រលកនៃការសន្យាដើម្បីបិទបញ្ចប់នៃសន្និសីទនៅទីក្រុងនីស

រដ្ឋជាង ១៧០ បានអនុម័តសេចក្តីប្រកាសនយោបាយដ៏មានមហិច្ចតាដែលសន្យា​សម្រាប់​សហគមន៍អន្តរជាតិដើម្បីធ្វើប្រតិកម្មបន្ទាន់ក្នុងការការពារសមុទ្រ។

លោកលី ជុនហ័រ អនុអគ្គលេខានៃអង្គការសហប្រជាជាតិសម្រាប់កិច្ចការសេដ្ឋកិច្ច និងសង្គម និងជាអគ្គលេខានៃសន្និសីទ បានថ្លែងថា ៖ ”យើងនឹងបិទបញ្ចប់សប្តាហ៍ជាប្រវត្តិសាស្រ្តនេះ មិនមែនគ្រាន់តែមានក្តីសង្ឃឹម ប៉ុន្តែក៏មានការសន្យាច្បាស់ៗ អំពីទិសដៅយ៉ាងច្បាស់ និង ថាមភាពដែលមិនអាចតវ៉ាបាន”។

ដោយរៀបចំឡើងសហការគ្នារវាងប្រទេសបារាំង និងប្រទេសកូស្តារីកា កិច្ចប្រជុំកំពូលដែល មានរយៈពេល ៥ថ្ងៃ បានប្រមូលផ្តុំអ្នកចូលរួម ១៥០០០នាក់ ដែលមានប្រមុខរដ្ឋ និង រដ្ឋាភិបាល ជាង ៦០រូប នៅលើច្រាំងសមុទ្រ មេឌីទែរ៉ាណេ​ប្រទេសបារាំង។

សន្និសីទត្រូវបានបិទបញ្ចប់​ដោយមានការអំពាវនាវរួមឲ្យពង្រឹងការការពារសមុទ្រ ប្រឆាំងនឹង​ការបំពុល កំណត់ក្របខណ្ឌនៃការធ្វើអាជីវកម្មនៅសមុទ្រជ្រៅ និងគៀងគរហិរញ្ញប្បទាន​ជា ប្រយោជន៍សម្រាប់ប្រទេសតាមតំបន់ឆ្នេរ និងប្រទេសជាកោះ។

ផែនការសកម្មភាពនៃទីក្រុងនីសសម្រាប់សមុទ្ររួមមានអ័ក្សពីរ ៖ សេចក្តីប្រកាសនយោបាយ​ដែលអនុម័តដោយរដ្ឋសមាជិក និងការសន្យាស្ម័គ្រចិត្តជាង ៨០០ ដែលត្រូវបានប្រកាន់យក​ដោយសន្និសីទលើកមុនអំពីសមុទ្រ ដោយរដ្ឋនានា អ្នកវិទ្យាសាស្រ្ត ទីភ្នាក់ងារអង្គការសហ ប្រជាជាតិ និងតួអង្គសង្គមស៊ីវិល។

ការសន្យាដែលត្រូវបង្ហាញនៅសប្តាហ៍នេះ ឆ្លុះបញ្ជាំងអំពីវិសាលភាពនៃវិបត្តិសមុទ្រ។ គណកម្មការអឺរ៉ុប បានថ្លែងអំពីការវិនិយោគមួយពាន់លានអឺរ៉ូ​ដើម្បីគាំទ្រការអភិរក្សសមុទ្រ វិទ្យាសាស្រ្ត និងការនេសាទដោយចីរភាព នៅខណៈដែល ដែនដីប៉ូលីនេស៊ី បារាំង បានសន្យា​បង្កើតតំបន់សមុទ្រការពារដែលធំបំផុតដែលនៅលើពិភពលោក ដែលគ្រប់ដណ្តប់ ភាព​ទាំងមូល​នៃតំបន់សេដ្ឋកិច្ចពិសេសរបស់ខ្លួន ឬមានប្រមាណ ៥លាន គម២។

ប្រទេសអាឡឺម៉ង់បានដាក់ចេញនូវកម្មវិធីដែលមានទំហំទឹកប្រាក់ ១០០ លានអឺរ៉ូ ដើម្បីដោះ​មីនក្រោមទឹកនៅសមុទ្របាល់ទិច និងសមុទ្រខាងជើង។ លើសពីនេះ ប្រទេសញូហ្ស៉េឡេន បានសន្យាផ្តល់នូវទឹកប្រាក់ ៥២លាន ដុល្លារដើម្បីពង្រឹងអភិបាលកិច្ចនៃសមុទ្រនានានៅក្នុង​មហាសមុទ្រប៉ាស៊ីហ្វ៊ីក ហើយប្រទេសអេស្ប៉ាញ បានប្រកាសអំពីការបង្កើតតំបន់អភិរក្សថ្មី​ចំនួន ៥។

សម្ព័ន្ធមិត្តនៃ ៥៧ ប្រទេស ដែលដឹកនាំដោយប្រទេសប៉ាណាម៉ា និងកាណាដា បានដាក់ ចេញ​នូវកម្មវិធីសម្ព័ន្ធមិត្តនៃមហិច្ចតាខ្ពស់សម្រាប់សមុទ្រស្ងប់ស្ងាត់ ដើម្បីប្រយុទ្ធ​ប្រឆាំងនឹង ការបំពុលដោយសម្លេងនៅក្រោមទឹក។ ទន្ទឹមគ្នានេះដែរ ឥណ្ឌូនេស៊ី និងធនាគារ​ពិភពលោក បានបង្កើតកម្មវិធី កាតព្វកិច្ចផ្កាថ្មដើម្បីចូលរួមចំណែកផ្តល់ហិរញ្ញវត្ថុនៃការអភិរក្សនៃកោះ ប៉ប្រះ​ទឹកផ្កាថ្ម​នៅក្នុងប្រទេស។

លោកលី បានគូសបញ្ជាក់ទៀតថា ៖ ”រលកនៃការផ្លាស់ប្តូរដ៏ខ្លាំងក្លា ពីពេលនេះតទៅ វាគឺ​ជា​ទំនួល​​ខុសត្រូវសមូហភាពរបស់យើងក្នុងការទទួលរ៉ាប់រង សម្រាប់ប្រជាជនភពផែនដី និង​សម្រាប់​​អ្នកជំនាន់អនាគត”។

លោកអន់តូនីញ៉ូ ហ្គូទែរ៉េស អគ្គលេខានៃអង្គការសហប្រជាជាតិ បានសង្កត់ធ្ងន់ថា ៖ “យើង​មិន​បានយកចិត្តដាក់លើ​សមុទ្របានខ្ពង់ខ្ពស់ដូចតម្លៃរបស់វាទេ គឺតម្លៃជាសារប្រយោជន៍​រួមនៃ​ពិភពលោកជាមួយ​និង​ភាពប្រសើរបំផុត”។ ប្រធានាធិបតីនៃម្ចាស់ផ្ទះទាំងពីរ លោក​អេម៉ានូអែល ម៉ាក្រុង និងលោក​រ៉ូឌ្រីហ្គោ ហ្គូទែរ៉េស ក៏បាននិយាយការពារ​សម្រាប់​ភាព​ជា​ពហុភាគី​ថ្មី ដែលឈលើមូលដ្ឋានគ្រឹះ​នៃវិទ្យាសាស្រ្ត។