អ៊ីស្រាអែលរងការអំពាវនាវមិនឈប់មិនឈ ឲ្យឈប់បាញ់នៅហ្គាហ្សា

កាលពីថ្ងៃអង្គារ អ៊ីស្រាអែលប្រឈមនឹងសំពាធសាជាថ្មីពីសហគមន៍អន្តរជាតិ​សម្រាប់ការ​បង្កើត​បទឈបបាញ់នៅហ្គាហ្សា ជាមួយនឹងការបោះឆ្នោតដែលត្រៀមធ្វើនៅអង្គការ​សហប្រជាជាតិ។ បើយោងតាមក្រុមហាម៉ាស បានឲ្យដឹងថា ប្រជាជនប៉ាឡេស្ទីន ២០រូប បាន​ស្លាប់នៅក្នុងការទម្លាក់គ្រាប់បែកនៅរ៉ាហ្វា នៅភាគខាងត្បូង​ដែនដីហ្គាហ្សា។

កាលពីថ្ងៃអង្គារ អ៊ីស្រាអែលបានទទួលរងសំពាធសាជាថ្មីពីសហគមន៍អន្តរជាតិ​សម្រាប់ ការ ឈប់បាញ់នៅហ្គាហ្សា ជាមួយនឹងការបោះឆ្នោតដែលត្រៀមធ្វើនៅអង្គការសហប្រជាជាតិ នៅ ខណៈ​ដែលសហរដ្ឋ​អាម៉េរិកទើបតែសន្យាបន្តផ្គត់ផ្គង់សព្វាវុធដើម្បីបំផ្លាញក្រុមហាម៉ាស។

ក្រុមប្រឹក្សាសន្តិសុខនៃអង្គការសហប្រជាជាតិ​នឹងត្រូវថ្លែងអំពីអត្ថបទថ្មី​ដែលអំពាវនាវឲ្យមាន ការឈប់បាញ់ជាបន្ទាន់ និងចីរភាពសម្រាប់​ការប្រទូស្តរាយ នៅក្នុងដែនដីប៉ាឡេស្ទីន បន្ទាប់ ពី​ការវេតូប្រឆាំងដោយសហរដ្ឋអាម៉េរិក​សម្រាប់គំនិតផ្តួចផ្តើម​កាលពីលើកមុន។​ ពីដំបូង​គេ​ត្រៀម​ធ្វើឡើងនៅថ្ងៃចន្ទ ការបោះឆ្នោតនេះក៏ត្រូវលើកមកថ្ងៃអង្គារ​ដើម្បីអនុញ្ញាត ឲ្យ​មាន​ការ​ចរចា​កាន់តែទំលំទូលាយ​នៅជុំវិញគម្រោងការថ្មីនេះសម្រាប់ដំណោះស្រាយ។

បើយោងតាមក្រុមហាម៉ាស បានឲ្យដឹងដែរថា កាលពីថ្ងៃអង្គារ ប្រជាជនប៉ាឡេស្ទីន ២០នាក់ បាន​ស្លាប់​នៅក្នុងការទម្លាក់គ្រាប់បែក​នៅរ៉ាហ្វា នៅភាគខាងត្បូងនៃដែនដីហ្គាហ្សា។ នៅក្នុង​ចំណោមពួកគេក៏មានក្មេងចំនួន ៤នាក់ និងអ្នកកាសែតម្នាក់ ឈ្មោះ អាដែល ហ្ស៉ូរ៉ូប។ តួលេខ​នៃការស្លាប់នេះ​ជំរុញបន្ថែម​ឲ្យបន្ធូរបន្ថយ​ជម្លោះ តាមរយៈ​ការធ្វើការទូតជាច្រើន។

រដ្ឋមន្រ្តីកិច្ចការបរទេសអង់គ្លេស លោកដាវីដ កាំមឺរ៉ូន កាលពីថ្ងៃអង្គាត្រូវជួបសមភាគីបារាំង និង​អ៊ីតាលីរបស់លោកដើម្បីអំពាវនាវសាជាថ្មីឲ្យមានបទឈប់បាញ់ដោយចីរភាព។

កាលពីថ្ងៃចន្ទ រដ្ឋមន្រ្តីក្រសួងសុខាភិបាល​ហាម៉ាស បានប្រកាសថា មនុស្ស ១១០នាក់ ត្រូវ បាន​សម្លាប់ចាប់តាំងពីថ្ងៃអាទិត្យ​នៅក្នុងការទម្លាក់គ្រាប់បែករបស់អ៊ីស្រាអែល​នៅចាបាលៀ នៅភាគខាងជើង។ តុល្យការសរុបចុងក្រោយនៅដែនដីហ្គាហ្សា គឺមានមនុស្ស​ស្លាប់ ១៩៤៥៣ នាក់ នៅក្នុងការទម្លាក់គ្រាប់បែករបស់អ៊ីស្រាអែល ដែលភាគច្រើនគឺជាស្រ្តី កុមារ និង យុវវ័យ។

រថយន្តកាំមីញ៉ុងជាង ១០គ្រឿង ដែលផ្ទុកជំនួយមនុស្សធម៌ បានចូលទៅក្នុងដែនដីហ្គាហ្សា​តាមរយៈច្រកឆ្លងកាត់ ខឺរឹម ស្ហ៉ាឡូម ជិតរ៉ាហ្វា ដែលអ៊ីស្រាអែលបានយល់ព្រមបើកតាម​ការ ស្នើសុំរបស់សហរដ្ឋអាម៉េរិក។

នៅលើឆាកការទូត ១០ថ្ងៃ បន្ទាប់ពីការបោះឆ្នោតវ៉េតូរបស់អាម៉េរិក ក្រុមប្រឹក្សាសន្តិសុខ​នៃ អង្គការសហប្រជាជាតិ ត្រូវថ្លែងសន្ទរកថាអំពីអត្ថបទច្បាប់ថ្មីមួយ​សម្រាប់ការឈប់បាញ់​បន្ទាន់ និងចីរភាព ចំពោះការប៉ះទង្គិចនៅហ្គាហ្សា។ នេះគឺជាការបោះឆ្នោត​ដែលពីដំបូង គេ ត្រៀម​ធ្វើ​នៅ​ថ្ងៃចន្ទ ត្រូវលើកមកថ្ងៃអង្គារ។ សាខាយោធា​នៃក្រុមហាម៉ាស បានផ្សាយវិដេអូ​ដែល​បង្ហាញ​​ជនជាតិ​អ៊ីស្រាអែលបីនាក់ចាស់ៗ ស្ថិតនៅក្នុងចំណោមចំណាប់ខ្មាំង ដែលពួកគេបាន​ឃុំឃាំង។

លោកស្រីរដ្ឋមន្រ្តីក្រសួងកិច្ចការបរទេសបារាំង លោកស្រីកាតឺរីន កូឡូនណា បានអំពាវនាវ​ឲ្យ​មេដឹកនាំលីបង់ ស្ងប់ស្ងាត់ផងដែរដើម្បីបញ្ចៀសការកើនឡើងនូវជម្លោះនៅក្នុងភាគខាងត្បូង​ប្រទេសលីបង់ បន្ទាប់ពីធ្វើសេចក្តីអំពាវនាវក្នុងភាពស្រដៀងគ្នាចំពោះ​មន្រ្តីជាន់ខ្ពស់​អ៊ីស្រាអែលមុនមួយថ្ងៃ។

រដ្ឋមន្រ្តីក្រសួងការពារជាតិអាម៉េរិក លោកឡ័រ អូស្ទីន បានប្រកាស​នូវការបង្កើត​សម្ព័ន្ធមិត្តនៅ​សមុទ្រក្រហមដែលសំដៅប្រឆាំង​ការវាយប្រហារ​មិនមានការទទួលខុសត្រូវ​នៃក្រុមបះបោរ ហ៊ូទី នៃប្រទេសយេមេន នៅលើចរាចរណ៍សមុទ្រ ដែលសម្ព័ន្ធមិត្តនេះ រួមមាន ១០ប្រទេស ក្នុងនោះក៏មាន​ប្រទេសបារាំង និងចក្រភពអង់គ្លេសចូលរួមផងដែរ។