សម្តេចប៉ាបហ្រ្វង់ស៊ីស្កូបានបង្វែរការយកចិត្តទុកដាក់របស់ទ្រង់ចំពោះអ្នកទោសសង្រ្គាមដោ យបានអធិដ្ឋានសុំសេរីភាពរបស់ពួកគេ និងបរិហារការធ្វើទារុណកម្មដែលពួកគេត្រូវបានទទួលរង។
សម្តេចប៉ាប កាលពីថ្ងៃពុធបានបញ្ជាក់ពីស្ថានភាពនៃអ្នកទោសសង្គ្រាមក្នុងប្រទេសដែលមានជម្លោះនានា។
ទ្រង់បានមានបន្ទូលថា ៖ «គំនិតរបស់យើងនៅពេលនេះ គឺសម្រាប់ប្រជាជននៅក្នុងសង្រ្គាម»។
សម្តេចប៉ាបបានមានបន្ទូលថា ៖ «យើងកំពុងតែរិះគិតអំពីដែនដីបរិសុទ្ធ នៃប៉ាឡេស្ទីន និងអ៊ីស្រាអែល។ យើងគិតពីអ៊ុយក្រែន និងការធ្វើទារុណកម្មនៅទីនោះ។ យើងគិតពីអ្នកទោសសង្គ្រាមទាំងអស់...»។
សម្តេចប៉ាបក៏បានទូលអង្វរព្រះជាម្ចាស់ និងធ្វើការអំពាវនាវឲ្យមានការដោះលែងអ្នកទោសដោយសង្កត់ធ្ងន់ទៀតថា សូមព្រះជាម្ចាស់ជួយឲ្យពួកគេ បានរួចផុតពីទុក្ខលំបាកទាំងអស់គ្នាជាពិសេសសម្រាប់អ្នកទោស ដែលទទួលរងការធ្វើទារុណកម្ម។
សម្តេចប៉ាបបានមានបន្ទូលទៀតថា ការធ្វើទារុណកម្មអ្នកទោស គឺជារឿងដ៏អាក្រក់មួយ។យើងគិតពីការធ្វើទារុណកម្មជាច្រើនប្រភេទ ដែលធ្វើឲ្យប៉ះពាល់ដល់សេចក្តីថ្លៃថ្នូររបស់មនុស្ស និងមនុស្សដែលត្រូវបានគេធ្វើទារុណកម្មជាច្រើន... សូមព្រះអម្ចាស់ជួយមនុស្សគ្រប់គ្នា ហើយប្រសិទ្ធិពរអ្នករាល់គ្នា៕
Daily Program
