លោកស្រីប៉ាក ជឺងហ៊ី កើតនៅថ្ងៃទី២ ខែកុម្ភៈ ឆ្នាំ១៩៥២ នៅទីក្រុងដេហ្គូ ប្រទេសកូរ៉េខាង ត្បូង។ លោកស្រីគឺជាប្រធានាធិបតីនៃសាធារណរដ្ឋកូរ៉េខាងត្បូងពីឆ្នាំ២០១៣ ដល់ឆ្នាំ ២០១៧។
ជាកូនស្រីរបស់អតីតមេដឹកនាំផ្តាច់ការយោធា លោកប៉ាក ជុងហ៊ី ដែលដឹកនាំកូរ៉េខាងត្បូងនៅឆ្នាំ១៩៦១ ដល់ឆ្នាំ ១៩៧៩ លោកស្រី ប៉ាក ជឺងហ៊ី ក្លាយជាតំណាងរាស្រ្តពីឆ្នាំ១៩៩៨ ដល់ ឆ្នាំ២០១២។ នៅចន្លោះឆ្នាំនេះដែរ លោកស្រីដឹកនាំគណបក្សប្រឆាំង គណបក្សជាតិដ៏ធំ (GPN)។
លោកស្រី ប៉ាក ជឺងហ៊ី បានទទួលសញ្ញាបត្រពីវិទ្យាល័យ សងស៊ីម ដេហ្គូ នៅឆ្នាំ១៩៧០ និង ទទួលបរិញ្ញាបត្រខាងវិស្វករអគ្គីសនីពីសកលវិទ្យាល័យសូហ្គាង នៅឆ្នាំ១៩៧៤។
នៅថ្ងៃទី២០ ខែសីហា ឆ្នាំ២០១៣ លោកស្រីប៉ាក ជឺងហ៊ី បានទទួលការតែងតាំងជាផ្លូវការជាបេក្ខភាពសម្រាប់ការបោះឆ្នោតប្រធានាធិតីដោយគណបក្សលោកស្រី គណបក្សជាតិដ៏ធំ (GPN) បន្ទាប់ពីការបោះឆ្នោតផ្ទៃក្នុងដែលលោកស្រីឈ្នះសម្លេង ៨៤% នៃសម្លេងទល់នឹង បេក្ខភាព ៤រូបផ្សេងទៀត។
នៅថ្ងៃទី១៩ ខែធ្នូ ឆ្នាំ២០១២ លោកស្រីបានឈ្នះការបោះឆ្នោតប្រធានាធិបតីកូរ៉េខាងត្បូង ជាមួយនឹងសម្លេង ៥១,៦% ទល់នឹង ៤៨% សម្រាប់លោក មូន ជេអ៊ីន។ នៅអំឡុងពិធីឡើងកាន់តំណែងជាផ្លូវការ កាលពីថ្ងៃទី២៥ ខែកុម្ភៈ ឆ្នាំ២០១៣ លោកស្រីប៉ាក ជឺងហ៊ី បានក្លាយជាស្រ្តីទី១ ជាប្រធានាធិបតីនៃប្រទេសកូរ៉េខាងខាងត្បូង និងជាប្រមុខរដ្ឋ ស្រ្តីទី១ នៃតំបន់អាស៊ីឥសាន។
នៅដើមអណត្តិ លោកស្រីប៉ាក ជឺងហ៊ី ត្រូវប្រឈមមុខនឹងការកើនឡើងនូវភាពតានតឹងខាងយោធាដែលបង្កឡើងដោយមេដឹកនាំផ្តាច់ការកូរ៉េខាងជើង លោកគីម ជុងអ៊ុន។ ដំណើរទស្សនកិច្ចលើកទី១ របស់លោកស្រីទៅកាន់សហរដ្ឋអាម៉េរិក នៅថ្ងៃ៥ ខែឧសភា ឆ្នាំ២០១៣ ដើម្បីជួបសមភាគីអាម៉េរិក លោក បារ៉ាក អូបាម៉ា គឺគ្របដណ្តប់ដោយបញ្ហានេះ។ នៅអំឡុងដំណើរនេះលោកស្រីក៏បានជួបនិងអគ្គលេខាអង្គការសហប្រជាជាតិ និងជាជនជាតិកូរ៉េដែរ គឺលោកបាន គីមូន។
លោកស្រី ប៉ាក ជឺងហ៊ី បានផ្តល់ការបង្គាប់បញ្ជាដល់អគ្គមេបញ្ជាការកងទ័ពឆ្លើយតបនឹងការវាយប្រហារដោយប្រហារដោយមិនគិតលើការពិចារណាខាងនយោបាយ។ អ្វីៗ ធ្វើឡើងជាមួយនិងការខិតខំប្រឹងប្រែង ពង្រឹង និងបង្ហាញអំពីការគាំទ្ររបស់សហរដ្ឋអាម៉េរិក។ ចាប់ពីខែមីនា ឆ្នាំ២០១៣ ក៏មានការបង្កើនឡើងច្រើនដងនូវការធ្វើលំហាត់សមយទ្ធរួមកូរ៉េខាងត្បូង អាម៉េរិក និងការហោះហើរលើកូរ៉េខាងត្បូងដោយកងយន្តហោះនៃកងទ័ពអាកាសយោធាអាម៉េរិក។ ប្រព័ន្ធការពារមីស៊ីលដែនអាកាសរបស់អាម៉េរិក Thaad ត្រូវបានពង្រាយនៅកូរ៉េខាងត្បូង ដែលបង្កើតបានជាការតវ៉ា និងការសម្តែងមតិជាច្រើន ជាពិសេសនៅកាន់ទីកន្លែងដែលមានការតម្លើងប្រព័ន្ធនេះ។ លោកស្រីប៉ាក ជឺងហ៊ី បានសម្រេចចិត្តព្យួររាល់ការផ្លាស់ប្តូរពាណិជ្ជកម្មជាមួយកូរ៉េខាងជើង និងបិទសួនឧស្សាហកម្មអន្តរកូរ៉េ សួនកៃសុង។
នៅខែឧសភា ឆ្នាំ២០១៣ មុនមួយខែនៃដំណើរទស្សនកិច្ចផ្លូវរដ្ឋរបស់លោកស្រីទៅទីក្រុងប៉េកាំង លោកស្រី ប៉ាក ជឺងហ៊ី ក៏បានប្រកាសថាចង់ធ្វើការឲ្យកាន់តែជិតស្និទ្ធជាមួយប្រទេសចិនដើម្បីដោះស្រាយបញ្ហាដែលពាក់ព័ន្ធនឹងកូរ៉េខាងជើង។
អំណាចរបស់លោកស្រីត្រូវបោះឆ្នោតព្យួរដោយការបោះឆ្នោតនៃសភាជាតិ។ ៣ខែ ក្រោយមក តុលាការធម្មនុញ្ញ ប្រកាសអំពីការដកតំណែងរបស់លោកស្រី។ ដោយត្រូវបានចាប់ខ្លួន និងឃុំខ្លួន នៅប៉ុន្មានសប្តាហ៍បន្ទាប់ពីការចាកចេញពីតំណែងរបស់លោកស្រី លោកស្រីត្រូវបានដាក់ទោសនៅឆ្នាំបន្ទាប់ ដោយជាប់គុក ៣២ឆ្នាំ សម្រាប់បទល្មើស រំលោភ អំណាច ពុករលួយ ការប្រើប្រាស់កម្លាំងគំរាមកំហែង និងការផ្ទេរមូលនិធិ។ ប៉ុន្តែលោកស្រីត្រូវបានលើកលែងទោសដោយប្រធានាធិបតីលោកមូន ជេអ៊ីន នៅឆ្នាំ២០២១។
Daily Program
