សម្តេចប៉ាបឡេអូទី១៤បានតែងតាំងលោកអភិបាលជនជាតិចិនជាលើកដំបូង

សម្តេចប៉ាប ឡេអូទី ១៤  បានធ្វើការតែងតាំងលោកអភិបាលនៃព្រះសហគមន៍កាតូលិកនៅក្នុងប្រទេសចិនជាលើកដំបូង។​

លោកអភិបាលថ្មីដែលត្រូវបានតែងតាំងដោយសម្តេចប៉ាបឡេអូទី១៤ គឺលោកអភិបាល ចូសេប លីន យុនធួន (Joseph Lin Yuntuan) ដើម្បីដឹកនាំគ្រីស្តបរិស័ទនៅភូមិភាពហ្វូចូវ​។

ក្រោយពេលដែលសម្តេចប៉ាបតែងតាំង រដ្ឋាភិបាលចិនក៏បានទទួលស្គាល់ការតែងតាំង លោកអភិបាលថ្មីនៃព្រះសហគមន៍ ហ្វូចូវផងដែរ។

លោកអភិបាលថ្មី គឺត្រូវបានគេដឹងថា គឺបានទទួលការតែងតាំងតាំងពីថ្ងៃទី ០៥ ខែមិថុនា មកម៉្លេះ ប៉ុន្តែព័ត៌មានទើបតែត្រូវបានផ្សព្វផ្សាយកាលពីចុងសប្តាហ៍មុន។

លោកអភិបាលថ្មី កើត​នៅ​ថ្ងៃ​ទី ១២ ខែ​មីនា ឆ្នាំ១៩៥២ នៅ ទីក្រុង ហ្វូជីង (Fuqing )ខេត្តហ្វូជៀន ( Fujian) ហើយបានក្លាយ​ជា​បព្វជិតភាព​នៅ​ថ្ងៃ​ទី ៩ ខែ​មេសា ឆ្នាំ ១៩៨៤៕