ព្រះសហគមន៍រៀបចំវគ្គបណ្តុះបណ្តាលដល់ពលករចំណាកស្រុកអាស៊ី

ព្រះសហគមន៍កាតូលិកបានរៀបចំនូវកម្មវិធីបណ្តុះបណ្តាលមួយដល់ពលករចំណាកស្រុក៥៤ រូបមកពីប្រទេសនានានៅអាស៊ី ដោយនៅក្នុងនោះមកពីឥណ្ឌាមាន ២២ រូប។

វគ្គបណ្តុះបណ្តាលនេះបានរៀបចំឡើងនៅក្នុងសណ្ឋាគារមួយ នាទីក្រុងម៉ានីល ដែលមានរយៈ​ពេល២ថ្ងៃ កាលពីសប្តាហ៍មុន ក្រោមកិច្ចសហការគ្នារវាងក្រសួងអភិវឌ្ឈន៍និងសមាហរណកម្មសន្តអាសនៈ ក្រុមអន្តរសភាលោកអភិបាលព្រះសហគមន៍កាតូលិកឥណ្ឌា ក៏ដូចជាក្រុមអ​ន្តរសភាលោកអភិបាលព្រះសហគមន៍កាតូលិក ហ្វីលីពិន​។

នៅក្នុងវគ្គបណ្តុះបណ្តាលនេះ អ្នកចូលរួមបានផ្លាស់ប្តូរការពិភាក្សាជុំវិញប្រធានបទមួយចំនួន ដូចជា បញ្ហាប្រឈមនៃភាពចម្រុះសាសនាក្នុងពេលចំណាកស្រុក ការយល់ដឹងអំពីការធ្វើចំណា​កស្រុកនៅអាស៊ី ដំណើរចំណាកស្រុកតាមព្រះគម្ពីរ ទ្រឹស្ដីនៃការធ្វើចំណាកស្រុក គោលលទ្ធិរបស់ព្រះសហគមន៍កាតូលិកស្តីពីការធ្វើចំណាកស្រុក ប្រវត្តិនៃការថែរក្សាគ្រូអប់រំជំនឿដែលបានធ្វើចំពោះជនធ្វើចំណាកស្រុក តួនាទីនិងភាពខ្ជិលច្រអូសនៅក្នុងក្រសួងចំពោះជនចំណាកស្រុកជាដើម​។​

ក្រុមអ្នកចូលរួមក៏បានធ្វើការផ្លាស់ប្តូរការពិភាក្សាជុំវិញជីវិតជាជនចំណាកស្រុកនៅលើទូកនេ​សា​ទសមុទ្រ ការតស៊ូមតិ និងការកសាងបណ្តាញស្តីពីការធ្វើចំណាកស្រុក និងសិទ្ធិមនុស្សរ​បស់ជនចំណាកស្រុក។

កម្មវិធីនេះបានផ្តល់វេទិកាសម្រាប់អប់រំពលករចំណាកស្រុក លើកទឹកចិត្តដល់សកម្មភាពប្រ​ក​បដោយមេត្តា និងបង្កើតការពិភាក្សា។ អ្នកចូលរួមក៏មានឱកាសចូលរួមក្នុងកម្មវិធីស្តីពីការប​ង្កើ​តឡើងថ្មីៗដើម្បីបង្កើនការយល់ដឹងចំពោះតម្រូវការនិងទុក្ខវេទនារបស់ ជនចំណាកស្រុក៕