ព្រះសហគមន៍កាតូលិកនៅទីក្រុងសេអ៊ូល បានអះអាងសារជាថ្មីនូវការប្តេជ្ញាចិត្តរបស់ខ្លួនចំពោះសន្តិភាពនៅលើឧបទ្វីបកូរ៉េក្នុងអំឡុងពេលនៃការរៀបចំមហាសន្និបាតមួយ ដែលបានធ្វើឡើងកាលពីពេលថ្មីៗនេះ។
វ៉ាទីកង់ញូវបានរាយការណ៍ថា កម្មវិធីនេះបានរៀបចំឡើងនៅព្រះវិហារមួយកន្លែងនៅអគ្គភូមិភាពសេអ៊ូល ដើម្បីរំលឹកនិង អធិស្ឋានសម្រាប់ការផ្សះផ្សា និងការរួបរួមរបស់ប្រជាជនកូរ៉េ ដែលជាព្រឹត្តិការណ៍ ប្រចាំឆ្នាំ ដែលព្រះសហគមន៍កូរ៉េតែងរៀបចំធ្វើឡើងដើម្បីរំលឹកដល់ព្រឹត្តិការណ៍នៃការផ្ទុះឡើងនៃសង្រ្គាមកូរ៉េ ២៥ ខែមិថុនា។
លោកអគ្គអភិបាល ជុង សុនតេក (Chung Soon-taick) អភិបាលនៃអគ្គភូមិភាពសេអ៊ូលបានមានប្រសាសន៍ថា ការបែងចែកដ៏យូររវាងកូរ៉េខាងជើង និងកូរ៉េខាងត្បូងបានជំរុញឱ្យមានអរិភាព និងការឃ្លាតឆ្ងាយពីគ្នា។
លោកបានបន្តថា ខាងជើង និងខាងត្បូងបានបែកបាក់គ្នាអស់រយៈពេលជាង ៨០ ឆ្នាំមកហើយ ដោយបានបង្កើតការស្អប់ខ្ពើម ហើយការស្អប់ខ្ពើមចំពេលមានភាពតានតឹង និងការប្រឈមមុខដាក់គ្នាជាបន្តបន្ទាប់។
លោកបានបន្តថា នៅភាគខាងត្បូង ភាពព្រងើយកន្តើយកំពុងកើនឡើង ដោយមនុស្សសួរថា ហេតុអ្វីបានជាយើងគួរខ្វល់ខ្វាយខ្លួនយើងជាមួយកូរ៉េខាងជើង ប៉ុន្តែយើងជាប្រជាជនកូរ៉េតែមួយ។
លោកអគ្គអភិបាលបានអំពាវនាវដល់អ្នកកាន់សាសនាកាតូលិកឲ្យបោះជំហានដំបូងទៅរកការផ្សះផ្សា តាមគំរូរបស់ព្រះយេស៊ូ។
លោកបានមានប្រសាសន៍ថា ដើម្បីយកឈ្នះជម្លោះនិងការបែកបាក់ យើងត្រូវតែជាអ្នកឈានទៅរកមុន ដូចព្រះយេស៊ូ៕
Daily Program
