កិច្ចប្រជុំកំពូលត្រាំ ពូទីន មូលហេតុដែលជម្រើសធ្វើនៅអាឡាស្កា​គឺមិនសាមញ្ញពេក

នេះគឺ​ជាទីកន្លែងមានប្រជាប្រិយភាពណាស់បើតាមហេតុផលជាច្រើន។ មុននឹងប្រកាសអំពី ការ​​រៀបចំកិច្ចប្រជុំកំពូលជាមួយលោកវ្លាឌីមៀ ពូទីន នៅរដ្ឋអាឡាស្កា លោកដូណាល់ ត្រាំ បាន ប្រាប់ឲ្យដឹងជាមុនថា ជម្រើសនៃទីកន្លែងនៃជំនួបនេះមានអត្ថន័យខ្លាំង។

មេដឹកនាំទាំងពីរនឹងជួបចរចានៅថ្ងៃទី១៥ ខែសីហា ដោយមាន ឬគ្មានលោកវ៉ូឡូឌីមៀ ហ្សេឡេនស្គីចូលរួម នៅក្នុងរដ្ឋដែលស្ថិតនៅភាគខាងជើងបំផុតនៃសហរដ្ឋអាម៉េរិក។ សម្រាប់​ប្រធានបទនៃកិច្ចពិភាក្សា គឺសង្រ្គាមនៅអ៊ុយក្រែន និងកិច្ចព្រមព្រៀងជាសមតិកម្ម រវាងទីក្រុង​គៀវ និងទីក្រុងមូស្គូ ដើម្បីបញ្ចប់សង្រ្គាម ដូចដែលបានលើកឡើងដោយប្រធានាធិបតី​អាម៉េរិក។

ជម្រើសមួយក្នុងចំណោមជម្រើសជាច្រើននឹងធ្វើនៅអេនចូរ៉ាហ្ស៍ ដែលជាទីក្រុងធំបំផុតនៃ​រដ្ឋ​អាឡាស្កា នៃព្រំដែនជាមួយរុស្ស៊ី។ នៅភាគខាងលិចរដ្ឋគឺច្រកសមុទ្របេរីង ដែលបែងចែកទ្វីប​អាម៉េរិក និងទ្វីបអាស៊ី។  លោកម៉ៃ ដុនលីវី អភិបាលរដ្ឋ​អាឡាស្កា បានសម្តែងសេចក្តីរីករាយ និងនិយាយថា ៖ “អាឡាស្កាមានទីតាំងភូមិសាស្រ្តដែលជាចំនុចយុទ្ធសាស្រ្តបំផុតនៅ​លើ​ពិភពលោក ជាកន្លែង​ជួបគ្នារវាងទ្វីបអាម៉េរិកខាងជើង អាស៊ី សមុទ្រអាកទិកនៅខាងជើង និង​សមុទ្រ​ប៉ាស៊ីហ្វីកនៅខាងត្បូង”។ វាមិនមានកន្លែងណា ដែលដើរតួនាទីជាអាយុជីវិតដ៏សំខាន់​បំផុត​​​នៅក្នុងការការពារ សន្តិសុខថាមពល និងភាពជាអ្នកដឹកនាំនៅអាកទិក​របស់អាម៉េរិក​ដូច្នេះ​ទេ។

សម្រាប់លោកដូណាល់ ត្រាំ ការមករបស់លោកវ្លាឌីមៀ ពូទីន លើដីអាម៉េរិក អាចបង្ហាញ នូវ​ជ័យ​ជម្នះដ៏តូចមួយ។ ប៉ុន្តែនៅក្នុងព្រឹត្តិការណ៍ជំនួប ឥស្សរជនទាំងពីរ នឹងត្រូវកំហិតឲ្យ ចំណាយ​ពេលជាច្រើនម៉ោងដើម្បីហោះទៅកាន់អាឡាស្កា ដែលជាដែនដីនៅដាច់សង្វែង។ វា​មាន​ចម្ងាយ ៧០០០ គម រវាងទីក្រុងមូស្គូ និងអេនចូរ៉ាហ្ស៍។ ចំណែកខាងភាគីអាម៉េរិក រាងជិត​ជាង ដោយសារតែលោកដូណាល់ ត្រាំ នឹងត្រូវធ្វើដំណើរ ៥៥០០ គម តាមផ្លូវអាកាសមុននឹង​ចុះ​ចត​នៅអាកាសយានដ្ឋានទីក្រុងនៃរដ្ឋ។ មិនថាស្ថានភាពបែបណាក៏ដោយ មេដឹកនាំទាំង​ពីរ​នឹងឃ្លាតឆ្ងាយទៅកាន់ចុងផែនដីពីជម្លោះ​ដែលពួកគាត់នឹងលើកឡើងលំអិតអំពីសង្រ្គាម​នៅ​​អ៊ុយក្រែន។

ចំពេលនៅខណៈដែលលោកដូណាល់ ត្រាំ លើកឡើងអំពីលទ្ធភាពនៃការដោះដូរដី រវាង អ៊ុយក្រែន និងរុស្ស៊ី នៅភាគខាងកើតអឺរ៉ុប អាឡាស្កាឆ្លុះបញ្ចាំងអំពីករណីរដែលដ្ឋមួយ​ប្រគល់ អធិបតេយ្យទៅឲ្យរដ្ឋមួយទៀត ពីព្រោះថាទឹកដីអាម៉េរិកផ្នែកមួយនេះ កាលពីដើមឡើយ គឺជា របស់....រុស្ស៊ី! ស្តេចត្សារ៍ នីកូឡា ទី២ បានលក់ខេត្តដ៏ធំនេះទៅឲ្យប្រជាជាតិក្មេងខ្ចីគឺអាម៉េរិក នៅ​​ឆ្នាំ១៨៦៧ ក្នុងតម្លៃទឹកប្រាក់ ៧,២ លានដុល្លារ។ នៅសម័យនោះ ទីក្រុងមូស្គូ និង​ទីក្រុង​វ់ាស៊ីនតុន អាចត្រូវបានចាត់ទុកគ្នាជាសម្ព័ន្ធមិត្តផង។

វាវិបាក ៖ សព្វថ្ងៃ ស្នាមដាននៃអតីតកាលមានស្ថិតនៅឡើយនៅរដ្ឋអាឡាស្កា។ ព្រះវិហារ​អូតូដុក​រុស្ស៊ី នៅតែស្ថិតនៅទីនោះ ជាពិសេសនៅភាគខាងលិចនៃរដ្ឋ និងនៅតាមកម្រងកោះ​អាឡេអ៊ូត។

លោកប្រានដុន បយឡាន សាស្រ្តាចារ្យនៅសកលវិទ្យាល័យអាឡាស្កា ហ្វ៊ែរប៊ែង បញ្ជាក់ថា ៖ “វប្បធម៌ និងប្រវត្តិសាស្រ្តរុស្ស៊ី គឺចាក់ជ្រៅនៅអាឡាស្កា”។

លើស​ពីទំនាក់ទំនងរួម​ លោកដូណាល់ ត្រាំ និងលោកវ្លាឌីមៀ ពូទីន ចែករំលែកជាពិសេស​នៅ​អាឡាស្កា​នូវឆន្ទៈរួម គឺការគ្រប់គ្រងធនធានធម្មជាតិនៅតំបន់អាកទិក។

សម្រាប់ប្រេង ឧស្ម័ន រ៉ែកម្រ... ឥស្សរជនទាំងពីរក្រឡេកមើលទៅលើចំណូល​ដែលផ្តល់​ដោយការ​ទាញ​យកធ្វើអាជីវកម្ម​នៃរតនសម្បត្តិនៅភាគខាងជើងនៃភពផែនដីទាំងនេះ។ សហរដ្ឋ​អាម៉េរិក និង​រុស្ស៊ី ទាំងពីរ គឺមានអាសនៈនៅក្រុមប្រឹក្សាអាកទិក។