្អាតៗទៅវិហារចូលរួមពីបូជាដើម្បីថ្វាយបង្គំដល់ព្រះជាម្ចាស់ហើយក្លាយទៅជាភ្ញៀវ​កិត្តិ​យស​ VIP របស់ព្រះជាម្ចាស់។ សូមព្រះជាម្ចាស់ប្រទានពរ៕