ថ្ងៃទី២៨ ខែកញ្ញា ឆ្នាំ២០២៥ អត្ថបទគម្ពីរ (លូកា ១៦,១៩-៣១)អត្ថាធិប្បាយគម្ពីរដោយ៖ លោកបូជាចារ្យ គង់ វៀល
អត្ថបទព្រះគម្ពីរថ្ងៃនេះ ព្រះយេស៊ូប្រើព្រះបន្ទូលប្រស្នាមិនមែនជារឿងពិត តែជារបៀបដែលព្រះយេស៊ូឲ្យយើងស្រមៃគិតពិចារណាពីភាពអយុត្តិធម៌ក្នុងសង្គម។ ពេលខ្លះយើងឃើញបុគ្គលម្នាក់យើងគិតថា គាត់អភ័ព្វ គ្មានសំណាង ប្រហែលក្នុងជីវិតគាត់មានបញ្ហា តែយើងមិនដឹង។ យើងដូចជា... យើងគិតប្រហែលជាតិមុនគាត់មានបញ្ហាដែរ យើងអត់ដឹងច្បាស់ នឹងមិនយល់ ហេតុអ្វីបានជាគាត់នោះឈ្មោះលោកឡាសារ ក្នុងរឿងប្រស្នារបស់ព្រះយេស៊ូ ហេតុអ្វីបានជាគាត់ក្រីក្រ?
នៅពេលដែលគាត់ទទួលមរណភាពគាត់ឡើងទៅឋានបរមសុខ ដោយសារព្រះជាម្ចាស់អាណិតមេត្តាដល់ភាពក្រីក្រនិងការតស៊ូរបស់គាត់។ ពេលដែលលោកឡាសារឡើងទៅឋានសួគ៌ បែរជាមិត្តភក្តិគាត់ដែលធ្លាប់មើលងាយ នឹងរិះគន់គាត់ធ្លាក់ទៅឋាននរក គេអាណិតខ្លួនឯង គេថាបើសិនខ្ញុំដឹងខ្ញុំនឹងមិនមើលងាយ ឬរិះគន់គាត់ឡើយ ឥឡូវខ្ញុំឃើញគាត់ឡើងទៅឋានបរមសុខឯខ្ញុំធ្លាក់ទៅឋាននរក ឥឡូវខ្ញុំយល់ហើយ!។ មុននឹងបែបនេះ ជីវិតរបស់យើងមិនមែនជាអ្វីដែលយើងមើលឃើញ នឹងដឹងមុនបានទេ ពេលខ្លះទោះបីជាជីវិតយើងពិបាកមែនទែន ជាពេលវេលាដែលព្រះយេស៊ូកាន់តែជិតស្និទ្ធជាមួយយើង ព្រះអង្គយាងមកលើផែនដីនេះ កុំឲ្យយើងគិតថា មនុស្សដែលមានលុយច្រើន មានបុណ្យច្រើនជាងគេ មនុស្សដែលបានអំណោយ ឬក៏សុភមង្គល ឬក៏ជោគជ័យ គឺមនុស្សដែលព្រះអង្គប្រទានពរឲ្យ។ នៅពេលដែលព្រះយេស៊ូយាងមកលើផែនដីនេះ និងពេលដែលព្រះអង្គលីឈើឆ្កាង រងទុក្ខលំបាក ព្រះអង្គធ្វើឲ្យ ព្រះជាម្ចាស់កាន់តែជិតស្និទ្ធជាមួយមនុស្សទាំងឡាយដែលកំពុងរងវេទនាដូចគ្នា។
អស្ចារ្យមែនទែន! បងប្អូនក្នុងអត្ថបទយើងឃើញអត្ថបទទីមួយ លោក អាម៉ុស គាត់ជាព្យាការី ក្នុងសម្ព័ន្ធមេត្រីចាស់ គាត់ជាកសិករ គាត់ជាអ្នកឃ្វាលគោ ហើយជាមនុស្សសាមញ្ញៗ ហើយពេលនោះដូចថ្ងៃនេះ កសិករនៅប្រទេសខ្មែរគេឃើញប្រទេសយើងអយុត្តិធម៌មែនទែន អ្នកណាមានគោតែមួយក្បាល រកគោមឿនពីរបីក្បាល មានដីតូចៗ ចិញ្ចឹមខ្លួនឯងអត់កើត ពីមុនស្រួលឥឡូវធ្វើមិនបាន។ ហេតុអ្វីបានអ្នកនៅជនបទពិបាក តែអ្នកក្រុងមានលុយច្រើន? កសិករជាអ្នកចិញ្ចឹមប្រទេសជាតិ តែបែរជាអ្នកប្រព្រឹត្តមិនល្អតាមOnline បែរជាមានលុយច្រើនជាងគាត់ នេះអយុត្តិធម៌មែនទែន ហើយនៅពេលនោះ លោកអាម៉ុសខឹងខ្លាំង យើងត្រូវយល់ពេលដែលប្រជាជនកំពុងខឹង ជាពេលដែលយើងត្រូវអាណិតមេត្តា។
នេះជាអ្វីដែលត្រូវតែផ្សព្វថ្ងៃក្នុងសង្គមខ្មែរ ពេលយើងឃើញប្រទេសច្រើននៅពិភពលោកទាំងមូល កំពុងមានដូចជាបដិវត្តន៍ម្យ៉ាង ប្រទេសខ្មែរមានសុដុមរមនា ដោយសារយើងអាណិតមេត្តាដល់គ្នាទៅវិញទៅមក អ្នកធំជួយអ្នកតូច។ នៅប្រទេសខ្មែរជាអ្វីដែលខ្ញុំធ្លាប់ឃើញច្រើនដងច្រើនសារខ្ញុំសូមសរសើរ នេះជារបៀបដែលយើងអាចជួយបង្កើតសង្គមមួយប្រកបដោយយុត្តិធម៌។ មិនមែនតែគ្រីស្តបរិស័ទ ប៉ុន្តែសង្គមទាំងអស់នៅប្រទេសខ្មែរជាពិសេសអ្នកដឹកនាំ មានចិត្តមេត្តា ជួយអ្នកក្រីក្រ ជាវិធីដើម្បីបង្កើតសង្គមមួយ ប្រកបដោយយុត្តិធម៌។
ប្រទេសខ្មែរយើងកំពុងអភិវឌ្ឍ អភិវឌ្ឍលឿនមែនទែន ខ្ញុំនៅខ្មែរតែ៥ទៅ៦ឆ្នាំប៉ុណ្ណោះ ខ្ញុំឃើញការអភិវឌ្ឍហើយ មានព្រលានយន្តហោះថ្មី មានផ្លូវល្បឿនលឿនថ្មី មានពេទ្យថ្មី មានសាលាថ្មី មានវិហារថ្មី មានវត្តថ្មី អភិវឌ្ឍច្រើនមែនទែន។ ប៉ុន្តែ! កុំឲ្យយើងបំភ្លេចមនុស្សក្រីក្រដែលអត់ទាន់អភិវឌ្ឍ។ ថ្ងៃនេះ បើសិនបងប្អូននៅក្នុងចិត្តក្តៅក្រហាយ ខឹងខ្លាំង ដោយសារឃើញអយុត្តិធម៌ សូមឲ្យបងប្អូនមាន ចិត្តមេត្តា ហើយអាណិតដល់អ្នកក្រីក្រដែលកំពុងក្លាយជាជនរងគ្រោះដោយអយុត្តិធម៌។ ឲ្យយើងជួយគេ ឲ្យយើងជួយបង្កើតដូចជាវប្បធម៌ប្រកបដោយសេចក្តីសុខសាន្ត និងយុត្តិធម៌។
វប្បធម៌នឹងយុត្តិធម៌នេះ ជាវប្បធម៌ដែលមកពីឋានបរមសុខ មកពីព្រះយេស៊ូគ្រីស្តដែលជាស្តេចនៃយុត្តិធម៌ ដូច្នេះ បងប្អូនទាំងអស់សូមពឹងផ្អែកលើព្រះយេស៊ូគ្រីស្តសូមឲ្យទ្រង់ជួយសង្គម និងប្រទេសជាតិរបស់យើង មានសេចក្តីសុខសាន្ត មានស្ថិរភាព ហើយមានយុត្តិធម៌។ កុំឲ្យប្រទេសខ្មែរមានបញ្ហាដូចប្រទេសផ្សេងៗ។
សូមព្រះអង្គប្រទានសេចក្តីសុខសាន្តដល់ប្រទេស ឥណ្ឌូនេស៊ី ប៉ាគីស្ថាន អ៊ីស្រាអែល និងប្រទេសផ្សេងៗដែលកំពុងកើតសង្គ្រាម សូមឲ្យសេចក្តីសុខសាន្តរបស់ព្រះជាម្ចាស់ ស្ថិតក្នុងពិភពលោកទាំងមូល ធ្វើឲ្យយើងបានយុត្តិធម៌ បានសេចក្តីសុខសាន្ត បានអំណរសប្បាយតរៀងទៅ។
សូមព្រះអង្គអាណិតមេត្តាដល់យើងខ្ញុំទាំងអស់គ្នា ក្នុងព្រះនាមព្រះបិតា ព្រះបុត្រា និងព្រះវិញ្ញាណដ៏វិសុទ្ធ អាម៉ែន។
Daily Program
