នៅអាហ្រ្វិកខាងលិច សហគមន៍នេសាទតាមបែបប្រពៃណីកំពុងប្រឈមមុខនឹងវិបត្តិយ៉ាងខ្លាំង ដោយ សារតម្រូវការត្រីដើម្បីបំពេញឧស្សាហកម្ម បានជំរុញដោយកងនាវានេសាទបរទេសចូលមក លុកលុយ បំផ្លាញជម្រុកត្រីក្នុងស្រុក និងជីវភាពរស់នៅរបស់ពួកគេ។ នេះបើតាមសេចក្តីរាយការណ៍ របស់វ៉ាទីកង់ញូវ។
ប្រភពដដែលបានអះអាងថា ក្នុងរយៈពេលប៉ុន្មានឆ្នាំចុងក្រោយនេះ ឧស្សាហកម្មនេសាទនៅទូទាំងទ្វីបអាហ្រ្វិកខាងលិចបាននឹងកំពុងស៊ូទ្រាំនឹងវិបត្តិដ៏ធំធេង។
ថ្លែងនៅក្នុងសន្និសីទមហាសមុទ្រពិភពលោករបស់អង្គការសហប្រជាជាតិកាលពីខែមិថុនា សកម្មជនជនជាតិហ្គាំប៊ី ឈ្មោះ មូស្តាហ្វា ម៉ាណេស (Mustapha Manneh) បានជំរុញឱ្យមានការយកចិត្តទុកដាក់ជាសកលចំពោះការដួលរលំនៃបែបផែនទាញប្រយោជន៍ពីជលផលប្រពៃណីនៅក្នុងតំបន់ ដែលជាលទ្ធផលដែលទាក់ទងយ៉ាងស៊ីជម្រៅទៅនឹងគំរូ តម្រូវការ និង ការលុកលុយរបស់កងនាវានេសាទធំៗ។
កងនាវាបរទេសនៅពេលនេះបានកំពុងកំណត់គោលដៅកាន់តែខ្លាំងឡើងលើប្រភេទកសិដ្ឋានតូចៗដែលមានដើមកំណើតនៅដែនទឹកអាហ្វ្រិកខាងលិច ដូចជាត្រីសាឌីន និងបុងហ្គា មិនមែនសម្រាប់ទីផ្សារក្នុងស្រុកទេ ប៉ុន្តែសម្រាប់ការផលិតសាច់ត្រី និងខ្លាញ់ត្រីដែលកំណត់សម្រាប់ឧស្សាហកម្មវារីវប្បកម្មនៅបរទេស។
ប្រភេទសត្វទាំងនេះ ធ្លាប់ជាអាហារចម្បងសម្រាប់ធានាសន្តិសុខស្បៀងនៅក្នុងសហគមន៍នៅតំបន់ឆ្នេរនៅអាហ្វ្រិកខាងលិច ឥឡូវនេះកំពុងត្រូវបានទាញយកក្នុងបរិមាណមិនស្ថិតស្ថេរ ដែលធ្វើឲ្យប្រជាជនទាំងមូលងាយរងគ្រោះផ្នែកសេដ្ឋកិច្ច និងអាហារូបត្ថម្ភ។
នៅពេលនេះពលរដ្ឋរាប់រយគ្រួសារបានបាត់បង់ប្រភពចំណូលតែមួយគត់របស់ពួកគេ៕
Daily Program
