លោកកាឌីណាល់ ចូសេ អាវិនគូឡា (Jose Advincula) អគ្គអភិបាលនៃព្រះសហគមន៍នៅទីក្រុងម៉ានីនប្រទេសហ្វីលីពីនអំពាវនាវឱ្យព្រះសហគមន៍ ស្វែងរកវិធីសាស្រ្តថ្មីៗដើម្បីឆ្លើយតបកាន់តែប្រសើរឡើងចំពោះបញ្ហាដ៏ធំបំផុតដែលកំពុងប្រឈមមុខនឹងគ្រួសារ និងសង្គមក្នុងសម័យបច្ចុប្បន្ន។
លោកកាឌីណាល់បាននិយាយថា គ្រីស្តបរិស័ទគួរតែចូលរួមក្នុងការស្តាប់និងការសន្ទនាបន្ថែមទៀតដើម្បីឱ្យមានយុទ្ធសាស្រ្តគាំទ្រជីវិតដែលមានប្រសិទ្ធភាពនៅក្នុងការដោះស្រាយបញ្ហាគ្រួសារ។
លោកកាឌីណាល់បានបន្តថា ៖ «យើងក៏ត្រូវគិតឡើងវិញនូវវិធីសាស្រ្ត និងយុទ្ធសាស្ត្ររបស់យើង។ តើយើងដោះស្រាយបញ្ហាលំបាក និងភាពស្មុគស្មាញនៃគ្រួសារសហសម័យ ក៏ដូចជាប្រឈមនឹងស្ថានភាពមិនប្រក្រតីក្នុងផ្ទះដោយរបៀបណា ភាពចម្រុះក្នុងការយល់ដឹងអំពីអត្តសញ្ញាណ និងបុគ្គលិកលក្ខណៈ និងបញ្ហានានាដែលបង្កឡើង និងរងរបួសដោយសមាជិកគ្រួសារ»។
លោកកាឌីណាល់ បានសង្កត់ធ្ងន់ថា ការតស៊ូមតិដើម្បីរក្សា និងការពារភាពពិសិដ្ឋនៃជីវិត និងសេចក្តីថ្លៃថ្នូររបស់មនុស្សគ្រប់រូប មិនមែនជាការចូលរួមក្នុងរយៈពេលខ្លីនោះទេ ប៉ុន្តែជាការប្រយុទ្ធបន្តដើម្បីនិរន្តភាពសង្គម។
លោកកាឌីណាលើបានមានប្រសាសន៍ថា តាមបទពិសោធន៍ យើងដឹងថា ដរាបណាមានការវាយប្រហារដោយស្មុគ្រស្មាញ និងមិនស៊ីជម្រៅ ទៅលើគ្រួសារ និងជីវិតមនុស្ស យើងនឹងនៅទីនោះ ដើម្បីចុះឈ្មោះនិងពង្រឹងជំហរ យ៉ាងម៉ឺងម៉ាត់របស់យើង និងធ្វើឱ្យប្រាកដថា ជំហររួបរួមរបស់យើងត្រូវបានពង្រឹង៕
Daily Program
