អត្ថាធិប្បាយព្រះគម្ពីរដំណឹងល្អ ថ្ងៃទី១៤ ខែកញ្ញា ឆ្នាំ២០២៣

អត្ថាធិប្បាយគម្ពីរដំណឹងល្អថ្ងៃទី១៤ ខែកញ្ញាឆ្នាំ២០២៣ តាមលូកា ២,៣៣-៣៥អត្ថាធិប្បាយដោយលោកបូជា​ចារ្យ​ផាន បូរី

បងប្អូនជាទីគោរពរាប់អាន បងប្អូនរួមជំនឿជាទីស្រលាញ់ តើបងប្អូនសុខសប្បាយជាតិ​ទេ នៅក្នុងខណៈនេះខ្ញុំលោកឪពុក បូរី ពិតជាមានសេចក្ដីសោមនោសសារជាថ្មី​ម្ដង​ទៀត ក្នុងការចែករំលែកអត្ថបទព្រះគម្ពីរដំណឹងល្អតាមសន្តយ៉ូហាន ជំពូក១៩ ខ២៥​ដល់​​២៧ឬបងប្អូនអាចអានបានគម្ពីរដំណឹងល្អរបស់សន្តលូកា ជំពូក២ ខ៣៣ដល់៣៥ ត្រូវជាបុណ្យនាងម៉ារីមានទុក្ខលំបាក​ដោយសារព្រះយេស៊ូបានជាប់នៅលើឈើឆ្កាង។

​ក្នុងថ្ងៃនេះយើងឃើញថា​ ពេលព្រះយេស៊ូជាប់នៅលើឈើឆ្កាងមានក្រុមសាវ័កនិង​មាន​អ្នកឯទៀតៗបានហែហមព្រះយេស៊ូ ហើយនាងម៉ារីដែលជាម្ដាយនៅជិតឈើឆ្កាងរបស់​ព្រះអង្គ ដោយព្រះយេស៊ូមើលឃើញម្ដាយនៅជាមួយកូនរបៀបនេះ​ព្រះយេស៊ូមាន​ព្រះបន្ទូលទៅ​នាងម៉ារីថា​«អ្នកអើយ! នេះហើយកូនរបស់អ្នក​ អ្នកអើយ!នេះហើយកូន​របស់អ្នក។ ព្រះយេស៊ូមានបន្ទូលតាមរបៀបនេះនាំឱ្យនាងម៉ារីឈឺចុកចាប់ នាំឱ្យនាង​ម៉ារី​ក្ដុកក្ដួល​នៅក្នុងអារម្មណ៍ ដោយសារនាងម៉ារីបានស្រលាញ់ព្រះយេស៊ូយ៉ាងខ្លាំង ដោយសារបង្កើតព្រះអង្គ នាងម៉ារីពិបាកទប់ចិត្ត​​ ពិបាកទប់អារម្មណ៍ ដោយសារសេចក្ដី​ស្រលាញ់​រវាងម្ដាយនឹងកូន​ ទឹកចិត្តរបស់ម្ដាយមិនចង់ឃើញគេធ្វើបាបកូនរបស់គាត់ទេ ក៍ប៉ុន្តែកូនរបស់គាត់សុខចិត្ត សុខចិត្តថ្វាយខ្លួនទៅព្រះជាម្ចាស់ក្នុងឋានៈជាព្រះគ្រីស្ត​ដែល​សោយរាជ្យ​នៅ​លើឈើឆ្កាង សុខចិត្តថ្វាយជីវិតរបស់ព្រះអង្គដោយសារតែសេចក្ដី​ស្រលាញ់ ហេតុនេះចុងក្រោយព្រះយេស៊ូបានផ្ញើជីវិតរបស់ព្រះអង្គទៅក្នុងព្រះហស្ត​របស់​ព្រះជាម្ចាស់ហើយតាមរយៈព្រះនាងម៉ារី ពួកគាត់ពិតជាមានទំនាក់ទំនងដ៍ល្អរវាង​ម្ដាយនឹងកូន នេះហើយកូនរបស់អ្នក នេះហើយកូនរបស់អ្នក​ ដែលជាព្រះសង្គ្រោះនៅ​លើ​ឈើឆ្កាងហើយនេះទឹកចិត្តរបស់ម្ដាយពិតជាឆេះឆួល ពិតជាក្ដុកក្ដួល ពិតជាទុក្ខ​លំបាក​មែន ហើយយើងឃើញតាំងពីពេលនោះ​ព្រះយេស៊ូបានប្រគល់នាថម៉ារីជាមួយ​នឹងក្រុមគ្រីស្តទូត នេះហើយម្ដាយរបស់អ្នក ។ ព្រះយេស៊ូបានប្រគល់ម្ដាយរបស់ទ្រង់ ទៅឱ្យក្រុមគ្រីស្តទូតថែរក្សា​​ ខណៈជាក្រុមគ្រួសារ ជាព្រះសហគមន៍ដោយស្ដាប់គ្នាទៅ​វិញ​ទៅមក។​ ព្រះយេស៊ូបានប្រគល់អ្វីៗទាំងអស់ដែលព្រះអង្គស្រលាញ់​ ជាពិសេស​ម្ដាយ​របស់​ព្រះអង្គទៅក្នុងក្រុមគ្រីស្តហើយព្យាយាមរស់នៅជាក្រុមគ្រួសារ។

បងប្អូនជាទីស្រលាញ់ បងប្អូនជាទីគោរពរាប់អាន នៅក្នុងថ្ងៃនេះយើងឃើញថា នាង​ម៉ារី​​​​​​មិនបានបោះចោលព្រះអង្គនោះទេហើយព្រះយេស៊ូនៅតែសម្លឹងមើលនាងម៉ារី​ ព្រះយេស៊ូនៅតែសម្លេងមើលព្រះសហគមន៍​ ព្រះយេស៊ូនៅតែបន្តឱ្យព្រះសហគមន៍ចេញទៅប្រកាសដំណឹងល្អ មើលថែទាំគ្នាទៅវិញទៅមកជាម្ដាយនឹងកូន ជាបងជាប្អូន ជាសាច់ញាតិ ដោយសារយើងមានព្រះសហគមន៍តែមួយ យើងជាបងប្អូនគ្នា​ យើងជា​មហាក្រុមគ្រួសារ ក្រុមគ្រួសារដ៍ល្អ គ្រួសារដែលចេះលើកលែងទោសឱ្យគ្នា។

បងប្អូនជាទីស្រលាញ់យើងជាមនុស្សជាតិ ចូរឱ្យយើងខិតខំកសាងទំនាក់ទំនងល្អជាមួយគ្នានឹងគ្នា ឱ្យយើងនឹកដល់ក្រុមគ្រួសារមួយចំនួនដែលពេលខ្លះរស់នៅមានរកាំ​​   រកុសជាមួយគ្នា មានអំពើហិង្សា មិនចេះលើកលែងទោសឱ្យគ្នា​​ អត់មានការងារធ្វើ ខ្វះម្ហូបអាហារ ខ្វះសំលៀកបំពាក់ អត់មានផ្ទះសម្បែងនៅត្រឹមត្រូវ យើងនឹកដល់ក្រុមគ្រួសារមួយចំនួនដែលឃ្លាតឆ្ងាយពីគ្នាដោយសារសង្គ្រាម ដោយសារអំពើហិង្សា ហេតុនេះសូមឱ្យយើងយកនាងម៉ារី យកព្រះយេស៊ូ ធ្វើជាគម្រូរបស់យើង ធ្វើជាគម្រូដ៍ល្អ គម្រូនៃសន្តិភាព ដែលជាគម្រូដោយចេះលើកលែងទោសឱ្យគ្នាទៅវិញទៅមក ហើយនេះសេចក្ដីស្រលាញ់ដែលព្រះយេស៊ូមាន សេចក្ដីស្រលាញ់ដែលហ៊ានបូជាជីវិតទាំងស្រុងរបស់ព្រះអង្គដោយលះបង់ជីវិត លះបង់ម្ដាយ លះបង់បងប្អូន លះបង់ក្រុមគ្រីស្តទូត ដោយសារតែព្រះអង្គស្រលាញ់ពិភពលោកយើងនេះខ្លាំងណាស់ រហូតដល់ព្រះអង្គហ៊ាន​​ធ្វើ ហ៊ានលះ​បង់នឹងសុខចិត្តធ្វើតាមព្រះហឬទ័យរបស់ព្រះជាម្ចាស់ដោយថ្វាយខ្លួនទាំងស្រុងរបស់ព្រះអង្គក្នុងព្រះហស្តរបស់ព្រះអង្គ ហើយនេះសំខាន់ណាស់សូមឱ្យបងប្អូនមានសេចក្ដីសុខសាន្ត សូមឱ្យក្រុមគ្រួសារទាំងអស់រស់នៅដោយចេះលើកលែងទោសឱ្យគ្នានឹងរស់នៅដោយមានសុភមង្គល វិបុលសុខក្នុងក្រុមគ្រួសារនីមួយៗ។ អាម៉ែន៕