អត្ថាធិប្បាយព្រះគម្ពីរដំណឹងល្អ ថ្ងៃទី១៩ ខែកញ្ញា ឆ្នាំ២០២៣

អត្ថាធិប្បាយគម្ពីរដំណឹងល្អថ្ងៃទី១៩ ខែកញ្ញា ឆ្នាំ២០២៣ តាមសន្តលូកា ៧,១១-១៧ បកស្រាយដោយលោកបូជាចារ្យ រឿង ឆ័ត្រសិរី

បាទជម្រាបសួរបងប្អូនជាទីស្រលាញ់ នៅថ្ងៃយើងស្ដាប់ព្រះបន្ទូលជាការអស្ចារ្យម្យ៉ាង​ដែលព្រះយេស៊ូបានធ្វើគឺព្រះអង្គបានឃើញក្បូនហែរសពរបស់មនុស្សស្លាប់ម្នាក់ដែលជាកំលោះពេញវ័យម្នាក់ហើយក៍ជាកូនរបស់ស្ត្រីម៉េម៉ាយទៀត។ នៅក្នុងព្រះបន្ទូលនេះ គាត់ឱ្យចាប់អារម្មណ៍ថា ព្រះយេស៊ូបានបង្ហាញព្រះហឬទ័យអាណិតអាសូរមានន័យថា ព្រះអង្គមានចិត្តមេត្តាករុណា ចិត្តអាណិតមេត្តាមែនទែន គួរឱ្យអាណិតមេត្តាដល់​នរណា ដោយសារអ្នកដែលកំពុងតែរងទុក្ខលំបាកមិនមែនតែប្រជារាស្ត្រធម្មតា មិន​មែន​ជាអ្នកមាន មិនមែនជាអ្នកដែលមានសមត្ថភាពនៃការផ្គត់ផ្គង់ខ្លួនឯងបានទេ គាត់​ជា​ស្រ្តីមេម៉ាយ គាត់អត់មានប្ដី អីលូវនេះកូនដែលគាត់សង្ឃឹមថាអនាគតជាកម្លាំងរបស់ គ្រួសារក៍ត្រូវបានស្លាប់ទៀត នេះហាក់ដូចជាស្រ្តីមេម៉ាយនេះអស់រលីងតែម្ដង ការរស់​នៅ​ក៍ពិបាក ព្រះយេស៊ូគាត់យល់ស្ថានភាពបែបនេះហើយឃើញថាប្រសិនបើព្រះអង្គ​អាចជួយធ្វើបាន ព្រះអង្គត្រូវតែធ្វើហើយ ដូច្នេះយើងបានឃើញអ្វីដែលព្រះយេស៊ូធ្វើគឺ​ព្រះអង្គជួយឱ្យស្រ្តីមេម៉ាយនឹងមានកម្លាំងឡើងវិញគឺដោយសារឱ្យកូនរបស់នាង មាន​ជីវិត​ឡើងវិញថ្មី ដូច្នេះចិត្តអាណិតមេត្តាជាលក្ខណៈរបស់មនុស្សដែលមាន​សេចក្ដី​ស្រ​លាញ់​ហើយនេះជាលក្ខណៈរបស់យើងជាគ្រីស្តបរិស័ទទាំងអស់គ្នាដែរ។ គ្រីស្តបរិស័ទ​ត្រូវតែមានចិត្តមេត្តា ចិត្តអាណិតមេត្តា ក្រោយមកដោយសារចិត្តអាណិតមេត្តា សេចក្ដី​ស្រលាញ់ដែលយើងធ្វើដូចព្រះយេស៊ូ ជួយអ្នកដែលកំពុងរងទុក្ខវេទនា សព្វគ្រប់បែប​យ៉ាង​ដែលយើងអាចធ្វើបាន​។ ទីពីសម្រាប់ព្រះបន្ទូលថ្ងៃនេះគឺការរស់ឡើងវិញ ក្មេង​នេះ​បានរស់ឡើងវិញម្ដងទៀតប៉ុន្តែថ្ងៃណាមួយពួកគាត់ក៍នឹងស្លាប់ដែរ ប៉ុន្តែបងប្អូន​ដឹង​ទេ​ការរស់ឡើងវិញរបស់ក្មេងកំលោះនៅថ្ងៃនេះ ព្រះយេស៊ូកំពុងបង្ហាញថា​នៅថ្ងៃ​ណា​មួយ​ឬថ្ងៃក្រោយទៀត ព្រះយេស៊ូនឹងធ្វើឱ្យមានការរស់ឡើងវិញដ៍អស្ចារ្យមួយដែរ​គឺម​ក​ពី​ខ្លួ​នព្រះអង្គផ្ទាល់ហើយខុសពីក្មេងកំលោះនោះទៀតគឺដោយសារក្មេងកំលោះនឹងរស់​ឡើងវិញហើយគាត់ក៍ស្លាប់ទៀត​​ ប៉ុន្តែព្រះយេស៊ូនៅពេលក្រោយព្រះអង្គនឹងរស់ឡើង​វិញអស់កល្បជានិច្ច មានជីវិតជារៀងរហូត​។ បាទដូច្នេះនេះជាការលើកទឹកចិត្តយើង ម៉្យាងថា អស់អ្នកណាមានជីវិតភ្ជាប់ជាមួយព្រះយេស៊ូគ្រីស្ត ទោះបីយើងធ្លាក់ទាំងអស់​នៅក្នុងជីវិតរបស់យើងសូម្បីតែរហូតដល់ថ្ងៃស្លាប់ ក៍យើងមានព្រះយេស៊ូគ្រីស្តដែលជា​ចំណុចសំខាន់ក្នុងជីវិតរបស់យើង ដើម្បីយើងចាប់យកទៅតាមព្រះអង្គដើម្បីមានជីវិតថ្មី ដ៍រុងរឿងជាមួយព្រះអង្គដែរ សូមបងប្អូនរក្សាជំនឿរបៀបនេះនឹងនៅពេលយើងកំពុង​ធ្វើ​ដំណើរនេះឱ្យមានចិត្តអាណិតមេត្តាដល់អ្នកដទៃដូចគ្នាដែរ។ សូមព្រះជាម្ចាស់ប្រ​ទាន​ពរឱ្យអស់បងប្អន។​អាម៉ែន៕