GSES ​អង្គាសប្រាក់កសាងសាលា​សម្រាប់កុមារអូទីសឹម

សាលាអប់រំពិសេសនៃការលូតលាស់ (GSES) កំពុង​អង្គាសប្រាក់​​ពី​ប្រជាពលរដ្ឋ សប្បុរសជន​តាម​រយៈ​បណ្ដា្ញញ​សង្គម​ហ្វេសបុក​ផេក​របស់​ខ្លួន​ ដើម្បី​កសាង​សាលា​អប់រំ​មួយ​សម្រាប់​កុមារ​អូទីសឹម។

តាម​រយៈ​ការ​ចុះ​ផ្សាយ នារសៀល​ថ្ងៃនេះ GSES បាន​ឲ្យ​ដឹងថា ដោយសារ​តម្រូវការ​របស់​សិស្ស និង​អាណាព្យាបាល សម្រាប់​ការ​អប់រំ​ដល់​កុមារ​អូទីសឹម ដែល​កំពុង​មាន​និន្នាការ​កើនឡើង «គណៈកម្មាការនៃព្រះសហគមន៍(កាតូលិក) បានសម្រេចអនុញ្ញាតឱ្យសាលាសាងសង់អគារថ្មីនៅលើដីមួយកន្លែងក្នុងព្រះសហគមន៍ព្រះកុមារយេស៊ូ។ អគារមួយនេះ នឹងត្រូវសាងសង់ឡើងកម្ពស់១០ជាន់»។

GSES ជា​សាលា​រៀន​មួយ​របស់​ព្រះសហគមន៍​កាតូលិក ដែល​មិន​ស្វែង​រក​​ប្រាក់​ចំណេញ ត្រូវបានបង្កើតឡើងនៅឆ្នាំ ២០១៧ ដោយ​ជួ​លផ្ទះ​ល្វែង​ ដើម្បី​អប់រំ​ដល់​កុមារ​អូទីសឹម មាន​ទីតាំង​នៅជិតព្រះសហគមន៍ព្រះកុមារយេស៊ូបឹងពុន ស្ថិតក្នុងភូមិសន្សំកុសល៤ សង្កាត់បឹងទំពុនទី១ ខណ្ឌមានជ័យ រាជធានីភ្នំពេញ។

បច្ចុប្បន្ននេះ សាលាមាន​សិស្ស​ចំនួន​ ៣១៥នាក់ និង​មាន​កុមារ​ច្រើន​នាក់ទៀត​កំពុង​ស្ថិត​ក្នុង​បញ្ជីរង់ចាំ ដោយ​សារខ្វះ​បន្ទប់រៀននិង​អគារ​តូច​ចង្អៀត។

សាលនេះ​បាន​សូមអំពាវនាវដល់​សប្បុរសជនទាំង​អស់ ចូលរួមជាថវិកា ក៏ដូចជាសម្ភារផ្សេងៗ ដើម្បីឱ្យកុមារមានអគារសិក្សាដែលមាន ស្តង់ដារ និងធំទូលាយ។

សប្បុរសជន​អាច​​ឧបត្ថម្ភថវិកា​​តាម​ពត៌មាន​ខាង​ក្រោម៖

Account-holder name: Many PHOK

Account number: 009 694 096