អាកាសធាតុក្តៅដូចសព្វថ្ងៃ សូមប្រុងប្រយ័ត្នសុខភាពផង!
![](/sites/default/files/styles/max_width_770px/public/2024-03/vicaarnnkthaa_4.jpg?itok=oLUC4grC)
អាកាសធាតុនៅពេលបច្ចុប្បន្ននេះក្តៅខ្លាំង ដូច្នេះសូមលើកកំពស់ការប្រុងប្រយ័ត្ននិងយកចិត្តទុកដាក់ខ្ពស់លើសុខភាពជាពិសេសគឺសុខភាពមនុស្សដែលមានវ័យចំណាសនិងទារក ដោយសារតែពួកគេជាក្រុមមនុស្សប្រឈមហើយចាញ់អាកាសធាតុ។
អាកាសធាតុនៅកម្ពុជាយើង គឺមិនទាន់លើសពី ៣៧អង្សាសេនៅឡើយទេ ប៉ុន្តែវាអាចនឹងលើស ហើយនៅពេលដែលលើសគឺកាន់តែគ្រោះថ្នាក់ដូច្នេះការប្រុងប្រយ័ត្នគឺត្រូវតែបង្កើន ខណៈដែលមកដល់ពេលនេះកម្ពុជានៅមិនទាន់មានភ្លៀងកក់ខែនៅឡើយ។
នៅពេលដែលអាកាសធាតុក្តៅ សុខភាពមនុស្សមិនស្រួលនោះទេ ហើយបញ្ហាសំខាន់ដែលអាចកើតមានឡើងនោះគឺអ្នកដែលមានបញ្ហាបេះដូង អាចប្រឈមមុខនឹងបញ្ហាឡើងសំពាធឈាម ឬគ្រប់គ្រងសំពាធឈាមមិនបានល្អ។
ក្រៅពីនោះនៅក្នុងអាកាសធាតុក្តៅមនុស្សដែលវាវ័យចំណាស់ ឬអ្នកដែលមានបញ្ហាសំពាធឈាមមិនល្អអាចមានបញ្ហាគ្រោះថ្នាក់ដល់ជីវិតឫក៏គ្រោះថ្នាក់ដល់ពិការដោយសារតែជំងឺដាច់សរសៃឈាមនៅក្បាល ដែលគេនិយមហៅថា ស្រ្តូក។
សម្រាប់កុមារនិងទារកវិញបញ្ហាប្រឈមមុខខ្លាំងគឺអាចបញ្ហាផ្លូវដង្ហើម ជំងឺរាគរូស និងបញ្ហាជំងឺគ្រុនផ្សេងៗ ដែលសុទ្ធតែគ្រោះថ្នាក់។
នៅក្នុងស្ថានភាពបែបនេះ អាការៈគ្រោះថ្នាក់ដែលយើងអាចចម្គាល់បានគឺការឧស្សាហ៍កើតអាការៈរមូលក្រពើ អាការៈស្រវំាងភ្លែក ហត់ ដង្ហក់ ជាដើម ហើយនៅក្នុងករណីមានអការៈបែបនេះ សូមប្រញាប់បំពេញជាតិទឹកនៅក្នុងខ្លូន ដើម្បីធ្វើយ៉ាងណាឲ្យទឹកជួយរក្សាជាតិទឹកសមាមាត្រនឹងសំពាធកំដៅនៅពិភពខាងក្រៅ។
នៅក្នុងស្ថានភាពអាកាសធាតុបែបនេះសូមកុំទទួលទានអាហារដែលផ្អែមពេកឫប្រៃពេក ពីព្រោះថា រស់ជាតិផ្អែកនិងប្រៃពេកនេះគឺវាពិតជាប៉ះពាល់ខ្លាំងដល់សុខភាព ជាពិសេសគឺសំពាធឈាមនេះតែម្តង។
សូមកុំលេងសើចនឹងអាកាសធាតុបែបនេះ ! ដើម្បីបង្ការនិងកាត់បន្ថយនូវហានិភ័យណាមួយជាយថាហេតុចំពោះខ្លួនយើង សូមយកចិត្តទុកដាក់និងកំណត់ចំណាំអំពីបញ្ហាប្រឈមមុខនឹងសុខភាពរបស់យើងទាំងអស់គ្នា។ ការបង្ការនិងការយកចិត្តទុកដាក់មុនយើងអាចប្រយ័ត្ននិងអាចបញ្ចៀសបញ្ហបាន ពោលគឺបើឈឺតិចយើងអាចបញ្ជៀសបានមិនអោយឈឺ បើយើងឈឺធ្ងន់បញ្ចៀសបានមកស្រាល ហើយបើស្រាល គឺមកជាតែម្តង៕
Daily Program
![Livesteam thumbnail](/sites/default/files/inline-images/live-stream-thumb.jpg)