ថ្ងៃទី០៦ ខែកុម្ភៈឆ្នាំ ២០២៥អត្ថបទគម្ពីរ៖ ម៉ាកុស ៦,៧-១៣អត្ថាធិប្បាយគម្ពីរដោយ៖ លោកបូជាចារ្យ ហ្វ្រង់ស័រ អេមេល្សដាល

នៅថ្ងៃនេះព្រះយេស៊ូចាត់សាវ័កទាំងដប់ពីរឱ្យទៅប្រកាសដំណឹងល្អ ព្រះអង្គប្រៀបដូចជាគ្រូ​បង្ហាត់ និងបា​ន​ចាត់ឲ្យក្រុមសាវ័កដកពិសោធន៍ តាមរយៈការប្រកាសដំណឹងល្អរបស់ព្រះជាម្ចាស់។​ ​ដូចពេល​ខ្ញុំនៅទេ​វ​វិទ្យា​ល័យខ្ញុំធ្លាប់រស់នៅក្នុង​ព្រះសហគមន៍ដើម្បីវឹកហាត់សកម្មភាពភាពខ្លួន​​។

កាលនោះខ្ញុំក៏បានសួរខ្លួនថា តើខ្ញុំចង់ធ្វើជាបូជាចារ្យ​ពិត​ប្រាកដមែនឬទេ? ដើម្បីជួយដល់ការរិះគិ​ត​ពិចារណា​អំពី​អនាគតរបស់យើង ព្រះសហគមន៍ជួយណែនាំ​គ្រីស្តបរិស័ទ​ឱ្យសាកល្បង កុំឱ្យសម្រេច​ចិត្ត​លឿនពេកគឺសំដៅលើអស់​អ្នកដែលចង់​ធ្វើជា​គ្រីស្តបរិស័ទ​គេត្រូ​វតែធ្វើជំហានទីមួយសិន ដើម្បីមើលឃើញសកម្មភាពព្រះសហគមន៍។

អ្វីដែលខ្ញុំចង់និយាយនោះ គឺអត្ថបទនេះព្រះយេស៊ូដូចជាជួយយើងនៅក្នុងការប្រកាសដំណឹងល្អ និង​បង្រៀ​ន​ក្រុមសាវ័ក ព្រះយេស៊ូ​លើកទឹកចិត្តឱ្យយើងត្រៀម​ទុកជា​មុនកុំឱ្យយើងសម្រេចចិត្តលឿនពេក ជៀ​សវាងស្តាយក្រោយ។

ព្រះយេស៊ូផ្តែផ្តាំក្រុមសាវ័កកុំឱ្យយករបស់ទៅជាមួយគេត្រូវតែពឹងលើធម៌មេត្តាករុណា និងព្រះហឫទ័យ​ប្រណីសន្តោស។ ជីវិតរបស់យើងក៏ចឹងដែរ ពេលយើងបានសម្រេចចិត្តហើយគឺយើងទៅមុខ ទៅ​មុខ​ដោយ​យក​ព្រះជាម្ចាស់ជាទីពឹងពេលនោះប្រហែលជាយើងទទួលសុភមង្គលនៅក្នុងលោកនេះ៕