ស្ថានភាពសុខភាព​របស់សម្តេចប៉ាបបន្តមាន​ស្ថិរភាព ខណៈ​ការ​ព្យាបាល​តាម​វេជ្ជសាស្រ្ដនៅតែ​បន្ត

ស្ថានភាពសុខភាពរបស់សម្តេចប៉ាបហ្រ្វង់ស៊ីស្កូ និង ដំណើរការព្យាបាលសុខភាពទ្រង់ នៅតែបន្តមានស្ថេរភាព ។

វ៉ាទីកង់ញូវបានរាយការណ៍ថា បើធៀបនឹងប៉ុន្មានថ្ងៃមុននេះ ហើយសម្តេចប៉ាបមិនជួបប្រទះនឹងបញ្ហាផ្លូវដង្ហើមទៀតទេ ។

ការិយាល័យព័ត៌មានសន្តអសនៈ បានចេញសេចក្តីជូនដំណឹងស្តីពីសុខភាពរបស់សម្តេចប៉ាបថា សម្តេចប៉ាបកំពុងបន្តការទទួលការព្យាបាលនៅមន្ទីរពេទ្យបន្ត ។​

ប្រភពដដែលបានបន្តថា “ទ្រង់មិនបានជួបប្រទះនឹងបញ្ហាផ្លូវដង្ហើមណាមួយឡើយនៅថ្ងៃប៉ុន្មានថ្ងៃចុងក្រោយ ។ ស្ថានភាពចលនាផ្លូវដង្ហើម ស្ថេរភាព ហើយ លទ្ធផលតេស្តឈាមក៏បង្ហាញថា ទ្រង់មានសុខភាព ស្ថេរភាព” ។

ប្រភពដដែលបានបន្តថា រហូតដល់ថ្ងៃព្រហស្បតិ៍ ទ្រង់មិនមានអាការៈ គ្រុនក្តៅទេ។ ទោះយ៉ាងណាក៏ដោយ ការព្យាករណ៍នៅតែរក្សាបន្តដដែល​។

ដោយមើលឃើញស្ថេរភាពនៃស្ថានភាពព្យាបាលរបស់ទ្រង់ ដំណើរការនៃការចេញសេចក្តីលំអិតអំពីស្ថានភាពសុខភាពសម្តេចប៉ាបនឹងត្រូវពន្យាដល់ថ្ងៃសៅរ៍។

ប្រភពបានបញ្ជាក់ថា ពេញមួយថ្ងៃព្រហស្បតិ៍ សម្តេចប់ាបមានសកម្មភាពជាប្រក្រតី ដោយទ្រង់សម្រាកនិងអធិដ្ឋានឆ្លាស់គ្នា ហើយក៏ឆ្លៀតបំពេញកិច្ចការមួយចំនួន ដែលទ្រង់អាចធ្វើបាន ។