សន្និសីទអន្តរជាតិស្តីអំពីអាកាសធាតុលើកទី២៨ នៅទីក្រុងឌូបៃ បានបើក និងបង្កើតមូលនិធិសម្រាប់ការខូចខាតដោយសារអាកាសធាតុ
សន្និសីទ្ធអន្តរជាតិលើកទី២៨ បានបើកកាលពីថ្ងៃព្រហស្បតិ៍នៅទីក្រុងឌូបៃ ជាមួយនឹងការធ្វើ ឲ្យលេចឡើងដែលគេរំពឹងជាយូរមកហើយនូវមូលនិធិទូទាត់ការបាត់បង់ និងការខូចខាត ដោយសារអាកាសធាតុនៅក្នុងប្រទេសដែលងាយរងគ្រោះ។
សន្និសីទអន្តរជាតិដ៏ធំស្តីអំពីអាកាសធាតុ ត្រូវបានបើកសម្ពោធជាផ្លូវការនៅក្នុងប្រទេសសម្បូរប្រេង អារ៉ាប់ រួម អេមីរ៉េត នៅខណៈដែលអង្គការឧតុនិយមពិភពលោកបញ្ជាក់ថា ឆ្នាំ ២០២៣ នឹងត្រូវជាឆ្នាំដែលក្តៅបំផុតដែលមិនដែលធ្លាប់បានកត់ត្រា។
ការឈានទៅមុខដ៏សំខាន់លើកទី១នៃសន្និសីទអន្តរជាតិស្តីអំពីអាកាសធាតុលើកទី២៨ គឺការបង្កើតនូវមូលនិធិដែលសំដៅផ្តល់ហិរញ្ញប្បទានដល់ការបាត់បង់ និងការខូចខាត ដោយសារអាកាសធាតុនៃប្រទេសដែលងាយរងគ្រោះ ដែលត្រូវបានអនុម័តឡើង។ នេះគឺជាជំហានវិជ្ជមានដើម្បីសង្ឃឹមនឹងដោះស្រាយភាពតានតឹងខាងហិរញ្ញវត្ថុរវាងប្រទេសអ្នកមាន និងអ្នកក្រស្របពេលនឹងការចរចាអំពីថាមពលផូស៊ីលផងដែរ។
នៅក្នុងសន្និសីទនេះ ស្តេចស៊ូតង់ នៃប្រទេសអារ៉ាប់រួម អាល់ ហ្ស៉ាប៊ែរ បានថ្លែងថា ៖ “នេះគឺជាសញ្ញាវិជ្ជមានសម្រាប់ពិភពលោក និងសម្រាប់ការងាររបស់យើង។ យើងបានសរសេរទំព័រប្រវត្តិសាស្រ្តមួយនៅថ្ងៃនេះ... ភាពជឿនលឿន ដែលយើងបានធ្វើ គឺថ្មីដំបូង ជាបាតុភូត និងជាប្រវត្តិសាស្រ្ត។
អ្វីដែលនៅសល់គឺចង់ដឹងថា មូលនិធិនេះមានទឹកប្រាក់ចំនួនប៉ុន្មាន? កិច្ចសន្យាទី១ ចាប់ផ្តើមជាមួយនឹងទឹកប្រាក់ ២២៥លាន អឺរ៉ូសម្រាប់សហគមន៍អឺរ៉ុប ក្នុងនោះអាឡឺម៉ងបានប្រកាសបញ្ចេញសាច់ប្រាក់ ១០០លានដុល្លារ។ អារ៉ាប់រួមអេមីរ៉េតបញ្ចេញ ១០០លានដុល្លារ។ ជប៉ុនបញ្ចេញ ១០លានដុល្លារ។ សហរដ្ឋអាម៉េរិកបញ្ចេញ ១៧,៥លានដុល្លារ ហើយប្រទេសអង់គ្លេសបញ្ចេញប្រហែល ៥០លានដុល្លារ និងប្រទេសផ្សេងៗ ទៀត។
ប្រទេសអភិវឌ្ឍក៏បានដាក់សម្ពាធដើម្បីពង្រឹងមូលដ្ឋាននៃអ្នកផ្តល់ជំនួយទៅកាន់ប្រទេសអ្នកមានដែលទើបលេចឡើងដូចជាចិន និងអារ៉ាប៊ីសាអ៊ូឌីតជាដើម។
លោកស្រី ម៉ាដឺឡេន ឌីអ៊ូហ្វ សា ប្រធានក្រុមប្រទេសមិនសូវអភិវឌ្ឍ ដែលតំណាងឲ្យ ៤៦ប្រជាជាតិ ដែលក្រីក្របំផុត បានស្វាគមនការសម្រេចចិត្តមួយនេះថា វាមានអត្ថន័យធំធេងសម្រាប់ភាពយុត្តិធម៌សម្រាប់អាកាសធាតុ”។ លោកស្រី បានបញ្ជាក់ថា ៖ “ប៉ុន្តែមូលនិធិទទេ មិនអាចជួយពលរដ្ឋរបស់យើងបានទេ។” នៅខណៈដែលការបាត់បង់មានតួលេខ ១០០ពាន់លានដុល្លារជាង។ លោករ៉ាឆែល គ្លីទុស នៃក្រុមសហភាពអាម៉េរិកនៃវិទ្យាសាស្រ្តពាក់ព័ន្ធ បានបញ្ជាក់ថា ៖ “យើងរង់ចាំកិច្ចសន្យាដែលមានតម្លៃរាប់ពាន់លាន មិនមែនរាប់រយលានទេ។
សម្ព័ន្ធភាពនៃរដ្ឋកោះតូចៗ (AOSIS) ក៏បានប្រតិកម្មថា ៖ “ការងារនៅឆ្ងាយពីការសម្រេចបាន។ គេមិនអាចស្ងៀមស្ងាត់ នៅខណៈដែលមូលនិធិនេះនឹងមិនត្រូវបានផ្តល់ហរិញ្ញប្បទានសមរម្យ និងនៅពេលចាប់ផ្តើមសម្រាលបន្ទុកនៃសហគមន៍ងាយរងគ្រោះ។
មនុស្សជាង ៩៧០០០នាក់ មានប្រតិភូ អ្នកក្នុងប្រព័ន្ធផ្សព្វផ្សាយ មន្រ្តីអង្គការក្រៅរដ្ឋាភិបាល អ្នករៀបចំ និងអ្នកបច្ចេកទេស... បានចូលរួមជាផ្លូវការ ច្រើនជាងពីរដងលើសពីឆ្នាំមុន ហើយមានប្រមុខរដ្ឋ និងប្រមុខរដ្ឋាភិបាល ប្រមាណ ១៨០នាក់ បានចូលរួមដែរ។ កិច្ចប្រជុំសន្និសីទអន្តរជាតិលើកទី២៨ នឹងបន្តរហូតដល់ថ្ងៃទី១២ ខែធ្នូ។
ប្រធានាធិបតីអ៊ីស្រាអែល លោកអ៊ីសាក ហ៊ែហ្ស៉ក នឹងកេងប្រយោជន៍ពីការមកចូលរួមសន្និសីទស្តីអំពីអាកាសធាតុ ដើម្បីដឹកនាំកិច្ចប្រជុំការទូតជាបន្តបន្ទាប់ដែលសម្តៅរំដោះចំណាប់ខ្មាំងដទៃៗទៀតដែលចាប់ឃុំដោយក្រុមហាម៉ាស។
Daily Program
