សម្តេចប៉ាបឡេអូទី១៤បន្តសម្លេងត្អូញត្អែសម្តេចប៉ាបហ្រ្វង់ស៊ីស្កូអំពីសង្រ្គាម

សម្តេច​ប៉ាប ឡេអូទី១៤បានបន្តបំពងសម្លេងត្អូញត្អែអំពីសង្រ្គាមដែលតែងតែលើកឡើងដោយសម្តេចប៉ាបហ្រ្វង់ស៊ីស្កូ ថា សង្គ្រាមតែងតែនាំមកនៅការបរាជ័យគ្រប់ភាគី។

វ៉ាទីកង់ញូវបានរាយការណ៍ថា សម្តេចប៉ាបឡេអូបានមានបន្ទូលកាលពីថ្ងៃពុធនៅពេលយាងសាវនាកាជាមួយនឹងគ្រីស្តបរិស័ទថា បេះដូងរបស់ព្រះសហគមន៍កំពុងតែខ្ទេចខ្ទាំដោយសារតែសង្រ្គាមដែលកើតមាននៅ ​អ៊ុយក្រែន អ៊ីរ៉ង់ អ៊ីស្រាអែល និង​តំបន់​ហ្កាហ្សា។

សម្តេចប៉ាបឡេអូបានមានបន្ទូលទៀតថា  យើងមិនត្រូវទម្លាប់ធ្វើសង្គ្រាមឡើយ  ហើយផ្ទុយទៅវិញយើងទាំងអស់គ្នាគួរតែបដិសេធនៅពេលដែលគេនិយាយអំពីអាវុធយុទ្ធភ័ណ្ឌនានា។

សម្តេចប៉ាបឡេអូក៏បាន​ព្រមាន​ថា ការ​ប្រើ​អាវុធ​វិទ្យាសាស្ត្រ​គ្រប់​ប្រភេទ​ក្នុង​សង្គ្រាម​ទំនើប​កំពុងប្រឈម​នឹង​ហានិភ័យ “នាំ​អ្នក​ប្រយុទ្ធ​ទៅ​រក​ភាព​ព្រៃផ្សៃ​ខ្លាំង​ជាង​កាលពីអតីតកាល”៕