សម្តេចប៉ាបឡេអូទី១៤ស្នើឲ្យគ្រីស្តបរិស័ទស្វែងរកវិធីថ្មីដើម្បីចែករំលែកបទពិសោធន៍នៃជីវិត

នាថ្ងៃបុណ្យព្រះវិញ្ញាណ​យាងមក សម្តេចប៉ាឡេអូទី១៤ បានណែនាំគ្រីស្តបរិស័ទឲ្យស្វែងរកវិធីសាស្រ្តថ្មីដើម្បីស្វែងរកនិងចែករំលែកនូវបទពិសោធន៍ថ្មីៗនៃជីវិត។ នេះ​បើ​តាម​វ៉ាទីកង់ញូវ។

សម្តេចប៉ាបឡេអូបានមានបន្ទូលថា ព្រះជាម្ចាស់មិនចង់ឲ្យយើងបិទចិត្តបិតគំនិតមិនអោយស្រាវជ្រាវនោះទេ គឺទ្រង់បើកចំហរនិងលើកទឹកចិត្តឲ្យប្រជារាស្រ្តរបស់ព្រះអង្គទាំងអស់ព្យាយាមស្វែងរកអ្វីដែលថ្មី អ្វីជាជាអំណរ អ្វីដែលជាស្នូលដែលជាមូលដ្ឋានសម្រាប់យើងចែករំលែកដើម្បីឲ្យសង្គមមនុស្សពោរពេញដោយអំណរសប្បាយ។​

សម្តេចប៉ាបបានមានបន្ទូលថា ព្រះជាម្ចាស់ទ្រង់ចង់ឲ្យយើងចេះរុករកអ្វីដែលជាអត្ថន័យនៃសេចក្តីស្រលាញ់ ហើយអ្វីដេលជា​​កម្លាំង​ដើម្បី​រក្សា​ភាពស្មោះត្រង់​ចំពោះ​ព្រះបន្ទូល​របស់​ទ្រង់ ហើយ​អនុញ្ញាតឱ្យ​សង្គមរីកចម្រើន។

សម្តេចប៉ាបបានមានបន្ទូលថា ព្រះវិញ្ញាណបរិសុទ្ធគឺចង់ឲ្យយើងបើកចិត្តបើកគំនិត ពោលគឺបើកចំហរព្រំដែននៃគំនិតដើម្បីទទួលអ្វីដែលថ្មី​មកប៉ះប៉ូវអ្វីដែលវាជាបញ្ហា ហើយនឹងអ្វីដែលអាចផ្សះផ្សារដួងចិត្តរបស់យើងទាំងអស់គ្នាដោយសេចក្តីស្រលាញ់​៕