ការបំពុល សំឡេង មាន ដល់ ព្រៃភ្នំក្រមថ្មហើយ
សង្គមកម្ពុជាគួរតែនាំគ្នារិះគិតឡើងវិញបន្ថែមទៀតលើបញ្ហាបំពុលដោយសម្លេង ពីព្រោះនៅពេលនេះបញ្ហាបំពុលដោយសម្លេងនេះមិនមែនផ្ទុះកំណើននៅតែតាមទីក្រុងនោះទេ សូម្បីតែព្រៃភ្នំក្រមថ្មក៏កំពុងតែបំពុលឡើងវិលវល់ ។
ដោយសារតែឧបករណ៍បំពងសម្លេងកាន់តែងាយស្រួលរក តម្លៃកាន់តែធូថ្លៃ ហើយ មុខងារកាន់តែទាក់ទាញបានជំរុញឲ្យសង្គមកាន់តែនាំគ្នាប្រើប្រាស់វាកាន់តែទូលំទូលាយ ។ បញ្ហានេះ បានកំពុងតែបង្កការឈឺក្បាល និងទំនាស់បន្តិចៗនៅតាមទីក្រុង ហើយក្រៅពីទីក្រុងហើយនោះ នៅតាមព្រៃភ្នំក្រមថ្ម ជាពិសេសនៅតាមរមណីដ្ឋានានាក៏កំពុងតែបំពុលបញ្ហានេះផងដែរ ដូច្នេះយើងទាំងអស់គ្នាគួរតែរិះគិតលើបញ្ហានេះ។
ប្រសិនបើគ្មានការគិតគូត្រឹមត្រូវទេ ទំនាស់អំពីបញ្ហានេះនឹងកាន់តែអាក្រក់ហើយទំជោរ ហើយក៏នឹងអាចបណ្តាលអោយមានបញ្ហានៅក្នុងសង្គកានតែខ្លាំងក្លា។ ដោយសារតែធុញថប់ និង បញ្ហាកាសបែបនេះនៅទីក្រុង អ្នកខ្លះបានព្យាយាមរំដោះខ្លួនបែបនេះទៅកាន់ទីរមណីដ្ឋាននានា នៅឆ្ងាយពីទីក្រុង ប៉ុន្តែនៅពេលដែលទៅដល់ ពួកគេនៅតែជួបបញ្ហានេះដដែល។
នៅពេលនេះ អ្នកខ្លះមិនមែនប្រើប្រាស់ឧបករណ៍នេះដើម្បីតែកំសាន្តទេ គឺបែជាប្រើឧបករណ៍នេះដើម្បីបង្អួតសំញេញប្រកួតប្រជែងគ្នា ប៉ុន្តែអ្នកខ្លះមិនចូលចិត្តបរិយាកាសបែបនេះឡើយ ដូច្នេះសូមរិះគិត ហើយបន្ធូបន្ថយ ដោយគោរពសិទ្ធិគ្នា។
នៅទីក្រុងគួរតែប្រើប្រាស់សម្លេងនៅក្នុងកម្រិតសមរម្យកុំអោយឭពេក ហើយកំណត់ម៉ោងពេលច្បាស់លាស់ទុកពេលអោយអ្នកជិតខាងសម្រាក ហើយនៅតាមរមណីដ្ឋានក៏ដូចគ្នា ដោយរមណីដ្ឋាននីមួយគួរតែបែងចែកតំបន់ ដែលអាចចាក់និងប្រើប្រាស់ឧបករណ៍ទាំងនេះ បាន និង តំបន់ដែលគ្មានសម្លេងរំខានទាំងនេះដោយដាច់ ហើយកំណត់ទំហំនិងខ្នាតសម្លេង ដែលបញ្ចេញឲ្យត្រឹមត្រូវ។ នៅក្នុងចំណោមក្រុមអ្នកចាក់ ឬចូលចិត្តឧបករណ៍បំពងសម្លេង ទាំងនេះ ខ្លះចូលចិត្តបទនេះខ្លះបទនោះ ដូចនេះស្តង់ដាកំណត់សម្លេងកុំអោយឆ្លងគ្នា គឺជាការកាត់បន្ថយទំនាស់មួយ។
ដោយឡែកក្រុមអ្នកស្ងប់ស្ងាត់គឺត្រូវតែបែងចែកអោយដាច់តែម្តង ពីព្រោះពួកគេមិនចូលចិត្តសម្លេងរំខានរញ៉េរញ៉ៃ ពូកគេត្រូវការស្ងប់ស្ងាត់ដោយយកសម្លេងធម្មជាតិ មានស្លឹកឈើ ទឹកជជ្រោះ បក្សាបក្សីយំ ជាសម្លេងបំពេរអារម្មណ៍ពួកគេ។
សរុបមកវិញពេលទៅដើរលេងកំសាន្តឫប្រើប្រាស់ឧបករណ៍បំពងសម្លេងនេះម្តងៗសូម យកចិត្តយើងដាក់នៅក្នុងចិត្តគេខ្លះផង ហើយអ្នកមិនចូលចិត្តសម្លេងក៏គួរយោគយល់ ប៉ុន្តែកុំហួសហេតុរាងខ្លួនបើហួសហេតុទំនាស់នឹងមានបញ្ហា៕
Daily Program
![Livesteam thumbnail](/sites/default/files/inline-images/live-stream-thumb.jpg)