អាជ្ញាធរនៅត្រង់នីស្ត្រ៊ី តំបន់បំបែកខ្លួនគាំទ្ររុស្ស៊ីនៅម៉ូលដាវី កាលពីថ្ងៃពុធទី២៨ ខែកុម្ភៈបានសុំទៅកាន់រុស្ស៊ីនូវវិធានការការពារប្រឈមមុខនឹងសម្ពាធដែលកើនឡើងពីម៉ូលដាវី នៅចំកណ្តាលនៃភាពតានតឹងដែលធ្វើឲ្យកាន់តែធ្ងន់ធ្ងរ ដោយជម្លោះអ៊ុយក្រែនជិតខាង។
ការទូតរុស្ស៊ីបានឆ្លើយតបយ៉ាងរហ័ស ដែលធានាក្នុងអាទិភាពនៃការការពារប្រជាជននៅត្រង់នីស្ទ្រី និងបន្ថែមថា ទីក្រុងមូស្គូ នឹងពិនិត្យដោយយកចិត្តទុកដាក់ចំពោះសំណើរបស់ទីក្រុងទីរ៉ាស្ប៉ូល ដោយមិនបានផ្តល់ការបញ្ជាក់បន្ថែមទៀតទេ។
ចំណែករដ្ឋាភិបាលម៉ូដាវី បានទាត់ចោលការឃោសនារបស់មេដឹកនាំក្រុមបំបែកខ្លួន និងបញ្ជាក់ថា តំបន់នេះទទួលបានគុណប្រយោជន៍ពីនយោបាយបាយសន្តិភាព សន្តិសុខ និងការធ្វើសមាហរណកម្មសេដ្ឋកិច្ច នៅក្នុងក្របខណ្ឌនៃទំនាក់ទំនងជាមួយសហភាពអឺរ៉ុប។
អ្នកតំណាងរាស្រ្ត ត្រង់នីស្ទ្រី បានជួបប្រជុំគ្នានៅទីរ៉ាស្ប៉ូល ក្នុងសមាជវិសាមញ្ញ និងទាមទារដល់សភារុស្ស៊ីដាក់ចេញនូវវិធានការដើម្បីការពារដែនដីដ៏តូចនេះ ដែលមានពលរដ្ឋរុស្ស៊ី ច្រើនជាង២២០០០០នាក់ រស់នៅ ប្រឈមមុខនឹងសំពាធដែលកើនឡើងពីផ្នែកនៃប្រទេសមូដាលវី។ ពួកគេបានសរសេរនៅក្នុងសេចក្តីប្រកាសថា ត្រង់នីស្ទ្រី បានប្រឈមនឹងការគំរាមកំហែង ដែលមានជាធម្មតា មកលើសេដ្ឋកិច្ច សង្គមនុស្សធម៌ និងនយោបាយយោធា។
រដ្ឋមន្រ្តីកិច្ចការបរទេសនៃក្រុមបំបែកខ្លួន លោកវីតាលី អ៊ីញ៉ាទីវ បានបញ្ជាក់នៅលើបណ្តាញទូរទស្សន៍រុស្ស៊ី រ៉ូស៊ីយ៉ា-24 ថា ជាបឋម វាគឺជាការសុំការគាំទ្រការទូតពីទីក្រុងមូស្គូ។
នៅទីក្រុងវ៉ាស៊ីងតុន អ្នកនាំពាក្យនៃនាយកដ្ឋានរដ្ឋ លោកម៉ាថីវ មីលើ បានថ្លែងថា សហរដ្ឋអាម៉េរិកគាំទ្រយ៉ាងម៉ឺងម៉ាត់នូវអធិបតេយ្យភាព និងបូរណភាពដែនដីនៃប្រទេសម៉ូលដាវីនៅក្នុងព្រំដែនអន្តរជាតិដែលត្រូវបានទទួលស្គាល់”។
ប្រទេសអឺរ៉ុបដំបូង ដែលប្រតិកម្មជាផ្លូវការ មានប៉ូឡូញ តាមរយៈនាយករដ្ឋមន្រ្តីរបស់ខ្លួន លោកដូលណាស់ ទូស្ក៍ បានវិនិច្ឆ័យថា នេះគឺជាគ្រោះថ្នាក់ ដែលមានភាពតានតឹងនៅក្នុងតំបន់។
ចំណែកនៅទីក្រុងគៀវ ការទូតអ៊ុយក្រែនបានព្រមានប្រឆាំងរាល់ការជ្រៀតជ្រែកពីខាងក្រៅដែលបំផ្លិចបំផ្លាញនៅត្រង់នីស្ទ្រី។ ក្រសួងការបរទេសអ៊ុយក្រែន បានអំពាវនាវឲ្យមានដំណោះស្រាយដោយសន្តិភាពនៅលើបញ្ហាសេដ្ឋកិច្ច សង្គម និងមនុស្សធម៌រវាងម៉ូលដាវី និងត្រង់នីស្ទ្រី និងគ្មានការជ្រៀតចូលដ៏បំផ្លិចបំផ្លាញពីខាងក្រៅ គឺនិយាយគឺសំដៅទៅដល់រុស្ស៊ី។ ក្រសួងការបរទេសអ៊ុយក្រែនបានបន្ថែមថា ៖ “យើងធ្វើ និងបន្តធ្វើរាល់អ្វីៗ តាមលទ្ធភាពរបស់យើងដើម្បីរារាំងរាល់ការប៉ុងប៉ងធ្វើឲ្យបាត់ស្ថិរភាពរបស់ប្រទេសម៉ូលដាវី ឬប្រទេសដទៃៗ ទៀតនៅក្នុងតំបន់របស់យើង។” ក្រសួងការបរទេសអ៊ុយក្រែនក៏បានរំឭកឲ្យមានការដកកងកម្លាំងរុស្ស៊ីជាបន្ទាន់ចេញពីត្រង់នីស្ទ្រី ផងដែរ។
ត្រង់នីស្ទ្រី គឺជាសន្ទះដែនដីដែលស្ថិតនៅចន្លោះប្រទេសម៉ូលដាវី និងអ៊ុយក្រែន។ ត្រង់នីស្ទ្រី បានបែកចេញពីម៉ូលដាវី បន្ទាប់ពីសង្រ្គាមរយៈពេលខ្លីនៅឆ្នាំ១៩៩២ ប្រឆាំងទាហានម៉ូលដាវី។ យោងតាមតួលេខផ្លូវការ រុស្ស៊ីបានទុកទាហានខ្លួនជានិច្ចកាល ១៥០០នាក់ ហើយនិយាយថា គឺដើម្បីធានាបេសកកម្មរក្សាសន្តិភាព។
ប៉ុន្តែចាប់តាំងពីការវាយប្រហារនៅខែកុម្ភៈ ឆ្នាំ២០២២ ប្រឆាំងនឹងទីក្រុងគៀវ ការបញ្ជូនទាហានបន្ថែមមានជាទៀងទាត់សម្រាប់ការវាយប្រហារជាយថាហេតុ ដែលរុស្ស៊ីអាចធ្វើប្រតិបត្តិការចេញពីត្រង់នីស្ទ្រីឆ្ពោះទៅកាន់ទិសដៅសំដៅទីក្រុងកំពង់ផែដ៏ធំរបស់អ៊ុយក្រែន អូដឺសា នៅលើសមុទ្រខ្មៅ។
នៅក្នុងសេចក្តីថ្លែងការណ៍របស់ខ្លួន ប្រធានាធិបតីក្រុមបំបែកខ្លូន លោកវ៉ាឌីម ក្រាស្ណូសេលស្គី ដែលលើកឡើងដោយប្រព័ន្ធផ្សព្វផ្សាយក្នុងតំបន់ បានអះអាងថា ដែនដីត្រង់នីស្ទ្រីធ្លាប់ទទួលរងនយោបាយប្រល័យពូជសាសន៍ តាមរយៈសំពាធសេដ្ឋកិច្ច រូប យុត្តិធម៌ និងតុលាការ។
Daily Program
