ការិយាល័យព័ត៌មានសន្តអាសនៈបញ្ជាក់ថា សម្តេចប៉ាបហ្រ្វង់ស៊ីស្កូ នឹងធ្វើទស្សនកិច្ចនៅទីក្រុងរ៉ូមនៅថ្ងៃទី១០ ខែមិថុនា។
ប្រភពដដែលបានបន្តថា នេះគឺជាកម្មវិធីទស្សនកិច្ចជាថ្មីរបស់ទ្រង់នៅទីក្រុងរ៉ួម ប្រទេសអ៊ីតាលី។
ក្នុងដំណើរទស្សនកិច្ចនេះ លោក រ៉ូបឺតូ ហ្គាលទីយឺរី (Roberto Gualtieri) អភិបាលក្រុងរ៉ូម នឹងទទួលអញ្ជើញមកស្វាគមន៍សម្តេចប៉ាប នៅម៉ោង ៩ ព្រឹក។
ប្រភពដដែលបានបន្តថា ដំណើរទស្សនកិច្ចជាថ្មីរបស់សម្តេចប៉ាបគឺនៅក្រោយពេលដែល លោក រ៉ូបឺតូបានជួបពិភាក្សាជាមយយនឹងទ្រង់នៅបុរីវ៉់ាទីកង់កាលពីថ្ងៃទី៤ ខែមករា កន្លងទៅថ្មីៗនេះ។
នេះគឺជាលើកទី២ហើយដែលសម្តេចប៉ាបយាងទស្សនកិច្ចផ្លូវការនៅទីក្រុងរ៉ូមក្រោយពេលដែលទ្រង់បានយាងម្តងកាលពីខែតុលា ឆ្នាំ២០២០ ដោយនៅពេលនោះទ្រង់យាងចូលរួមកម្មវិធីមួយរបស់សន្តអេជីឌីអូ (Sant'Egidio) ដើម្បីសន្តិភាព ។
គួររំលឹកថា នៅគ្រប់ដំណើរទស្សនកិច្ចរបស់សម្តេចប៉ាបនៅរយៈចុងក្រោយនេះ សម្តេចប៉ាបតែងតែមានបន្ទូលអំពី ជនរងគ្រោះនៃជំងឺរាតត្បាត សង្គ្រាម ភេរវកម្ម និងអំពើហិង្សានៅទូទាំងពិភពលោក។
ទ្រង់ក៏តែងតែយកព្រះទ័យចាប់អារម្មណ៍នឹងបញ្ហាកុមារ និងសន្តិភាពនៅតាមកន្លែងនិងប្រទេសនានាដែលនៅតែបន្តមានអំពើហិង្សា៕
Daily Program
