សមត្ថកិច្ចកម្ពុជាមិនអន់ទេ ! ឃាតកម្មកាលពី២ឆ្នាំមុននៅណាហ្គារត្រូវបានបំបែក

ជនសង្ស័យដែលជាប់ពីបទសង្ស័យថា បានសម្លាប់និងលួចទ្រព្យសម្បត្តិស្រ្តីម្នាក់នៅក្នុងបន្ទប់ទឹកនៃសណ្ឋាគារណាហ្គា១ កាលពី២ឆ្នាំមុនត្រូវបានសមត្ថកិច្ចវែកមុខនឹងនាំខ្លួនមកកាន់ផ្លូវច្បាប់ ក្រោយពេលដែលបានគេចខ្លួនទៅនៅតាមខេត្ត។

ករណីឃាតកម្មដែលបានកើត ក្នុងបន្ទប់ទឹកនៃសណ្ឋាគារណាហ្គា១គឺជាអំពីឧក្រិដ្ឋកម្មដ៏ស្មុគស្មាញមួយដែលបានកើតមានឡើងលើខ្លួនស្រ្តីម្នាក់ កាលពីឆ្នាំ២០២៣។

អគ្គស្នងការនគរបាលជាតិបានឲ្យដឹងថា ជនដៃដល់ត្រូវកម្លាំងនាយកដ្ឋាននគរបាលព្រហ្មទណ្ឌ ស្រាវជ្រាវបង្ក្រាបបានកំណត់អត្តសញ្ញាណថា ជនសង្ស័យ ភេទប្រុស អាយុ២៥ឆ្នាំ ជនជាតិខ្មែរ ស្នាក់នៅបន្ទប់ជួល ផ្លូវលេខ១៩៧៤ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។

ក្រោយពេលដែលធ្វើសកម្មភាពសមត្ថកិច្ចអះអាងថា ជនសង្ស័យដែលសមត្ថកិច្ចអះអាងថា ជាអ្នកប្រពឹត្តអំពើ ឃាតកម្ម និងលួចមានស្ថានទម្ងន់ទោសដោយសារការប្រព្រឹត្តិអំពើហិង្សាបណ្តាលឲ្យជនរងគ្រោះបាត់បង់ជីវិតនេះ បានគេចខ្លួនរហូត។

តាមការស្រាវជ្រាវជាបន្តបន្តាប់ ជនសង្ស័យនេះ ត្រូវបានចាប់ខ្លួនតាមដីការតុលាការនៅចំណុចភូមិព្រែកស៊ឹង សង្កាត់សំពៅពូន ស្រុកសំពៅពូន ខេត្តកណ្ដាល ហើយត្រូវបានសមត្ថកិច្ចបញ្ជូនមកកាន់នាយកដ្ឋាននគរបាលព្រហ្មទណ្ឌ ដើម្បីចាត់ការបន្ដតាមនីតិវិធី។

សូមបញ្ឈប់ ឬមានគំនិតប្រពឹត្តអំពើឧក្រិដ្ឋកម្មនានា ពីព្រោះនៅពេលនេះសមត្ថភាពរបស់សមត្ថកិច្ចជំនាញនៅកម្ពុជាមិនអន់ឡើយ។​

ករណីនេះមិនមែនជាករណីស្មុគស្មាញដំបូងដែលសមត្ថកិច្ចបំបែកសំណុំរឿងបាននោះទេ កន្លងមកក៏មានករណីឧក្រិដ្ឋកម្មជាច្រើនដែរដែលជនបង្ក ឬជនដៃដល់បានប្រពឹ្រត្តិបទឧក្រិដ្ឋហើយ ប៉ុន្តែបានប្រើប្រាស់ល្បិច គេចពីសមត្ថកិច្ច។ ការគេចខ្លួនជាមួយនឹងល្បិចកលផ្សេងៗគឺបានតែមួយរយៈនោះទេ ពីព្រោះក្រោមការស្រាវជ្រាវជាមួយនឹងសមត្ថភាពនិងជំនាញពិតប្រាកដគឺនៅតែបំបែកបាន ដូចជាករណីឃាតកម្មលើស្រ្តីនៅបន្ទប់ទឹកនេះ។

កន្លងមកក្រៅពីឧក្រិដ្ឋជនជាពលរដ្ឋខ្មែរ ឧក្រិដ្ឋជនបរទេសដែលសម្លាប់នារីម្នាក់យកទៅកប់ចោល ក៏សមត្ថកិច្ចនៅតែអាចស្រាវជ្រាវតាមតម្រុយដែលមាន រហូតដល់វែកមុខនិងចាត់វិធានការរកយុត្តិធម៌ជូនដល់ជនរងគ្រោះបាន។

សរុបទៅសូមកុំប្រពឹត្តអំពើឧក្រិដ្ឋកម្មនានាតាមគ្រប់រូបភាព។ ឧក្រិដ្ឋកម្មគឺជាអំពើខុសច្បាប់ ហើយតែពេលយើងប្រពឹត្តដឹងតែមានទោសកំហុសហើយ។ សូមកុំសាកល្បងអី ​ពីព្រោះសំណាញ់ច្បាប់ឥឡូវ គឺក្រាស់ ហើយអ្នកដែលប្រើប្រាស់សំណាញ់នេះ ក៏មានចំណេះនិងជំនាញពោលគឺសមត្ថភាពកាន់តែ រីកចំរើនផងដែរ៕