ចំនួនគ្រីស្តបរិស័ទជាកាតូលិកកើន ប៉ុន្តែអ្នកស្ម័គ្រចិត្តបួសជាបូជាចារ្យនិងបងស្រីធ្លាក់ចុះ

យោងតាមស្ថិតិរបស់ព្រះសហគមន៍កាតូលិកឆ្នាំ ២០២៤ ចំនួនប្រជាជនកាតូលិកសកលនៅតែបន្តកើនឡើង ប៉ុន្តែទោះបីជាយ៉ាងណាក៏ដោយ មកដល់ពេលនេះ ចំនួនអ្នកស្ម័គ្រចិត្តអប់រំ ដើម្បីក្លាយជាអ្នកបម្រើព្រះសហគមន៍​នៅក្នុងនាមជាបូជាចារ្យនិងបងស្រី​មានការថយចុះ។

មកដល់ពេលនេះ ចំនួនគ្រីស្តបរិស័ទជាកាតូលិកបានកើនឡើងដល់ទៅ ១.៣៨៩  ពាន់លាននាក់ កើនឡើងប្រមាណជា ១៣,៧ លាននាក់បើធៀបនឹងឆ្នាំ២០២៣។ កំណើននោះ គឺមានការកើន​ឡើងនៅទ្វីប​​អាហ្រ្វិក និងអាស៊ី ដែលពិធីបុណ្យជ្រមុជទឹកបានកើនឡើង។

នេះគឺជាដំណឹងល្អ ប៉ុន្តែទោះយ៉ាងណាក៏ដោយ ចំនួន​អ្នក​ថ្វាយខ្លួន ជាបព្វជិត​បម្រើ​ព្រះសហគមន៍​គឺកំពុងធ្លាក់​ចុះនៅទូទាំងពិភពលោក។

សព្វថ្ងៃនេះ នៅក្នុងចំណោមគ្រីស្តបរិស័ទសរុប៣.៤១១ នាក់ គឺមានបូជាចារ្យតែម្នាក់ទេ ហើយសម្រាប់គ្រីស្តបរិស័ទសរុប ៩.៧៣០ នាក់ គឺមានបងស្រីតែម្នាក់គត់។

បញ្ហាទាំងនេះ ត្រូវបានអ្នកជំនាញបានលើកឡើងថា គឺដោយសារតែចរន្តនៃ​សាកលភាវូបនីយកម្ម។ បញ្ហានេះវា​បង្ក​ការ​គំរាម​កំហែង​យ៉ាង​ខ្លាំង​ដល់​តួនាទី​របស់​គ្រួសារ​ក្នុង​នាមប្រភពដើមនៃការកសាងជំនឿ និង ដោយសារតម្លៃខាងលោកិយគ្របដណ្តប់លើជីវិតប្រចាំថ្ងៃ ការអនុវត្តដូចជាការអធិស្ឋាន ការសូត្រធម៌ និងការចូលរួមពិធីថ្វាយអភិបូជា។

ម្យ៉ាងវិញទៀ តជីវិតសម័យទំនើបមានភាពមមាញឹកជាងពេលណាទាំងអស់ ដោយមានម៉ោងធ្វើការយូរ កាលវិភាគដ៏មមាញឹក និងការរំខានតាមឌីជីថលឥតឈប់ឈរ។ នៅ​ក្នុង​ភាព​ចលាចល​នេះ គ្រួសារ​ជា​ច្រើន​ពិបាក​រក​ពេល​សម្រាប់​ការ​អធិស្ឋាន ឬ​ការ​ពិភាក្សា​អំពី​ជំនឿ។

សម្ពាធ​សេដ្ឋកិច្ច និង​វប្បធម៌​សម្ភារៈនិយម​ក៏​ប៉ះពាល់​ដល់​ជីវិត​ខាង​វិញ្ញាណ​របស់​គ្រីស្តបរិស័ទផងដែរ។

នៅពេលភាពជោគជ័យត្រូវបានវាស់វែងដោយទ្រព្យសម្បត្តិជាជាងសុខុមាលភាពខាងវិញ្ញាណ គ្រួសារជាច្រើនអាចផ្តោតលើ​ទ្រព្យសម្បត្តិពិតរបស់ពួកគេជាជាងលើជំនឿ។

នៅក្នុងស្ថានភាពបែបនេះ ការអប់រំជំនឿគឺជាំបាច់ត្រូវតែពង្រឹង ពីព្រោះថា  បើ​គ្មាន​ការ​អប់រំ​ពី​ជំនឿ​ខ្លាំង​ទេ ​នោះយុវជនពិតជាមិន​អាចទប់ស្កាត់នឹងអន្ទាក់នៃបញ្ហានៅក្នុង​ពិភព​ទំនើបបានឡើយ ហើយក្រៅពីនោះ ព្រះសហគមន៍​ក៏ត្រូវបានលើកទឹកចិត្ត​ឲ្យកសាងព្រះវិហារ​ និងឆ្លៀតពេលវេលា​ចូលព្រះវិហារឲ្យ​បានញឹកញាប់តាមតែអាចធ្វើទៅបាន៕