ថ្ងៃទី0២ ខែមករាឆ្នាំ២០២៥ អត្ថាធិប្បាយគម្ពីរយ៉ូហាន១,១៩-២៨ បកស្រាយដោយ៖ លោកបូជាចារ្យ ហ្វ្រង់ស័រ អេមេល្សដាល
បងប្អូនប្រហែលជាបងប្អូនឆ្ងល់ក្រោយពេលអានអត្ថបទដំណឹងល្អនៅថ្ងៃនេះ ដោយសារនិយាយអំពីលោកយ៉ូហានបាទីស្តមិននិយាយអំពីព្រះយេស៊ូដែលទើបតែប្រសូត្រ។ យើងទើបប្រារព្ធពិធីបុណ្យណូអែលស្រាប់តែដល់រឿងលោកយ៉ូហានបាទីស្តនឹងបង្ហាញឱ្យក្រុមសាវ័កឃើញព្រះយេស៊ូ និងក្រុមសាវ័កដើរតាមព្រះអង្គ! តាមពិតព្រះសហគមន៍សុំឱ្យយើងរិះគិតអំពីព្រះយេស៊ូមិនមែននៅក្នុងឋានៈជាទារកដែលទើបតែ នឹងកើត! តែក្នុងឋានៈជាអ្នកប្រកាសដំណឹងល្អ ព្រោះព្រះយេស៊ូយាងមកដើម្បីប្រកាសដំណឹងល្អ។
ទោះបីយើងមិនសូវស្គាល់ពីកុមារភាពរបស់ព្រះយេស៊ូប៉ុន្តែមិនសំខាន់ទេ ព្រោះព្រះយេស៊ូជាអ្នកប្រកាសដំណឹងល្អ! ដើម្បីយល់ច្បាស់អំពីព្រះយេស៊ូ! យើងត្រូវរិះគិតអំពីលោកយ៉ូហានបាទីស្តជាអ្នកដែលទទួលស្គាល់ថា លោកយេស៊ូជាព្រះគ្រីស្ត ជាព្រះមេស្ស៊ី។ ពេលលោកយ៉ូហានកំពុងតែជ្រមុជទឹកឲ្យជនជាតិអ៊ីស្រាអែលដែលចង់កែប្រែចិត្តគំនិតមុននឹងព្រះមេស្ស៊ីនឹងយាងមក! យើងឃើញនៅក្នុងអត្ថបទថ្ងៃនេះមេដឹកនាំសាសនាគេសួរលោកយ៉ូហានគឺជានរណា? តើគាត់ជ្រមុជទឹកឱ្យជនជាតិអ៊ីស្រាអែលក្នុងនាមនរណា? ហើយគាត់មានអំណាចមកពីណា? តើលោកជាព្រះគ្រីស្ត?
លោកយ៉ូហានថាលោកមិនមែនជាព្រះគ្រីស្តទេ! គឺម្នាក់ផ្សេងទៀត! ចម្លើយរបស់លោកយ៉ូហានសំដៅលើព្រះយេស៊ូ។ លោកយ៉ូហាននិយាយថាលោកជាសម្លេងលាន់ឮនៅវាលរហោស្ថានដើម្បីរៀបចំទុកជាមុខសម្រាប់ព្រះជាម្ចាស់ដែលកំពុងយាងមក។ សម្រាប់យើងនៅថ្ងៃនេះយើងមានបានគិតទេថា តើយើងជានរណា? យើងជានរណាមិនសំខាន់ទេ! សំខាន់យើងជាសាវ័ករបស់ព្រះយេស៊ូ យើងជាអ្នកប្រកាសដំណឹងល្អអំពីព្រះយេស៊ូ។ ដូច្នេះជីវិតរបស់យើងមានព្រះយេស៊ូជាស្នូលជាអ្វីដែលសំខាន់ជាងគេ៕ អាមែន
Daily Program
