អត្ថាធិប្បាយគម្ពីរដំណឹងល្អថ្ងៃទី០១ ខែកញ្ញាឆ្នាំ២០២៣ តាមម៉ាថាយ ១,១-១៦.១៨-២៣អត្ថាធិប្បាយដោយលោកបូជាចារ្យផាន បូរី
នៅក្នុងអត្ថបទព្រះគម្ពីរដំណឹងល្អក្នុងថ្ងៃនេះ ជាអត្ថបទមួយរៀបរាប់រ៉ាយរ៉ាប់អំពីកំណើតរបស់ព្រះយេស៊ូដែលព្រះជាម្ចាស់បានជ្រើសរើសនាងម៉ារីឱ្យក្លាយទៅជា ព្រះមាតារបស់ព្រះយេស៊ូ។ យើងដឹងហើយថាព្រះជាម្ចាស់ត្រាស់ហៅនាងម៉ារីជាពិសេសដោយសារនាងម៉ារីជាស្រ្តីក្រមុំម្នាក់ ជាស្ត្រីសុភាពរាបសារពេញលក្ខណៈជានារីហើយនាងម៉ារីទៀតសោតបានឆ្លើយទៅព្រះជាម្ចាស់។ នាងម៉ារីហាក់ដូចជាភ័យដែរប៉ុន្តែនាងម៉ារីសុខចិត្តធ្វើតាមព្រះបន្ទូលរបស់ព្រះជាម្ចាស់ សុខចិត្តស្ដាប់នឹងធ្វើតាមព្រះបន្ទូលរបស់ព្រះអង្គហើយនេះអត្ថបទព្រះគម្ពីរដំណឹងល្អក្នុងថ្ងៃនេះយើងឃើញថា នាងម៉ារីសុខចិត្ត ប៉ុន្តែនាងម៉ារីមានគូរដណ្ដឹងម្នាក់ឈ្មោះយ៉ូសែបហើយនេះព្រះជាម្ចាស់ប្រោសប្រទានឱ្យនាងម៉ារីមានផ្ទៃពោះ ក៍ប៉ុន្តែលោកយ៉ូសែបដូចមិនចង់ទទួលនាងម៉ារីធ្វើជាភរិយាឡើយដោយសារនាងម៉ារីមានផ្ទៃពោះហើយ ប៉ុន្តែដោយសារព្រះវិញ្ញាណដ៍វិសុទ្ធបានបំភ្លឺលោកយ៉ូសែបហើយលោកយ៉ូសែបព្រមយកនាងម៉ារីធ្វើជាភរិយា។ នាងនឹងសម្រាលបានបុត្រមួយហើយលោកត្រូវថ្វាយព្រះនាមថាយេស៊ូ បុត្រមនុស្សនោះនឹងសង្គ្រោះប្រជារាស្ត្រព្រះអង្គរួចពីបាបរបស់គេ ហើយនេះមានន័យថាគម្រោងការណ៍របស់ព្រះជាម្ចាស់បានជ្រើសរើសស្ត្រីម្នាក់ គម្រោងការណ៍របស់ព្រះជាម្ចាស់បានជ្រើសរើសបុរសម្នាក់ដើម្បីក្លាយទៅជាឪពុកនិងម្ដាយរបស់ព្រះយេស៊ូ ដែលយើងហៅថាក្រុមគ្រួសារដ៍វិសុទ្ធ។ ក្នុងអត្ថបទព្រះគម្ពីរគេបានសរសេរទៀតថា មើលស្ត្រីព្រហ្មចារីនឹងមានផ្ទៃពោះហើយសម្រាលបានបុត្រមួយដែលគេនាងថ្វាយព្រះនាមថា អេម៉ាណូអែល ពាក្យថា អេម់ាណូអែល មានន័យថា ព្រះជាម្ចាស់គង់នៅជាមួយ។
បងប្អូនជាទីស្រលាញ់ បងប្អូនជាទីគោរពរាប់អាន ព្រះជាម្ចាស់បានឡគង់នៅជាមួយបងប្អូន ព្រះជាម្ចាស់បានប្រទានព្រះវិញ្ញាណដ៍វិសុទ្ធ ប្រទានកម្លាំង សេចក្ដីសង្ឃឹម អំណរសប្បាយឱ្យយើងម្នាក់ទោះបីមានពេលខ្លះយើងជួបទុក្ខលំបាក ពេលខ្លះយើងឈឺពេលខ្លះយើងកើតទុក្ខព្រួយ ពេលខ្លះយើងមានម្ហូបអាហារ ពេលខ្លះយើងអត់មានម្ហូបអាហារ ពេលខ្លះយើងមានការងារធ្វើ ពេលខ្លះយើងអត់មានការងារធ្វើ នៅក្នុងពេលនោះព្រះជាម្ចាស់គង់នៅជាមួយយើង ទាំងយើងមានអំណរសប្បាយ ទាំងយើងមានទុក្ខព្រួយ។ កុំឱ្យយើងភ័យខ្លាចដូចនាងម៉ារី ប៉ុន្តែនាងម៉ារីអត់បានភ័យខ្លាចទេ នាងម៉ារីសុខចិត្តស្ដាប់ ម៉ារីសុខចិត្តធ្វើតាម។
បងប្អូនជាទីស្រលាញ់បងប្អូនជាទីគោរពរាប់អាន យុវជន យុវនារី ចូរឱ្យយើងចេះបើកដួងចិត្តរបស់យើងដើម្បីឆ្លើយតបទៅព្រះជាម្ចាស់ដែលត្រាស់ហៅយើងម្នាក់ៗ ព្រះអង្គបានស្គាល់ឈ្មោះរបស់យើង ឈ្មោះក ឈ្មោះខ ឈ្មោះគ ឈ្មោះឃ ព្រះអង្គបានត្រាស់ហៅយើងឱ្យជាតួអង្គមួយដ៍សំខាន់នៅក្នុងសង្គមរបស់ នឹងនៅក្នុងព្រះសហគមន៍របស់យើងឱ្យយើងក្លាយទៅជាអំបិលដ៍មានរសជាតិប្រៃនៅក្នុងសង្គមរបស់យើង ឱ្យយើងក្លាយទៅជាពន្លឺដើម្បីបំភ្លឺសេចក្ដីងងឹតនៅក្នុងសង្គមរបស់យើង មិនតែប៉ុណ្ណោះយើងក្លាយទៅជាអំបិលនៅក្នុងក្រុមគ្រួសាររបស់យើង ដើម្បីឱ្យក្រុមគ្រួសាររបស់យើងមានកម្លាំង មានអំណរសប្បាយដោយសារព្រះវិញ្ញាណដ៍វិសុទ្ធដែលព្រះអង្គជួយការពារ ដែលព្រះអង្គជួយផ្ដល់សេចក្ដីសង្ឃឹម នឹងព្រះអង្គជួយផ្ដល់អំណរសប្បាយឱ្យកប់ជ្រៅនៅក្នុងជីវិតរបស់យើងជាគ្រីស្តបរិស័ទ ហេតុនេះចូរឱ្យស្ដាប់ ស្ដាប់ហើយរិះគិតពិចារណា ពិចារណាហើយធ្វើតាមដូចនាងម៉ារីដែលសុខចិត្តនិយាយថាខ្ញុំជាអ្នកបម្រើរបស់ព្រះអម្ចាស់ សូមឱ្យសម្រេចបានតាមព្រះហឬទ័យរបស់ព្រះអង្គផងចុះ ហេតុនេះហើយនៅពេលនោះមានអេម៉ាណូអែលដែលព្រះជាម្ចាស់គង់នៅជាមួយយើង គ្រប់ពេលវេលា គ្រប់វិនាទី គ្រប់អំណរសប្បាយ នឹងគ្រប់ទុក្ខលំបាករបស់យើង។ «អេម៉ាណូអែល ព្រះជាម្ចាស់គង់ជាមួយអ្នក» អាម៉ែន៕
Daily Program
