២០២៥ ឆ្នាំនៃសេចក្តីសង្ឃឹម និងភាតរភាព

នៅពេលដែលព្រះអាទិត្យរះសម្រាប់ថ្ងៃទី១ ខែមករា នៃឆ្នាំ ២០២៥ សូមបងប្អូនជនរួមជាតិកម្ពុជាទូទាំង ជួបជុំគ្នាដើម្បីអបអរឆ្នាំថ្មីដែលពោរពេញទៅដោយក្តីសង្ឃឹម ភាពធន់ និងឯកភាពជាតិដើម្បីបន្តជ្រោ​មជ្រែងដំណើរអភិវឌ្ឈន៍នៃកម្ពុជាបន្តថែមទៀត។

ឆ្នាំមុនគឺជាដំណើរមួយដែលសម្គាល់ដោយបញ្ហាប្រឈមជាច្រើន និងជ័យជំនះក៏មិនតិច ដែលរំឭកយើងអំពីស្មារតីយូរអង្វែងរបស់ប្រជាជនយើងនៅក្នុងការរួមសាមគ្គីគ្នា និងរិតចំណងភាតរភាពហើយអាចបន្តសកម្មភាពសង្គមប្រកបដោយមោទនភាព។

សូមឲ្យថ្ងៃនេះ គឺជាពេលវេលាសម្រាប់ការឆ្លុះបញ្ចាំងពីការខិតខំនិងការប្តេជ្ញាចិត្តនៅក្នុងការបំពេញការងារប្រកបដោយការទទួលខុសត្រូវ នៅក្នុងនាមជាសមាជិកនៃសង្គមមួយ ដែលកំពុងតែរស់នៅក្នុងចរន្តនៃសា​កលភាវូបនីយកម្ម។

អ្វីៗដែលយើងបានឆ្លងកាត់កាលពីឆ្នាំ ២០២៤កន្លងទៅ បាននាំមកនូវចំណែកនៃការសាកល្បងរបស់យើងទាំងអស់គ្នានៅក្នុងការកសាងភាពធន់ និង បង្ហាញពីភាពរឹងមាំ នៅក្នុងសហគមន៍របស់យើងនៅក្នុងការពុះពារឧបសគ្គនានា​ហើយដឹកដៃគ្នាឆ្លងកាត់បញ្ហាទៅមុខដោយរលូន។​

ពីមួយថ្ងៃទៅមួយថ្ងៃ ពីសប្តាហ៍ទៅមួយសប្តាហ៍ ហើយពីមួយខែទៅមួយខែរហូតដល់ពីមួយឆ្នាំទៅមួយឆ្នាំ សង្គមកម្ពុជាបានបន្តវឌ្ឈនភាពជាបន្តបន្ទាប់ប្រកបដោយការច្នៃប្រឌិតបានធ្វើឲ្យសង្គមរបស់យើងកាន់តែមានភាពធន់និងបានកំពុងតែបន្តនិរន្តភាពនិងចលករសង្គមឲ្យធ្វើដំណើរទៅមុខដោយរលូន​។

អាស្រ័យហេតុនេះនៅពេលយើងឈានជើងចូលឆ្នាំ ២០២៥ សូម អនុញ្ញាតឱ្យយើងបន្តមេរៀនដែលយើងបានរៀននិងបទពិសោធន៍ដែលយើងបានជួប ដោយឈររួបរួមក្នុងការប្រឈមមុខនឹងភាពមិនអនុគ្រោះ និងសុទិដ្ឋិនិយមចំពោះលទ្ធភាពដែលនឹងត្រូវប្រឈមនៅពេលខាងមុខ។

នៅឆ្នាំនេះ ប្រទេសកម្ពុជាបន្តបញ្ចេញពន្លឺនៅលើឆាកពិភពលោក ដោយបង្ហាញពីប្រវត្តិសាស្រ្តដ៏សម្បូរបែប និងវប្បធម៌ដ៏រស់រវើករបស់យើង។ ប្រាសាទអង្គរវត្តដ៏គួរឱ្យស្ញប់ស្ញែងនៅតែជាសក្ខីភាពមួយចំពោះភាពប៉ិនប្រសប់របស់បុព្វបុរសរបស់យើង ដែលទាក់ទាញភ្ញៀវមកពីជុំវិញពិភពលោក និងរំលឹកយើងពីការទទួលខុសត្រូវរបស់យើងក្នុងការថែរក្សាបេតិកភណ្ឌរបស់យើង។ ទន្ទឹមនឹងនោះ យុវជនជំនាន់ក្រោយរបស់យើងនាំមកនូវថាមពល និងគំនិតថ្មីៗ ដែលបង្ហាញថាអនាគតរបស់ប្រទេសកម្ពុជាគឺភ្លឺស្វាងដូចរឿងអតីតកាល។

នៅក្នុងឆ្នាំ២០២៥ នេះ សូមបន្តខិតខំបំពេញការងារនិង លើកកម្ពស់ភាពសុខដុមរមនា ផ្តល់អាទិភាពដល់ការអប់រំ និងទទួលយកការអនុវត្តប្រកបដោយនិរន្តរភាព ដែលធានានូវភាពរុងរឿងសម្រាប់មនុស្សជំនាន់ក្រោយ។ សូមឲ្យឆ្នាំនេះជាកន្លែងដែលយើងពង្រឹងទំនាក់ទំនងរបស់យើង ទាំងនៅក្នុងព្រំដែនរបស់យើង និងលើសពីនេះ ហើយធ្វើការរួមគ្នាឆ្ពោះទៅរកប្រទេសកម្ពុជាដែលរីកចម្រើនលើគ្រប់ទិដ្ឋភាពនៃជីវិត៕