វិស័យការពារជាតិ ប្រឈមមុខនឹងលោកត្រាំ ទំនុកចិត្តរបស់អឺរ៉ុបចំពោះសហរដ្ឋ អាម៉េរិកធ្លាក់ចុះទាបបំផុត
យោងតាមការអង្កេតថ្មីមួយ មានតែជនជាតិ១នាក់ក្នុងចំណោម ១០នាក់ នៅចាត់ទុកទីក្រុង វ៉ាស៊ីនតុនជាសម្ព័ន្ធមិត្ត។ នៅខណៈដែលការមិនទុកចិត្តកើនឡើង ជនជាតិអឺរ៉ុបហាក់ដូចជា ពេញចិត្តកាន់តែច្រើនឡើងក្នុងការការពារខ្លួនឯងប្រឈមនឹងអ្នកឈ្លានពានដែលមាន សក្តានុពល។
សហរដ្ឋអាម៉េរិកនៅតែជាសម្ព័ន្ធមិត្តអឺរ៉ុបឬទេ? យោងតាមរបាយការណ៍មួយ នៃក្រុមប្រឹក្សា អឺរ៉ុបនៃទំនាក់ទំនងអន្តរជាតិ (ECFR) បានឲ្យដឹងថា នៅខណៈដែលការវិលត្រឡប់របស់ លោកដូណាល់ ត្រាំ មកកាន់វិមានពងក្រពើ លោកបានវាយប្រហារប្រទេសចំនួន ៧ បាន គំរាមកំហែងឈ្លានពានកោះហ្គ្រូអេនឡេន និងគំរាមកំហែងដាក់ពន្ធគយមិនឈប់ឈរលើ ប្រទេសចំនួន ២៧ នៅអឺរ៉ុប។ ដូច្នេះ ទំនុកចិត្តរបស់អឺរ៉ុបហាក់បីដូចជាលែងមានពិតប្រាកដហើយ។ ដោយធ្វើការស្ទង់មតិលើប្រទេសចំនួន ១៥ នៃទ្វីបអឺរ៉ុប ដែលមានដូចជា បារាំង អាឡឺម៉ង់ អ៊ីតាលី ប៉ូឡូញ និងចក្រភពអង់គ្លេស ក្រុមប្រឹក្សាអឺរ៉ុបនៃទំនាក់ទំនងអន្តរជាតិ បានសន្និដ្ឋានថា ជនជាតិអឺរ៉ុបលែងជឿហើយលើការធានាសន្តិសុខពីអាម៉េរិក និងមានអារម្មណ៍ផ្ទុយវិញ ដោយការមិនទុកចិត្តដ៏ជ្រាលជ្រៅចំពោះសហរដ្ឋអាម៉េរិក។
អ្នកឯកទេសនៃក្រុមប្រឹក្សាអឺរ៉ុបនៃទំនាក់ទំនងអន្តរជាតិ បានកត់សម្គាល់ថា មានតែ ១១% ក្នុងចំណោមជនជាតិអឺរ៉ុបនៅមើលឃើញនៅឡើយថា ទីក្រុងវ៉ាស៊ីនតុននៅតែជាសម្ព័ន្ធមិត្តនាពេលសព្វថ្ងៃនេះ។ នេះគឺជាកម្រិតដ៏ទាបបំផុតជាប្រវត្តិសាស្រ្ត។ ភាគច្រើននៃជនជាតិអឺរ៉ុបពិព៌នាថា សហរដ្ឋអាម៉េរិកគឺជាដៃគូដ៏ចាំបាច់ ហើយមួយ ១/៤ នៃការស្ទង់មតិ មាននៅប្រទេសដាណឺម៉ាក បារាំង អេស្ប៉ាញ និងស្វីស ប្រជាជនក៏ចាត់ទុកប្រធានាធិបតីអាម៉េរិកជាគូប្រជែង ឬក៏ជាសត្រូវផង។
ជនជាតិអឺរ៉ុបជាច្រើនដែលត្រូវបានធ្វើការស្ទង់មតិវាយតម្លៃថា ទំនាក់ទំនងជាមួយសេតវិមាននឹងល្អប្រសើរឡើង កាលណាលោកដូណាល់ ត្រាំ នឹងចាកចេញពីតំណែង។ នៅចន្លោះពេលរង់ចាំ ពួកគេមិនបានបាត់បង់ក្តីសង្ឃឹមសម្រាប់ស្ថានភាពដែលសហរដ្ឋអាម៉េរិកនឹងវិលត្រឡប់មករកស្នូលកណ្តាលនៃសម្ព័ន្ធមិត្តឆ្លងអាត្លង់ទិកនោះទេ។
ជាលទ្ធផល ៖ ជនជាតិអឺរ៉ុបនឹងពឹងផ្អែកលើអ្នកជិតខាងក្នុងចំណោមគ្នាគេ។ លើកលែងតែប្រទេសប៊ុយហ្គារី នៅក្នុងគ្រប់ប្រទេសដែលធ្វើការស្ទង់មតិ ភាគច្រើននិយាយថា ពួកគេប្រាកដថា យ៉ាងហោចណាស់ ប្រទេសអឺរ៉ុបខ្លះៗ នឹងមកជួយពួកគេ ប្រសិនបើប្រទេសរបស់ពួកគេត្រូវបានវាយប្រហារ។ ជនជាតិដាណឺម៉ាកជឿដូច្នេះ។ ៤៣% ទុកចិត្តណាស់ថា ប្រទេសអឺរ៉ុបផ្សេងៗនឹងមកជួយនៅពេលដែលប្រទេសខ្លួនត្រូវវាយប្រហារ ហើយ ៤៥% ជឿល្មមៗ ទេថា ដូច្នេះ។
នៅក្នុងបរិបទនេះ ពលរដ្ឋនៃទ្វីបអឺរ៉ុប កាន់តែច្រើនឡើងៗ ចង់ការពារខ្លួនដោយខ្លួនឯងពីការខ្វះភាពទុកចិត្តលើអាមេរិក តាមរយៈការពង្រឹងការពារអឺរ៉ុប ជាពិសេសប្រឈមមុខនឹងប្រទេសរុស្ស៊ី។ ដើម្បីឈានទៅសម្រេចបានរឿងនេះ អ្នកទទួលការស្ទង់មតិ ជាទូទៅ គាំទ្រឲ្យមានការបង្កើនថវិកាលើវិស័យការពារជាតិ និងលើកងកម្លាំងឆត្រនុយក្លេអ៊ែរអឺរ៉ុបដែលឯករាជ្យ។
ជនជាតិអឺរ៉ុប ជាទូទៅក៏ពេញចិត្តនឹងធ្វើការសហប្រតិបត្តិការជាមួយអ្នកជិតខាងខ្លួន។ ៤៧% នៃមនុស្សដែលបានសាកសួរ គាំទ្រគំនិតការខ្ចីប្រាក់រួមគ្នាសម្រាប់សហភាពអឺរ៉ុបដើម្បីផ្តល់ហិរញ្ញប្បទានដល់ការចំណាយយោធា។
ប្រឈមនឹងលទ្ធផលទាំងនេះក្រុមប្រឹក្សាអឺរ៉ុបនៃទំនាក់ទំនងអន្តរជាតិ វាយតម្លៃថា មេដឹកនាំជាច្រើននៅទ្វីបអឺរ៉ុប ដែលបានចូលរួមគាំទ្រគំនិតការការពារអឺរ៉ុបដោយអឺរ៉ុប គួរតែចាប់យកឱកាសនេះ ដែលជាពេលវេលាសមស្របមុនពេលប្រជាពលរដ្ឋផ្លាស់ប្តូរគំនិតរបស់ពួកគេ។
Daily Program
