អង្គការសហប្រជាជាតិសម្រាប់ចំណីអាហារ និងកសិកម្ម (FAO) នៅក្នុងរបាយការណ៍ថ្មីមួយ ដែលផ្សព្វផ្សាយកាលពីសប្តាហ៍មុន បានបង្ហាញថា នៅអំឡុងមួយទសវត្សចុងក្រោយនេះ ការកាប់បំផ្លាញព្រៃឈើបានថយចុះនៅក្នុងព្រៃឈើ ៤ពាន់លានហិចតានៅក្នុងពិភពលោក។
ក្រៅពីល្បឿននៃការកាប់បំផ្លាញថយចុះ របាយការណ៍ក៏បានបង្ហាញពីការបោះជំហានឈានទៅមុខធំៗ ដទៃទៀតដូចជាការកើនឡើងនូវតំបន់ព្រៃឈើអភិរក្សជាដើម ប៉ុន្តែក៏បានរំឭកថា ប្រព័ន្ធបរិស្ថាននៅតែប្រឈមមុននឹងស្ថានភាពលំបាកនានា ហើយនិងត្រូវធ្វើឲ្យរឹតតែធ្ងន់ធ្ងរដោយសារវិបត្តិអាកាសធាតុសព្វថ្ងៃ។
សារសំខាន់នៃព្រៃឈើគ្របដណ្តប់លើសុវត្ថិភាពចំណីអាហារ នៅក្នុងមធ្យោបាយទ្រទ្រង់ជីវិតនៅមូលដ្ឋាន រហូតដល់ការផ្គត់ផ្គង់នូវសម្ភារៈជីវសាស្រ្ត និងថាមពលកកើតឡើងឡើងវិញ។
ពួកវាជាជម្រកមួយភាគធំនៃស្ថានជីវចម្រុះពិភពលោក ចូលរួមចំណែកធ្វើតំរែតម្រូវវដ្តិនៃទឹក និងកាបូននៅកម្រិតពិភពលោក និងកាត់បន្ថយហានិភ័យ និងឥទ្ធិពលពីគ្រោះរាំងស្ងួត ការកើនឡើងនូវវាលលំហ សំណឹកដី ការបាក់ដី និងទឹកជំនន់។ល។
នៅក្នុងកថាមុខនៃរបាយការណ៍ លោកគូ ដុងយូ អគ្គនាយកនៃអង្គការសហប្រជាជាតិសម្រាប់ចំណីអាហារ និងកសិកម្ម FAO បានបញ្ជាក់ថា ការវាយតម្លៃនៃធនធានព្រៃឈើគឺជាការវាយតម្លៃពិភពលោកដែលមានភាពពេញលេញបំផុត និងតម្លាភាពបំផុតនៃធនធានព្រៃឈើ ពីសភាពរបស់ពួកវា និងពីការចាត់ចែង និងការប្រើប្រាស់របស់ពួកវា។ លោកបានបន្ថែមថា ៖ “ទិន្នន័យដែលការវាយតម្លៃបាននាំមក អាចប្រើប្រាស់បានច្រើនយ៉ាង គឺចេញពីការផ្តល់ព័ត៌មានដល់សហគមន៍អន្តរជាតិលើសភាពនៃព្រៃឈើ និងការវិវត្តិរបស់វា ដើម្បីគាំទ្រដល់ការធ្វើសេចក្តីសម្រេចចិត្តខាងនយោបាយ និងការវិនិយោគទាក់ទងនឹងព្រៃឈើ។”
ការបោះជំហានទៅមុខដ៏ធំបំផុតគឺការថយចុះល្បឿននៃការកាប់បំផ្លាញព្រៃឈើ។ ការកាប់បំផ្លាញមានតែ ១០លានហិចតាក្នុងមួយឆ្នាំ នៅរវាងឆ្នាំ២០១៥ និង២០២៥ ទល់នឹង ១៨លានហិចតា នៅរវាងឆ្នាំ១៩៩០ និងឆ្នាំ២០០០។ ការគ្រប់គ្រងព្រៃឈើក៏កាន់តែមានការធានាត្រឹមត្រូជាមួយនឹងប្រមាណជា ២០% នៃព្រៃដែលស្ថិតនៅមានសព្វថ្ងៃ ស្ថិតនៅក្នុងតំបន់ផ្ទៃដីអភិរក្សជាមួយនឹងច្បាប់ដែលត្រូវបង្កើតឡើង ហើយច្រើនជាងពាក់កណ្តាលនៃព្រៃឈើពិភពលោកកំពុងដាក់ចុះទៅក្នុងផែនការគ្រប់គ្រង។
បរិមាណព្រៃឈើដែលមិនទាន់កាប់ក៏កើនឡើងផងដែរ និងត្រូវបានវាស់វែង។ ព្រៃឈើដើរតួជាអាងធម្មជាតិសម្រាប់ស្តុកឧស្ម័នកាបូនិកពីបរិយាកាស។ សព្វថ្ងៃនេះ សាច់ឈើត្រូវបានវាយតម្លៃថា មាន ៦០០ ពាន់លានម៉ែត្រគូប ជាមួយនិងការស្តុកកាបូននៃព្រៃឈានដល់ ៧០០ពាន់លានតោន នៅឆ្នាំ២០២៥។
ទោះបីមានការរីកចម្រើនទាំងអស់នេះ របាយការណ៍វាយតម្លៃអំពីការគំរាមកំហែងដែលមានទៅលើព្រៃឈើ។
អត្រានៃការរីកទំហំរបស់ដីព្រៃឈើបានថយចុះយ៉ាងសម្បើម ដោយធ្លាក់ចុះពីប្រមាណ ១០លានហិចតាក្នុងមួយឆ្នាំនៅដើមសហសតវត្ស មកនៅ ៧លានហិចតានៅរវាង ឆ្នាំ២០១៥ និង២០២៥ ក៏ដូចជាព្រៃឈើដាំ ដែលវាតែងតែរីកចម្រើនប៉ុន្តែជាមួយនឹងចង្វាក់ដែលកាន់យឺតយ៉ាវឡើងៗ។
រឿងនេះក៏ត្រូវមកបន្ថែមដោយអគ្គីភ័យ ដែលដោយសារតែគ្រោះរាំងស្ងួតខ្លាំងក្លាជាបន្តបន្ទាប់នៅជុំវិញពិភពលោក វាបានប៉ះពាល់ដល់ផ្ទៃដីជាធម្យម ៣០០លានហិចតាជារៀងរាលឆ្នាំ ដែលជិតពាក់កណ្តាលគឺជាព្រៃឈើ។
ជាចុងក្រោយ របាយការណ៍ធ្វើសេចក្តីសន្និដ្ឋានថា ប្រព័ន្ធបរិស្ថានព្រៃឈើជារឿយៗ ប្រឈមមុខនឹងការកាប់បំផ្លាញ បើទោះបីជាវាមានការថយចុះ ប៉ុន្តែការកាប់បំផ្លាញក៏នៅតែខ្ពស់ពេកដែរ។
Daily Program
