ថ្ងៃទី២៥ ខែកុម្ភៈ ឆ្នាំ២០២៥ អត្ថបទគម្ពីរ (ម៉ាកុស ៩,៣០-៣៧)អត្ថាធិប្បាយគម្ពីរដោយ៖ លោកបូជាចារ្យ រឿង ឆ័ត្រសិរី

ព្រះបន្ទូលថ្ងៃនេះ នាំឱ្យយើងរិះគិតអំពីរបៀបដែលព្រះយេស៊ូណែនាំក្រុមសាវ័កឱ្យមានចិត្តសុភាពរាបសារ ចិត្ត​ស្លូតបូតដែលពួកគាត់កំពុងតែរវីរវល់ជជែកគ្នាថា តើអ្នកណាធំជាងនៅក្នុងចំណោមសាវ័កដប់ពីរនាក់? ពេលព្រះយេស៊ូឃើញ​ក្រុមសាវ័កព្យាយាមវែកញ៉ែកគ្នាថាខ្លួនសាកសមជាអ្នកធំ ឬ​កាន់​តំណែង​ខ្ពស់​តាម​របៀប​លោកិយ៍។ ព្រះយេស៊ូក៏បានយករឿងកូនក្មេងដែលមានចិត្តស្មោះនិងជ្រះថ្លា និយាយ​ទៅកាន់សាវ័ក ឲ្យ​រៀន​ពីរបៀប​កូនក្មេង គឺ “ភាពបរិសុទ្ធ ភាពសាមញ្ញ និងការដាក់ខ្លួន”មានន័យថាត្រូវមានចិត្ត ទៀងត្រង់ មិនពុតត្បត់ សប្បាយចិត្តនឹងអ្វីដែលខ្លួន គ្មានភាពច្រណែននិន្ទា មិនលោភលន់ គិតប្រយោជន៍រួម នឹង ចេះដាក់ខ្លួនបម្រើអ្នកដទៃ ដោយមិនរើសអើងគ្នា។  

ជាការពិត! បុគ្គលម្នាក់ៗរមែងមានភាពវាងវៃខុសៗគ្នា ប៉ុន្តែយើងមិនគួរនិយាយថា អ្នកនេះឆ្លាតជាង ឬ​អ្នក​នោះទន់​ខ្សោយទេ ត្បិតយើងជាបងប្អូនគ្នា ត្រូវមានចិត្តសណ្តោះមេត្តា នឹងយកអាសារគ្នា! ដូច្នេះ​សូម​ឲ្យ​​​​ក្នុ​ងឆ្នាំ​នៃ​សេចក្តី​សង្ឃឹមនេះជា​ពេល​ដែលបង​ប្អូនរួមធ្វើដំណើរជា​មួយគ្នា ​ បើយើងមានសមត្ថភាព ​មាន​លទ្ធភាពដើម្បីជួយបងប្អូន ជួយព្រះសហគមន៍ សូមជួយឱ្យសង្គមរបស់យើងដែលកំពុងតែរស់​នៅនេះ​បាន​រីក​ចម្រើនឡើង ពិសេសរីកចម្រើនឡើងខាងជំនឿ នោះបងប្អូនកំពុងធ្វើតាមព្រះបន្ទូលនេះហើយ!។

ប្រហែលគ្រប់គ្នាដឹង! ថាព្រះសហកគមន៍របស់យើងកំពុងតែខ្វះខាតមនុស្សដែលបម្រើ​ព្រះអង្គ​តិច ហើយ​មនុស្សដែលមានចិត្តស្លូតបូតក៏មានតិចដែរ មានន័យថាយើង​ត្រូវការបង្ហាញព្រះបន្ទូល​របស់​ព្រះជា​ម្ចាស់!​ថ្ងៃនេះ! សម្រាប់អ្នកដទៃ ដោយមិនគ្រាន់តែនិយាយ! តែយើងព្យាយាមអនុវត្តន៍ការបម្រើ ការជួយ​អ្នក​ដទៃ​សម្រាប់បងប្អូនក្នុងព្រះសហគមន៍ ទោះកិច្ចការនោះធំ ឬតូចក្តី នៅក្នុងព្រះសហគមន៍មានកិច្ចការជាច្រើន​ដែ​ល​យើង​អាចធ្វើបា​ន ហេតុនេះសុំបង​ប្អូនធ្វើទៅ! ដោយសារនេះជាចិត្តរបស់អ្នកដែលដាក់ខ្លួនដើម្បី​បម្រើ​ព្រះអម្ចាស់​យេស៊ូគ្រីស្ត៕ អាមែន