សន្និសីទនៃអង្គការសហប្រជាជាតិអំពីមហាសមុទ្រនៅទីក្រុងនីស ប្រទេសបារាំង កាលពីថ្ងៃទី១០ ខែមិថុនា ប្រទេសចំនួន ៩៥ បាននិយាយឡើងវិញអំពីឆន្ទៈរបស់ពួកគេដើម្បីកាត់បន្ថយផលិតកម្ម និងការប្រើប្រាស់ប្លាស្ទីក។ ប្រទេសដែលចូលរួមសន្និសីទមានកាន់តែច្រើនបើប្រៀបធៀបនឹងសន្និសីទកាលពីខែសីហា ឆ្នាំមុន នៅទីក្រុងហ្ស៉ឺណេវដើម្បីទាមទារឲ្យមានវិធានការកាត់បន្ថយប្លាស្ទីក នៅក្នុងការចរចាជុំទី៥ នៃសន្ធិសញ្ញា អំពីប្លាស្ទីក។
លោកត្រេវ័រ ម៉ាណឺម៉ាហាហ្គា រដ្ឋមន្រ្តីក្រសួងបរិស្ថាននៃប្រជុំកោះសាឡូម៉ុង បានបញ្ចាក់ ខ្លាំងៗថា ៖ ”ប្លាស្ទីកគឺជាការបំពុលមហាសមុទ្រ និងជាបញ្ហាធំ។ សុខភាពរបស់កុមារ ក៏ជា បញ្ហាធំ ហើយអនាគតរបស់ភពផែនដីក៏ជាបញ្ហាធំដែរ”។ លោកបានសម្តែងអារម្មណ៍ខ្លាំងក្លា ឲ្យមានភាពបន្ទាន់ក្នុងការធ្វើប្រតិកម្មសម្រាប់បញ្ហាប្លាស្ទីក នៅក្នុងសេចក្តីអំពាវនាវពីទីក្រុងនីស ប្រទេសបារាំង ដើម្បីបបួលគ្នាឲ្យកាត់បន្ថយផលិតកម្មប្លាស្ទីក និងវត្ថុធាតុដើមប្លាស្ទីក ឬក៏សំណុំទាំងមូលនៃសម្ភារៈដែលត្រូវបានប្រើបា្រស់ដំបូងសម្រាប់គ្រប់គ្រងការប្រើប្រាស់ប្លាស្ទីក។
ជាគុណប្រយោជន៍ពីសន្និសីទនៃអង្គការសហប្រជាជាតិអំពីមហាសមុទ្រនៅទីក្រុងនីស រដ្ឋចំនួន ៩៥ បាននិយាយឡើងវិញអំពីឆន្ទៈរបស់ពួកគេក្នុងការកាត់បន្ថយផលិតកម្មប្លាស្ទីកដែលបានហក់ឡើងដល់ ៤៦០ លានតោន ដែលប្លាស្ទីកត្រូវបានផលិតនៅឆ្នាំ២០២៤ និងអាចឈានទៅដល់គុណជាបី ពីពេលនេះរហូតដល់ឆ្នាំ២០៦០។
លោកស្រីអាញ៉ែស ប៉ានីញ៉ែ រូណាជេ រដ្ឋមន្រ្តីបារាំងនៃការកំណែទម្រង់បរិស្ថាន បានទទួចថា ៖ “អ្វីដែលយើងចង់បាន គឺសន្ធិសញ្ញាមួយដែលកំណត់គោលដៅរយៈពេលវែង ជាមួយនឹងការធ្វើដំណើរកាត់បន្ថយប្លាស្ទីក ដែលតម្រូវឲ្យគេគោរព”។ ម្យ៉ាងវិញទៀតគោលដៅនេះតាមសេចក្តីអំពាវនាវក៏ទាមទារនូវការតម្រូវខាងផ្លូវច្បាប់ដែលចាប់បង្ខំដើម្បីលុបបំបាត់ឲ្យកាន់តែបានច្រើននូវផលិតផលប្លាស្ទីកដែលមានបញ្ហាបំផុត និងសារធាតុគីមីដែលគួរឲ្យព្រួយបារម្ភ។ សេចក្តីអំពាវនាវក៏ការពារសម្រាប់ទស្សនទានខាងបរិស្ថាននៃរូបធាតុដើម្បីកាត់បន្ថយឥទ្ធិពលរបស់ប្លាស្ទីកលើបរិស្ថាន។ ឯកសារនៃសេចក្តីអំពាវនាវក៏មិនភ្លេចនឹងផ្តល់ហិរញ្ញប្បទានសម្រាប់វិធានការនានាក្នុងការគាំទ្រការបង្កើតយន្តការហិរញ្ញវត្ថុដើម្បីជួយឲ្យដាក់ដំណើរការនូវសន្ធិសញ្ញានាពេលអនាគត។
សេចក្តីអំពាវនាវនៅទីក្រុងនីសនេះ គឺជាដំណាក់កាលកណ្តាលផ្លូវនៅក្នុងកិច្ចចរចានាពេលសព្វថ្ងៃដើម្បីសន្ធិសញ្ញាពិភពលោកមួយ ដែលបានសម្រេចចិត្តរៀបចំនៅអំឡុងសមាជទូទៅនៃអង្គការសហប្រជាជាតិនៅឆ្នាំ២០២២។
ពីថ្ងៃទី៦ ដល់ថ្ងៃទី១៤ ខែសីហា ឆ្នាំ២០២៥ នៅទីក្រុងហ្ស៉ឺណេវ ប្រទេសស្វីស នឹងមានសម័យប្រជុំលើកទី៥ នៃអង្គការសហប្រជាជាតិដែលរៀបចំឡើងសម្រាប់បញ្ហាប្លាស្ទីក។ មកទល់សព្វថ្ងៃនេះ ប្រទេសចំនួន ១១៧ បានថ្លែងគាំទ្រសម្រាប់ការកាត់បន្ថយនៃផលិតកម្មប្លាស្ទីក ប៉ុន្តែជាមួយនឹងការរៀបចំឡើងវិញ និងការព្រួយបារម្ភខុសៗគ្នា។
ក្រុមអ្នកស្រាវជ្រាវអាម៉េរិកពីអង្គការ Pew Charitable Trust បានបញ្ចេញលទ្ធផលស្រាវជ្រាវវិទ្យាសាស្រ្តដែលត្រូវបានផ្សព្វផ្សាយនៅឆ្នាំ២០២០ ថា ទោះបីជាគេធ្វើឲ្យល្អប្រសើរឡើងនូវអត្រាកែច្នៃ ក៏ការកើនឡើងនៃការប្រើប្រាស់ប្លាស្ទីកនឹងបង្កើតប្លាស្ទីក ៧២០លានតោនបន្ថែមនៅក្នុងសមុទ្រពីពេលនេះរហូតដល់ឆ្នាំ២០៤០។ ជាសេចក្តីសន្និដ្ឋានរបស់អ្នកសិក្សាស្រាវជ្រាវ គឺមានតែការកាត់បន្ថយផលិតកម្មប្លាស្ទីកទេ ទើបអាចកាត់បន្ថយការបំពុលបាន។
Daily Program
