ការប្រែប្រួលអាកាសធាតុ គឺជាឧក្រិដ្ឋជនដោយគ្មានការសង្ស័យសម្រាប់រលកកម្តៅដ៏​ខ្លាំងក្លានៅអឺរ៉ុប

ក្រុមអ្នកវិទ្យាសាស្រ្តនៃអង្គការស្រាវជ្រាវអាកាសធាតុ (WWA) នៅក្នុងការសិក្សាមួយ​ដែល ផ្សព្វផ្សាយកាលពីថ្ងៃសុក្រ ទី២៦ ខែមិថុនា ឆ្នាំ២០២៦ បានសន្និដ្ឋានថា ការប្រែប្រួល អាកាសធាតុ គឺជាឧក្រិដ្ឋជនដោយគ្មានការសង្ស័យសម្រាប់ការរីកវិសាលភាពនៃរលកកម្តៅ ដែលវាយប្រហារអឺរ៉ុបខាងលិច ដែលមិនដែលកើតមានសោះរយៈពេល ៥០ឆ្នាំ មកហើយ។

អ្នកសិក្សាស្រាវជ្រាវបានសន្និដ្ឋានថា សីតុណ្ហភាពខ្ពស់ខ្លាំងនៅក្នុងអំឡុងពេលថ្ងៃ ក៏ដូចជា​ពេល​​យប់ គឺមិនដែលកើតមានឡើង​ឡើយ​ចាប់តាំងពីឆ្នាំ១៩៧៦ ដែលជាឆ្នាំដែលត្រូវបានកត់​សម្គាល់ដោយរលកកម្តៅដ៏មានសក្តានុពល។ ពួកគេបានសិក្សាលើទំនួលខុសត្រូវនៃការ​ធ្លាក់​អន់ថយ​របស់អាកាសធាតុ​ដោយសារស្នាដៃមនុស្សសម្រាប់ព្រឹត្តិការណ៍​ឧតុនិយម​ដ៏​ហួសហេតុ​​ទាំងនេះ។ ពួកគេបានគណនាថា ​៖ “រលកកម្តៅស្រដៀងគ្នា​កើតឡើង​នៅ​ពេល​នោះ គ្រាន់តែវាក្តៅតិចជាង ៣,៥ °C នៅពេលថ្ងៃ និង ២,៤°C នៅពេលយប់។”

លោកថេអូឌ័រ ឃីបភីង មកពីមហាវិទ្យាល័យអធិរាជក្រុងឡុងដ្រ៍ ដែលជាអ្នកសិក្សាស្រាវជ្រាវ​​មួយ​រូប បានបញ្ជាក់ថា ៖ “យើងបានសន្និដ្ឋានថា នៅអំឡុងពេល ៥០ឆ្នាំ ចុងក្រោយ ដែល សីតុណ្ហភាព​ឡើងជាមធ្យម ១,១°C លទ្ធភាពនៃការកើតមានឡើងនូវរលកកម្តៅដូចលើកនេះ នឹង​មានការ​ផ្លាស់ប្តូរយ៉ាងធំធេង។ លោកបានបញ្ជាក់ថា ៖ “រលកកម្តៅលើកនេះនឹង​មិនអាច កើតមានឡើងបានទេនៅខែមិថុនា ប្រសិនបើមិនមានការប្រែប្រួលអាកាសធាតុទេនោះ”។

អឺរ៉ុបខាងលិចបានទទួលរងជាងរយៈពេលមួយសប្តាហ៍នៃកម្តៅហួសហេតុ ដែលជាវិបាកនៃពី​វត្តមាននៃមាឌខ្យល់កម្តៅដ៏សម្បើម ដែលមានប្រភព​ពីទ្វីបអាហ្វ្រិក បានហោះរលង​ពីលើទ្វីប​អឺរ៉ុបខាង​លិច។

លោកហ្វ្រ៊ីដឺរីក អូតតូ មកពីមហាវិទ្យាល័យអធិរាជក្រុងឡុងដ្រ៍ដែរ បានអធិប្បាយថា ៖ “បាតុភូត​អាកាសធាតុ មិនមែនជារឿងចម្លែកអ្វីទេ ប៉ុន្តែកម្តៅវិញ គឺក្តៅចម្លែក ឬ យ៉ាងហោច​ណាស់ វាជារឿងចម្លែក នៅពីមុខការប្រែប្រួលអាកាសធាតុដោយសារស្នាដៃមនុស្ស។”

ការប្រែប្រួលអាកាសធាតុដែលមានប្រភពពីមនុស្សកើតមានឡើងដោយសារការប្រើប្រាស់​ដ៏​សម្បើមនៃថាមពលផូស៊ីល ធ្យូងថ្ម ប្រេង និងឧស្ម័នផូស៊ីល ព្រមទាំងការមិនមានវិធានការ​ទប់ស្កាត់ការបំផ្លាញព្រៃឈើ។ល។

សម្រាប់ការសិក្សារបស់ពួកគេ អ្នកវិទ្យាសាស្រ្ត​យកចេញពីមូលដ្ឋាននៃប្រទេសជាច្រើន​នៅទ្វីប អឺរ៉ុបដើម្បី​ធ្វើការប្រៀបធៀបទិ​ន្ឋន័យនៃការសង្កេតមើលឧតុនិយមសព្វថ្ងៃ ​និងក៏ធ្វើការព្យាករ​សម្រាប់បណ្តាថ្ងៃខាងមុខ ពីព្រោះភាគនៃការកើនកម្តៅនៅតែបន្តជានិច្ច ជាមួយទិន្នន័យនៃ​ការ​សង្កេត​ពិនិត្យតាំងពីឆ្នាំ១៩៧៦ និងពីឆ្នាំ២០០៣។

អ្នកសិក្សាស្រាវជ្រាវ ក៏បានបដិសេធទាំងស្រុងនូវរាល់ទំនួលខុសត្រូវនៃបាតុភូតធម្មជាតិអេល នីណូ ដែលធ្វើឲ្យសីតុណ្ហភាពផ្ទៃទឹកសមុទ្រខាងលើឡើងក្តៅ នៅតំបន់កណ្តាល និងភាគខាង​កើតនៃមហាសមុទ្រប៉ាស៊ីហ្វិកត្រង់ខ្សែអេក្វាទ័រ និងបណ្តាលឲ្យមានរដូវរាំងស្ងួត ទឹកជំនន់ និង កម្តៅសីតុណ្ហភាពក្តៅខ្លាំងជាប់កំណត់ត្រានៅជុំវិញពិភពលោក។ ដូច្នេះ បាតុភូតអេល នីណូ​មិន​បាន​ដើរ តួនាទី ណា១ ចូលមកពាក់ព័ន្ធនៅក្នុងរលកកម្តៅនៅទ្វីបអឺរ៉ុបនេះទេ។

លោកហ្វ្រ៊ីដឺរីក អូតតូ កត់សម្គាល់ថា ៖ “ស្ត្រេសពីកម្តៅ ដែលរួមបញ្ចូលសីតុណ្ហភាពខ្ពស់ និង កម្រិតសំណើមខ្លាំង ក៏ធ្វើឲ្យរដូវក្តៅខ្លាំងនេះ មានភាពមិនស្រណុក និងគ្រោះថ្នាក់ជាពិសេស ផងដែរ។”

យោងតាមការសិក្សា ជិត ៤៥% នៃទីក្រុងចំនួន ៨៥៤ ដែលត្រូវបានធ្វើវិភាគនៅ៣០ប្រទេស អឺរ៉ុបបានទទួលរងការវាយប្រហារ ឬជិតរងការវាយប្រហារ ដែលនេះគឺជាកំណត់ត្រា ប្រវត្តិសាស្រ្ត​នៃស្រេ្តសពីកម្តៅ។