គ្រាន់តែឡើងកាន់តំណែងភ្លាម លោកដូណាល់ ត្រាំ ចេញក្រឹត្យមួយចំនួន រួមទាំងដែនដីនិងដែនទឹកប៉ាណាម៉ា
នៅថ្ងៃទី១ នៃកាឡើងកាន់តំណែងជាប្រធានាធិបតីអាម៉េរិក លោកដូណាល់ ត្រាំ បានចុះហត្ថលេខាលើក្រឹត្យច្បាប់ប្រធានាធិបតីជាច្រើន។
ការដាក់ច្បាប់រឹតបន្តឹងនៅព្រំដែនប្រទេសម៉ិកស៊ិក ការចាកចេញពីកិច្ចព្រមព្រៀងទីក្រុងប៉ារីសស្តីអំពីអាកាសធាតុ និងអង្គការសុខភាពពិភពលោក ការដណ្តើមយកព្រែកជីកប៉ាណាម៉ា គ្រាន់តែឡើងកាន់តំណែងភ្លាមនៅសហរដ្ឋអាម៉េរិក កាលពីថ្ងៃចន្ទ ទី២០ ខែមករាលោកដូណាល់ ត្រាំ បានចុះហត្ថលេខា លើសំណុំរឿងទាំងអស់នេះជាមួយនឹងក្រឹត្យច្បាប់ ជាច្រើនសន្ធឹក។
ដោយបានសន្យានៅអំឡុងពេលយុទ្ធនាការបោះឆ្នោត ការប្រឆាំងដ៏ខ្លាំងនឹងអន្តោប្រវេសន៍ របស់លោកដូណាល់ ត្រាំ បានកើតឡើងនៅពេលចាប់ផ្តើមនៃការកាន់តំណែងរបស់លោកនៅពេលថ្ងៃត្រង់ ថ្ងៃចន្ទនៅអាម៉េរិក។ លោកដូណាល់ ត្រាំ បានចេញក្រឹត្យច្បាប់អំពីច្បាប់រឹតបន្តឹងនៅព្រំដែនជាមួយម៉ិកស៊ិក និងបញ្ជាឲ្យទាហានអាម៉េរិកយាមកាមឲ្យបានដិតដល់។ លោកដូណាល់ ត្រាំ បានសង្កត់ធ្ងន់ថា ៖ “ការចូលទឹកដីអាម៉េរិកដោយខុសច្បាប់នឹងត្រូវបញ្ឈប់ភ្លាម ហើយយើងនឹងបន្តបញ្ជូនឧក្រិដ្ឋជនបរទេសរាប់លាននាក់ទៅកាន់កន្លែងដើមរបស់ពួកគេវិញ”។
ការដកខ្លួនរបស់អាម៉េរិកពីកិច្ចព្រមព្រៀងទីក្រុងប៉ារីសស្តីអំពីអាកាសធាតុកំពុងដំណើរការ។ លោកដូណាល់ ត្រាំ បានលើកបង្ហាញក្រឹត្យច្បាប់នេះដែលត្រូវចុះហត្ថលេខាមុនគេ។ លោកដូណាល់ ត្រាំ បានថ្លែងថា លោកដកខ្លួនចេញពីកិច្ចព្រមព្រៀងទីក្រុងប៉ារីសស្តីអំពីអាកាសធាតុភ្លាមជាឯកតោភាគី។ នេះគឺជាការឆបោកដោយមិនយុត្តិធម៌។ សហរដ្ឋអាម៉េរិកអាម៉េរិកមិនដាក់ឧស្សាហកម្មផ្ទាល់ខ្លួនជាចំណាប់ខ្មាំងនៅពេលដែលប្រទេសចិនបំពុល ដែលត្រូវតែចោទប្រកាន់ទាំងស្រុង។ នេះធ្វើឲ្យគ្រោះថ្នាក់ដល់កិច្ចខិតខំប្រឹងប្រែងរបស់ពិភពលោកប្រឈមមុខនឹងការធ្លាក់អន់ថយខាងអាកាសធាតុ។ លោកដូណាល់ ត្រាំដែលត្រូវបានគេស្គាល់ថា ជាអ្នកមានការសង្ស័យលើរឿងអាកាសធាតុ ក៏បានចុះហត្ថលេខាលើក្រឹត្យមួយដែលប្រកាសអំពីភាពបន្ទាន់នៃតម្រូវការថាមពលដើម្បីផលិតកម្មថាមពលឥន្ធនៈនៅសហរដ្ឋអាម៉េរិក។
ប្រធានាធិបតីអាម៉េរិក ក៏បានចុះហត្ថលេខាលើក្រឹត្យច្បាប់មួយដើម្បីដកអាម៉េរិកចេញពីអង្គការសុខភាពពិភពលោក (OMS)។ លោកចោទប្រកាន់ថា ៖ “អង្គការសុខភាពពិភពលោកបោកបញ្ឆោតយើង” បន្ទាប់ពីលោកបានប្រកាសថា នៅខណៈដែលលោកបានចុះហត្ថលេខាលើក្រឹត្យច្បាប់នេះ ការចូលរួមវិភាគទានរបស់សហរដ្ឋអាម៉េរិកសម្រាប់អង្គការអន្តរជាតិនេះ គឺមានច្រើនជាងការចូលរួមវិភាគទានរបស់ចិន។
ប្រធានាធិបតីថ្មី ក៏បានថ្លែងថា ៖ “យើងនឹងដណ្តើមយកព្រែកជីប៉ាណាម៉ា។ ដោយស្ថាបនាដោយសហរដ្ឋអាម៉េរិក និងដាក់សម្ពោធនៅឆ្នាំ១៩១៤ ការគ្រប់គ្រងវាត្រូវផ្ទេរទៅឲ្យប្រទេសប៉ាណាម៉ានៅឆ្នាំ១៩៩៩ បន្ទាប់ពីកិច្ចព្រមព្រៀងមួយនៅឆ្នាំ១៩៧៧ ដោយប្រធានាធិបតីអាម៉េរិក នៅពេលនោះ គឺលោកជីមមី កាកថើ។ លោកដូណាល់ ត្រាំ បានបញ្ជាក់ថា ៖ “គោលដៅនៃកិច្ចព្រមព្រៀងរបស់យើង និងដួងព្រលឹងនៃសន្ធិសញ្ញានេះត្រូវបានរំលោភទាំងស្រុង”។ នាវារបស់អាម៉េរិកត្រូវបានវាយពន្ធយ៉ាងធ្ងន់ធ្ងរ និងមិនត្រូវបានយកចិត្តទុកដាក់ដោយសមធម៌ទេ (...) ហើយជាពិសេស ប្រទេសចិនដែលកេញចំណេញពីព្រែកជីកប៉ាណាម៉ា ហើយយើងមិនបានផ្តល់ឲ្យប្រទេសចិនទេ។ ដូច្នេះ យើងនឹងដណ្តើមយកមកវិញ”។
នៅលើប្រធានបទទឹកដីមួយទៀត ទឹកដីគ្រូអេនឡេន ដែលលោកដូណាល់ ត្រាំប្រាថ្នាដណ្តើមយកមកគ្រប់គ្រង ប្រធានាធិបតីអាម៉េរិក និយាយច្បាស់ខ្លួនលោកថា ប្រទេសដាណឺម៉ាក់ត្រូវមានគំនិតខ្លួនឯងថា សហរដ្ឋអាម៉េរិក ត្រូវការទឹកដីនេះដើម្បីសន្តិសុខអន្តរជាតិ”។
Daily Program
