អត្ថាធិប្បាយគម្ពីរថ្ងៃទី០១ ខែសីហាឆ្នាំ២០២៤បកស្រាយ​ដោយ​លោកបូជាចារ្យ ហ្វ្រងស័រ អេមេល្សដាល

នៅក្នុងអត្ថបទដំណឹងល្អនៅថ្ងៃនេះ ព្រះយេស៊ូប្រៀបធៀបព្រះរាជ្យរបស់ព្រះជាម្ចាស់ដូចជាអួនមួយ ដែលមានត្រីច្រើន គឺត្រីល្អ និងត្រីមិនសូវល្អ ហើយគេទុកត្រីល្អ និងគេចោលត្រីមិនសូវល្អ។  ការ​ប្រៀបធៀប​នេះ ដូចអវសានកាលនៃពិភពលោក គឺព្រះយេស៊ូនឹងយាងមក ព្រះអង្គនឹងវិនិច្ឆ័យទោសមនុស្សលោកដោយទុកមនុស្សសុចរិត និងចោលមនុស្សទុច្ចរិត ប៉ុន្តែតាមពិតយើងត្រូវតែទទួលស្គាល់ថា នៅក្នុងជីវិតរបស់យើងមានទាំងល្អ ទាំងអាក្រក់។ ពេលខ្លះ យើងជាមនុស្សសុចរិត និងពេលខ្លះយើងជាមនុស្សទុច្ចរិត ពេលខ្លះ យើងធ្វើតាមព្រះហឫទ័យរបស់ព្រះជាម្ចាស់ និងពេលខ្លះយើងមិនធ្វើតាម។ ប្រសិនបើយើងរិះគិត​ពិចារណាមើលអត្ថបទទីមួយ គឺព្រះជាម្ចាស់ប្រៀបធៀបជនជាតិអ៊ីស្រាអែលដូចជាទូរមួយ ហើយព្រះអង្គដូចជាជាងដែលធ្វើ​ទូរនេះ។  ព្រះជាម្ចាស់ណែនាំជនជាតិអ៊ីស្រាអែល ដូច្នេះនៅក្នុងអត្ថបទដំណឹងល្អ ជាឱកាសដើម្បីរិះគិតពិចារណាអំពីជីវិតរបស់យើង។

តើយើងណែនាំជីវិតរបស់យើងយ៉ាងដូចម្តេច?

ប្រហែលជាយើងត្រូវតែរិះគិតពិចារណា ឬចំណាយពេលវេលា ដើម្បីឱ្យមាន​សណ្តាប់ធ្នាប់​នៅក្នុងជីវិតរបស់យើង ដើម្បីឱ្យយើងមានរបៀបរៀបរាយ​ធ្វើតាមព្រះហឫទ័យរបស់ព្រះជាម្ចាស់ ហើយនឹងទុកតែអ្វីដែលល្អ និងចោលនូវអ្វីដែលមិនសមនឹងឋានៈរបស់​យើងដែលជាបុត្រធីតា​របស់ព្រះជាម្ចាស់។ ប្រសិនជាយើងស្តាប់ព្រះបន្ទូលពីមួយថ្ងៃទៅមួយថ្ងៃ ព្រះជាម្ចាស់ពិតជាណែនាំយើង។ ប្រសិនបើយើងព្យាយាមធ្វើតាមព្រះហឫទ័យរបស់ព្រះជាម្ចាស់ព្រះជាម្ចាស់ប្រោសយើងឱ្យបានវិសុទ្ធ យើងទៅជាមនុស្សល្អបន្តិចម្តងៗ។

ដូច្នេះប្រហែលជាយើងត្រូវតែចំណាយពេលវេលារិះគិតពិចារណាព្យាយាមកែខ្លួន ជាពិសេសយើងទុកឱ្យព្រះជាម្ចាស់ណែនាំយើង គឺជាព្រះជាម្ចាស់ប្រៀបដូចជាជាងស្មូន ដែលណែនាំឱ្យយើងទៅជាចានល្អ ដោយឱ្យយើងទៅជាបុត្រធីតារបស់ព្រះជាម្ចាស់ពិតប្រាកដមែន។ អាម៉ែន៕