ថ្ងៃទី២៥ ខែមករា ឆ្នាំ២០២៥ អត្ថបទគម្ពីរ៖ ម៉ាកុស ១៦,១៥-១៨អត្ថាធិប្បាយគម្ពីរដោយ៖ លោកបូជាចារ្យ អ៊ុន សុន

ដំណឹងល្អថ្ងៃនេះ! ព្រះយេស៊ូចាត់សាវ័កទាំងអស់ឱ្យទៅប្រកាសដំណឹងល្អទូទាំងពិភពលោកដល់មនុស្ស​គ្រប់ជាតិសាសន៍ និងធ្វើពិធីជ្រមុជទឹក​។ រៀង​រាល់ឆ្នាំនៅថ្ងៃទី២៥ គឺជាថ្ងៃ​ដែល​ព្រះសហគមន៍​គោរពសន្ត​ប៉ូល​កែប្រែចិត្តគំនិត។ ពេញសប្តាហ៍ដែលព្រះសហគមន៍យើងបានមានទំនាក់គ្នា និងគ្នាជាមួយបងប្អូន​គ្រីស្តបរិស័ទដែលនិកាយផ្សេងៗគ្នា។ នេះជាសេចក្តីមួយល្អ! ​តាមរយៈ​សន្តប៉ូល ​ឱ្យ​យើង​សុំ​អង្វ​រព្រះជា​ម្ចាស់​​ដើម្បី​ឱ្យព្រះសហគមន៍យើងទាំងមូល និងគ្រីស្តបរិស័ទរួបរួម​គ្នាជាធ្លុង​តែមួយ។

ពីមុនលោ​កប៉ូលនិងបងប្អូនរបស់លោកម្នាក់ទៀតមានតួនាទីជាគ្រូ គឺជាអ្នកដែល​យកចិត្ត​ទុ​ក​ដាក់​គោរព​ប្រពៃ​ណី​សា​ស​នា​​យូដាយ៉ាងភ្ជាប់ភ្ជួន និងជាអ្នកប្រឆាំងនឹងព្រះយេស៊ូផងដែរ។ ហេតុផល​ដែល​សន្ត​ប៉ូល​បា​នកែប្រែចិត្តគំនិត នៅពេលដែលគាត់បានជួប​ព្រះយេស៊ូពេលធ្វើ​ដំណើរទៅភូមិ​ដាម៉ាស! ពេល​ធ្លាក់ពី​លើ​ខ្នង​សេះ​ ក៏មានសម្លេងមួយប្រាប់ថា សល់ៗ ហេតុដូចម្តេចបានជាអ្នកធ្វើបាបខ្ញុំ​! ចាប់ពីពេល​នោះ​លោកសល់បានភ្ញាក់រំលឹកហើយបានប្រកាសជំនឿ និងកែប្រែចិត្តគំនិត។

សេចក្តីនេះសឱ្យឃើញថា ការដែលលោកសល់មាន និងប្រៀបធៀបនឹងការជួបជាមួយព្រះយេស៊ូដែល​ព្រះអង្គ​មករក​គាត់ ទោះបីគាត់​ជាសត្រូវជាមួយព្រះអង្គក៏ដោយក៏ព្រះយេស៊ូបានត្រាស់ហៅគាត់ និង​បាន​ជ្រើសរើសគាត់​ធ្វើ​ជាអ្នកប្រកាសដំណឹងល្អ។ ដូច្នេះលោកប៉ូលបានយកចិត្តទុកដាក់​ប្រកាស​ដំណឹង​ល្អ​ដល់​គ្រប់​​ទីក​ន្លែង នេះជាគំរូមួយដ៏ល្អសម្រាប់យើងទាំងអស់គ្នា។

បាទ! បងប្អូនជាទីស្រឡាញ់ នៅថ្ងៃដែលព្រះសហគមន៍​គោរពសន្តប៉ូលជាគ្រីស្តទូតបានកែប្រែចិត្តគំនិត លោកប៉ូលបានធ្វើការយ៉ាងសស្រាក់ស​ស្រាំ​ដើម្បីប្រកាសដំណឹង​ល្អ​ទៅគ្រប់ទីកន្លែង ដើម្បីឱ្យ​មនុស្ស​លោក​ឃើញថា ព្រះយេស៊ូដែលមានព្រះជន្មថ្មីដ៏​រុរងរឿង​នោះពិ​តជាមករកយើង ពិតជា​ត្រាស់ហៅ​យើង​ដូច​សន្ត​ប៉ូល​ ទោះ​បីយើងជាមនុស្សទន់ខ្សោយបានប្រព្រឹត្តអំពើបាបយ៉ាងណាក៏ដោយ ប៉ុន្តែ​​គ្រោងការណ៍​របស់ព្រះជាម្ចាស់គឺមនុស្សគ្រប់រូមមានតម្លៃ មនុស្សគ្រប់រូបមាន​ឱកាសដើម្បី​កែ​ប្រែចិ​ត្តគំនិត នឹង​មាន​ឱកាស​ដើម្បីប្រកាសដំណឹងល្អ​ដល់មនុស្ស្រគ្រប់ជាតិសាសន៍ថា យើងមានព្រះ​នៃ​សេចក្តីស្រឡាញ់។

តាមរយៈសន្តប៉ូលនៅថ្ងៃដែលលោកកែប្រែចិត្តគំនិត​និងជឿលើដំណឹងល្អនេះ! សូម​ឱ្យ​យើង​ទាំង​អស់​គ្នា​យកគំរូតាមសន្តប៉ូលធ្វើជាសាក្សីអំពីព្រះគ្រីស្តដែលមានព្រះជន្មថ្មីដ៏រុងរឿង។ អាម៉ែន៕