លោក អង់តូនីញ៉ូ ប៉ាលូស៊ី (Antonio Paolucci) អតីតនាយកសារមន្ទីរវ៉ាទីកង់បានទទួលមរណភាពនៅក្នុងអាយុ៨៤ ឆ្នាំ។
វ៉ាទីកង់ញូវបានរាយការណ៍ថា លោកបានបាត់បង់ជីវិតកាលពីថ្ងៃអាទិត្យកន្លងទៅ ហើយសម្តេចប៉ាបហ្រ្វង់ស៊ីស្កូបានសំដែងមរណៈទុក្ខចំពោះដំណឹងមរណៈភាពនេះ ដោយសារតែលោកគឺជាអ្នកដែលមានកេរ្តិ៍ឈ្មោះល្បីល្បាញមួយរូបនៅក្នុងផ្នែកសិល្បៈ និងប្រវត្តិសាស្រ្តនៅអ៊ីតាលី។
សម្តេចប៉ាបបានវាយតម្លៃខ្ពស់រាល់កិច្ចការនិងស្នាដៃដែលលោកបានបង្កើតឡើងនៅក្នុងអំឡុងពេលដែលលោកបានដឹកនាំនិងគ្រប់គ្រងសារមន្ទីរវ៉ាទីកង់ ចាប់តាំងពីលោកត្រូវបានតែងតាំង ដោយសម្តេចប៉ាបបេណេឌិកទី១៦ នៅខែវិច្ឆិកា ឆ្នាំ២០០៧ រហូតដល់ខែកក្កដា ឆ្នាំ២០១៦ ។
នៅមុនពេលកាន់កាប់តួនាទីរហូតដល់លោកចូលនិវន្តន៍ លោក អង់តូនីញ៉ូ ប៉ាលូស៊ី ធ្លាប់បានដឹកនាំសារមន្ទីរមួយចំនួននៅអ៊ីតាលីផងដែរ៕
Daily Program
