ឆ្លើយតបទៅនឹងសំណួររបស់អ្នកសារព័ត៌មាន លោកកាឌីណាល់ ព្យែត្រូ ផារ៉ូលីន នាយករដ្ឋមន្រ្តីបុរីវ៉ាទីកង់បានបង្ហាញពីក្តីបារម្ភជុំវិញការកើនឡើងកំដៅបន្ថែមទៀតនៅក្នុងសង្រ្គាមរវាងរុស្ស៊ី និងអ៊ុយក្រែន ហើយបញ្ជាក់ថា សន្តអាសនៈកំពុងបន្តកិច្ចខិតខំប្រឹងប្រែងផ្នែកមនុស្សធម៌ និងការទូត ជាពិសេសដោះលែងកុមារអ៊ុយក្រែនដែលត្រូវបានឃុំខ្លួនដោយខុសច្បាប់នៅក្នុងប្រទេសរុស្ស៊ី។
