យោងតាមទីភ្នាក់ងារអន្តរជាតិនៃថាមពល (AIE) កាលពីឆ្នាំ២០២៣ ពិភពលោកបានស្ថាបនា ដល់កម្រិតឯកតកម្ម ៥០% នៃថាមពលកកើតឡើងវិញ កើនលើសមុន ប្រៀបធៀបនឹង ឆ្នាំ ២០២២។ នេះបង្កើតបានជាចង្វាក់មិនធ្លាប់មានសម្រាប់ប៉ុន្មានឆ្នាំខាងមុខទៅថ្ងៃអនាគត ទោះ បីជាវាមិនទាន់គ្រប់គ្រាន់នឹងប្រឈមនឹងការកើនកម្តៅអាកាសធាតុក្តី។
យោងតាមរបាយការណ៍ថាមពលកកើតឡើងវិញនៅឆ្នាំ២០២៣ ដែលផ្សព្វផ្សាយនៅថ្ងៃទី១១ ខែមករា ឆ្នាំ២០២៤ ដោយទីភ្នាក់ងារថាមពលអន្តរជាតិ (AIE) បានឲ្យដឹងថា ថាមពល ប្រមាណ ៥០៧ ហ្គ៊ីហ្គាវ៉ាត់នៃអគ្គីសនីពីថាមពលកកើតឡើងវិញ ត្រូវបានដាក់ឲ្យប្រើប្រាស់ ឬ ៥០% កើនឡើងលើសឆ្នាំ២០២២។ លោកហ្វាទី ប៊ីរ៉ូល នាយកនៃវិទ្យាស្ថានថាមពលកកើតឡើងវិញ បានថ្លែងថា ៖ “ការកើនឡើងយ៉ាងខ្លាំងនេះគឺជាប្រវត្តិសាស្រ្ត”។
ប្រទេសចិន ជាថ្មីម្តងទៀត គឺជាម៉ូទ័រដ៏ធំនៃការរីកចម្រើននេះ គឺ ៦០% នៃហេដ្ឋារចនាសម្ព័ន្ធថ្មីៗ ហើយក្នុងនោះ មានកង្ហារខ្យល់ ៦៦%។ ប៉ុន្តែនៅ អឺរ៉ុប សហរដ្ឋអាម៉េរិក ប្រេស៊ីល ក៏បានឈានដល់កំណើនកម្រិតមិនធ្លាប់មានពីមុន។ ចំណែកឥណ្ឌា ក៏បានឈានទៅមុខខ្លាំងនៅក្នុងការប្រើថាមពលកកើតឡើងវិញនេះដែរ។ ទីភ្នាក់ងារអន្តរជាតិនៃថាមពល ក៏វាយតម្លៃថា មានការរីកចម្រើនខ្លាំងលើវិស័យនេះ នៅអាស៊ីអាគ្នេយ៍ ក៏ដូចជានៅមជ្ឈិមបូព៌ាផងដែរ។
ទីភ្នាក់ងារបានប្រមើលមើល សម្រាប់ ៥ឆ្នាំ ដែលនឹងមកដល់ គឺមានការតម្លើងថាមពលកកើតឡើងវិញដ៏ខ្លាំងក្លាបំផុត ដែលមិនដែលឃើញរយៈពេល ៣០ឆ្នាំ។ ទីភ្នាក់ងារអន្តរជាតិនៃថាមពល បញ្ជាក់ដែរថា ៖ “សមត្ថភាពផលិតកម្មអគ្គីសនីកកើតឡើងវិញ មិនដែលបានរីកវិសាលភាពក្នុងទំហំធំបែបនេះ និងលឿនបែបនេះ រយៈពេល ៣០ឆ្នាំមកហើយ។ នេះផ្តល់សំណាងដ៏ពិតប្រាកដដើម្បីឈានទៅដល់គោលដៅដែលរដ្ឋាភិបាលនានាបានដាក់ទៅសន្និសីទអន្តរជាតិស្តីអំពីអាកាសធាតុ លើកទី២៨ ដែលថា នឹងបង្កើតសមត្ថភាពថាមពលកកើតឡើងវិញនៅលើពិភពលោក ១ ជា ៣ ពីពេលនេះរហូតដល់ឆ្នាំ ២០៣០។
ទីភ្នាក់ងារអន្តរជាតិនៃថាមពលបន្ថែមថា សម្រាប់ពេលនេះ ចង្វាក់នេះ មិនទាន់គ្រប់គ្រាន់ទេ។ ទីភ្នាក់ងារក៏បានចង្អុលជាពិសេស អំពីតម្រូវការហិរញ្ញវត្ថុឆ្ពោះទៅកាន់ប្រទេសដែលទើបរះឡើង និងកំពុងអភិវឌ្ឍ។
លោកហ្វាទី ប៊ីរ៉ូល ធ្វើសេចក្តីសង្ខេបថា ៖ “នៅក្នុងលក្ខខណ្ឌទីផ្សារ និងសភាពនយោបាយសព្វថ្ងៃ សមត្ថភាពពិភពលោក នឹងកើនឡើងទ្វេដង គឺ ២,៥ ដង ពីពេលនេះរហូតដល់ឆ្នាំ ២០៣០។ លោកហ្វាទី ប៊ីរ៉ូល បញ្ជាក់ដែរថា ៖ “កង្ហារខ្យល់នៅលើដី និងផ្ទាំងពន្លឺព្រះអាទិត្យ គឺមានទីផ្សារល្អ ជាងរោងចក្រអគ្គីសនីថ្មីដែលដុតឥន្ធនៈផូស៊ីល ស្ទើរតែគ្រប់ទីកន្លែង ហើយមានតម្លៃថោកជាងរោងចក្រអគ្គីសនីដែលស្ថាបនានៅក្នុងប្រទេសភាគច្រើន។ កាលពីឆ្នាំមុន គេឃើញតម្លៃផ្ទាំងពន្លឺព្រះអាទិត្យ ធា្លក់ចុះ ៥០% ក្នុងឆ្នាំ ហើយចលនានេះនឹងត្រូវបន្តជាមួយនឹងការការកើនឡើងនូវសមត្ថភាពផលិតដែលគេពិនិត្យឃើញ។
គោលដៅគឺបង្កើនមួយទៅជាបីនូវថាមពលកកើតឡើងវិញ ឲ្យលាតសន្ធឹងក្នុងកម្រិតពិភពលោក ជាមួយនឹងតម្រូវការផ្សេងៗគ្នា ពីប្រទេសមួយទៅប្រទេសមួយទៀត។ ចំណែកប្រទេសអ្នកមាន និងប្រទេសដែលទើបរះឡើងថ្មីៗ ទីភ្នាក់ងារអន្តរជាតិនៃថាមពល បញ្ជាក់អំពីសារសំខាន់ចាំបាច់នូវការបញ្ចប់ភាពញញើតញញើមនៅក្នុងនយោបាយជាតិ ដោយការវិនិយោគនៅក្នុងការធ្វើទំនើបកម្ម និងការសម្របទៅនឹងបណ្តាញ ព្រមទាំងកាត់បន្ថយការពន្យាពេល និងភាពស្មុគស្មាញនៅក្នុងបែបបទរដ្ឋបាលផងដែរ។
សម្រាប់ប្រទេសដទៃៗ ទៀត ការចូលទៅកាន់ហិរញ្ញវត្ថុបាន និងការដាក់ឲ្យដំណើរការនូវក្របខណ្ឌច្បាប់រឹងមាំ គឺត្រូវធ្វើជាដាច់ខាត ហើយព្រមទាំងមានការកំណត់នូវគោលដៅនៃការស្ថាបនាថាមពលកកើតឡើងវិញផងដែរ ហើយដែលគោលដៅមួយចំនួននៅមិនមានទេ នៅក្នុងប្រទេសខ្លះ។
Daily Program
