សង្រ្គាមអ៊ីស្រាអែល ហាម៉ាស អគ្គមេបញ្ជាការកងទ័ពអ៊ីស្រាអែលនិយាយថា កង កម្លាំងរបស់លោកត្រៀមខ្លួនយ៉ាងល្អ​ក្នុងការវាយប្រហារជើងគោក

នៅក្នុងសាវិដឺអូមួយ​ដែលផុសក្នុងបណ្តាញសង្គម កាលពីល្ងាចថ្ងៃចន្ទ លោកហឺហ្ស៊ី ហាឡឺវី អគ្គ​មេបញ្ជាការកងទ័ពអ៊ីស្រាអែល បញ្ជាក់ថា បានត្រៀមខ្លួន​សម្រាប់ការលុកលុយផ្លូវគោក​លើ​​តំបន់​ហ្គាហ្សា។ លោក​បញ្ជាក់ថា ៖ “បញ្ជាការភាគខាងត្បូងដាក់ចេញនូវផែន​ការប្រតិបត្តិ​ការ​​ប្រកប​ដោយគុណភាព។ វាមានការពិចារណាខាងតាក់ទិច ប្រតិបត្តិ និងយុទ្ធសាស្រ្ត ដែល​ត្រូវ​ការ​ពេល​វេលា​កាន់​តែ​ច្រើន។ ហើយកងទ័ពដែលមានពេលវេលាកាន់តែច្រើន គឺកាន់តែ​ប្រសើរ​ត្រៀមខ្លួន”។ លោកក៏រំឭកថា គោលដៅនៃអន្តរគមយោធា​អ៊ីស្រាអែលគឺដើម្បី​នាំ​ហា​ម៉ាស​ឲ្យធ្លាក់ចូលក្នុងសភាព​ត្រូវបានកំទេចទាំងស្រុង ទាំងមេដឹកនាំរបស់ពួកគេ សាខា​យោធា និងយន្តការនៃការងាររបស់ពួកគេ ដោយអះអាងថា នឹងវាយប្រហារ និងកំទេច មេ​បញ្ជាការ ទាហានជាន់ខ្ពសនៃក្រុមប្រដាប់អាវុធប៉ាឡេស្ទីន និងបំផ្លាញហេដ្ឋារចនាសម្ព័ន្ធ​របស់​ពួក​គេ​តាម​របៀបនៃការវាយប្រហារមិនឈប់មិនឈ។

ចំណែករដ្ឋមន្រ្តីចិននៃកិច្ចការបរទេសបាននិយាយកាលពីថ្ងៃចន្ទទៅកាន់សមភាគីអ៊ីស្រាអែល​របស់លោកថា គ្រប់ប្រទេសទាំងអស់មានសិទ្ធការពារខ្លួន នៅអំឡុងជំនួបលើកទី១ រវាង​ប្រមុខ​​ការទូត​នៃប្រទេសទាំងពីរ​ចាប់តាំងពីការផ្ទុះឡើងនូវជម្លោះរវាងអ៊ីស្រាអែល និង​ហាម៉ាស នៅថ្ងៃទី៧ ខែតុលា។ លោកវ៉ាងយី រដ្ឋមន្រ្តីការបរទេសចិន បានប្រកាសទៅលោក អេលី កូហេន រដ្ឋមន្រ្តី​ការ​បរទេស​អ៊ីស្រាអែល​ថា ៖ “គ្រប់ប្រទេសទាំង​អស់មានសិទ្ធ​ការពារ​ខ្លួន។

លោកវ៉ូលឃើ ទៀក បេសកជនជាន់ខ្ពស់នៃអង្គការសហប្រជាជាតិ​សម្រាប់សិទ្ធមនុស្ស បាន​អំពាវនាវ​ឲ្យមានបទឈប់បាញ់ដើម្បីមនុស្សធម៌ជាបន្ទាន់។. នៅក្នុងសេចក្តីប្រកាសមួយ លោក​វ៉ូលឃើ ទៀក បាន​បញ្ជាក់​ថា ៖ “ដំណាក់កាលទី១ ត្រូវតែជាបទឈប់បាញ់ដើម្បីមនុស្ស​ធម៌​ជាបន្ទាន់ និ​ង​សង្រ្គោះ​ជីវិត​ប្រជាជនស៊ីវិលដោយការនាំយកជំនួយ​មនុស្សធម៌ឲ្យបាន​រហ័ស និងប្រសិទ្ធភាពទៅកាន់​ដែន​ដី​ហ្គាហ្សា។ លោកទទូចថា មនុស្សជាតិត្រូវតែ​មានសារៈ​សំខាន់​ជាងអ្វីទាំងអស់ និង​បញ្ជាក់ថា ប្រជាជនស៊ីវិលច្រើនពេក ដែលរួមមាន​ទាំង​កុមារ​ជា​ច្រើន បានបាត់បង់ជីវិត សម្រាប់​ភាគី​ទាំងពីរ។ លោកទៀក បានព្រមានថា ៖ “ប្រសិនបើជំនួយតទៅមុខ​សម្រាប់​ប្រជាជ​ននៅហ្គាហ្សា រួមទាំង ឥន្ធនៈ ថ្នាំសង្កូវ ចំណីអាហារ និងទឹក មិនមានក្នុង​ប៉ុន្មាន​ថ្ងៃ​ទៀត​ទេ ឬប៉ុន្មានម៉ោងខាងមុខ មនុស្សកាន់តែច្រើននៅហ្គាហ្សា​នឹង​ស្លាប់ដោយឃ្លាន ស្រេកទឹក និង​ការខ្វះការព្យាបាលវេជ្ជសាស្រ្ត។

បេសកជនជាន់ខ្ពស់នេះ អំពាវនាវឲ្យភាគីនានាបង្កើនទ្វេនូវកិច្ចខិតខំប្រឹងប្រែង​ដើម្បី​ធានា​ការ​គោរព​​នៃសិទ្ធអន្តរជាតិ និងរំឭកថា សង្រ្គាមក៏ត្រូវមានច្បាប់​ដើម្បីជាអាទិ៍​ការពារជនស៊ីវិល និង​អ្នក​ដែលរំលោភច្បាប់​គួរតែត្រូវ​ឆ្លើយតបនឹងទង្វើរបស់ពួកគេ។ លោកទៀក បានប្រាប់ឲ្យ​ដឹង​ថា ជនស៊ីវិលទាំងអស់ដែលត្រូវចាប់ និងឃុំឃាំងដោយក្រុម​ប្រដាប់អាវុធប៉ាឡេស្ទីន ត្រូវតែ​ត្រូវ​ដោះលែងឲ្យមានសេរីភាពភ្លាម និងគ្មានលក្ខខណ្ឌ។ ការចាប់ចំណាប់ខ្មាំង និង​ការឃុំឃាំង​ពួកគេ​ត្រូវបានហាមឃាត់ដោយសិទ្ធអន្តរជាតិ”។ ម្យ៉ាងវិញទៀត លោកបានគូសបញ្ជាក់ថា វិធាន​ការដែលអ៊ីស្រាអែលប្រកាន់យក ដើម្បីរារាំងជនស៊ីវិល​មិនឲ្យចូលទៅយកទ្រព្យសម្បត្តិ និង​​អ្វីៗ ចាំបាច់របស់ពួកគេ បង្កបានជាទម្រង់នៃការដាក់ទណ្ឌកម្មសមូលហភាព ហើយដូច្នេះ វា​ក៏ផ្ទុយនឹងសិទ្ធអន្តរជាតិដែរ។ លោកទៀក បានសុំថា ៖ “ក្រុមប្រដាប់អាវុធប៉ាឡេស្ទីន ត្រូវ​ឈប់​​បាញ់រ៉ូកែតដោយខ្វាក់ និងកងកម្លាំងការពារអ៊ីស្រាអែល​ត្រូវបញ្ចៀសការប្រើប្រាស់អាវុធ​ផ្ទុះ​ក្នុងកម្រិតធ្ងន់ទៅក្នុងតំបន់ដែលមានប្រជាជនប្រមូលផ្តុំរស់នៅច្រើន”។