ជាផ្លូវការ នាយករដ្ឋមន្រ្តីអ៊ីស្រាអែល លោកបេនចាម៊ីន ណេតាន់យ៉ាហ៊ូ បាននិយាយយកភាព ត្រឹមត្រូវនៃយុទ្ធនាការទម្លាក់គ្រាប់បែករបស់លោកប្រឆាំងនឹងអ៊ីរ៉ង់ ដែលបានចាប់ផ្តើមតាំងពី ថ្ងៃសុក្រទី១៣ ខែមិថុនា គឹដើម្បីភាពចាំបាច់នឹងបញ្ចប់ទាំងស្រុងនូវកម្មវិធីនុយក្លេអ៊ែរ របស់អ៊ីរ៉ង់។ ទោះជាយ៉ាងណា ការវាយប្រហារនានានាពេលចុងក្រោយ ហាក់ដូចជាបង្ហាញនូវ រឿងរ៉ាវផ្សេងទៅវិញ។
អ៊ីស្រាអែលបានវាយប្រហារអគារក្រសួងកិច្ចការបរទេស ព្រមទាំងអគារនៃក្រសួងចារកិច្ចនៃ សាធារណរដ្ឋអ៊ីស្លាមអ៊ីរ៉ង នៅថ្ងៃទី១៥ ខែមិថុនា។ នៅក្នុងថ្ងៃតែមួយ យន្តហោះចម្បាំងបាន វាយសំដៅលើអគ្គស្នងការប៉ូលីសនៅទីក្រុងតេអេរ៉ង់។ ការវាយប្រហាថ្មីៗ បានវាយសំដៅ មជ្ឈមណ្ឌលទីបញ្ជាការនៃកងកម្លាំង អាល់ គ្យូអូដ ដែលជាអង្គភាពខ្លាំងនៃកងកម្លាំងឆ្មាំបដិវដ្ត អ៊ីរ៉ង់ ដែលអង្គភាពនេះមានឯកទេសធ្វើប្រតិបត្តិការនៅខាងក្រៅព្រំដែនអ៊ីរ៉ង់។
គោលដៅវាយប្រហារជាច្រើនទៀតពាក់ព័ន្ធនឹងមជ្ឈមណ្ឌលនៃការសម្រេចចិត្តខាង នយោបាយ និងយោធានៃរបបអ៊ីរ៉ង់ ក៏ដូចជា ហេដ្ឋារចនាសម្ព័ន្ធកម្មវិធីនុយក្លេអ៊ែរ។
ការវាយប្រហារដែលសម្រេចធ្វើដោយរដ្ឋាភិបាលអ៊ីស្រាអែល បានសំដៅជាអាទិភាពលើហេដ្ឋារចនាសម្ព័ន្ធថាមពល គឺមិនតែលើមជ្ឈមណ្ឌលកម្មវិធីនុយក្លេអ៊ែរនោះទេ។ ការទម្លាក់គ្រាប់បែករបស់អ៊ីស្រាអែលបានបង្កការខូចខាតលើរចនាសម្ព័ន្ធទាញយកធ្វើអាជីវកម្មនៅទីវាល អណ្តូងឧស្ម័ន ដែលជាជម្រកនៃអាងស្តុកឧស្ម័នធម្មជាតិដ៏ធំបំផុតនៅលើពិភពលោក។
លោកក្ល៊ីវ ជន នាយកវិទ្យាស្ថានសិក្សាអ៊ីស្លាម និងមជ្ឈិមបូព៌ានៃសកលវិទ្យាល័យ ដៀហាម នៅចក្រភពអង់គ្លេស បញ្ជាក់ថា ៖ “រដ្ឋាភិបាលអ៊ីស្រាអែលប្រើប្រាស់យុទ្ធសាស្រ្តវាយប្រហារ លើចំនុចដែលបានគ្រោងទុកជាក់លាក់ បន្តកន្ទុយគ្នា ហើយពាក់ព័ន្ធអាទិភាពផ្សេងៗគ្នា”។
លោកហ្វ៊ីលីពប៉ូ ឌីយ៉ូនីហ្ស៊ី អ្នកឯកទេសនៃមជ្ឈិមបូព៌ា និងចលនាអ៊ីស្លាម នៅសកល វិទ្យាល័យប៊្រីស្តូល ប្រទេសអង់គ្លេស បញ្ជាក់ថា ជាចុងក្រោយ គឺការវាយប្រហារប្រឆាំងនឹងអគារ ដែលទាក់ទងនឹងរបប និងការធ្វើឃាតដែលដាក់គោលដៅជាក់លាក់លើមន្ត្រីជាន់ខ្ពស់ ដែលបង្កើតជាការប៉ុនប៉ង របស់អ៊ីស្រាអែលក្នុងការសាបព្រួសភាពយល់ច្រឡំ និងធ្វើឲ្យបាត់ស្ថិរភាពនៃចង្វាក់នៃបញ្ជាការ ដែលផ្តល់សក្តានុពល ពន្យឺតសមត្ថភាពដើម្បីធ្វើប្រតិកម្មរបស់របបអ៊ីរ៉ង់។
លោកស្រីវ៉េរ៉ូនីកា ប៉ូនីសក្ចាកូវ៉ា អ្នកឯកទេសជម្លោះនៅមជ្ឈិមបូព៌ា នៅសកលវិទ្យាល័យ ផតម៉ៅ ប្រទេសអង់គ្លេស ពន្យល់ថា ជាច្រើនដង យុទ្ធសាស្រ្តនេះទាក់ទងនឹងលទ្ធិ “មឹក” ដែលត្រូវបានបង្ហាញជាសាធារណៈជាលើកទី១ នៅឆ្នាំ២០២១ ដោយលោកណាហ្វតាលី បេនណិត នាយករដ្ឋមន្រ្តីអ៊ីស្រាអែលនៅជំនាន់នោះ។
លោកស្រីវ៉េរ៉ូនីកា ប៉ូនីសក្ចាកូវ៉ា ធ្វើសេចក្តីលំអិតថា ការប្រើប្រាស់យុទ្ធសាស្រ្តនេះរួមបញ្ចូល សកម្មភាពដែលមិនវាយសំដៅតែលើដៃជើងទៀតហើយ គឺមានន័យថា វាយសំដៅលើក្រុមជីហាត គាំទ្រអ៊ីរ៉ង់ មានដូចជាក្រុមហេបូឡា ឬដឹកនាំប្រតិបត្តិការលួចលាក់ ដូចជាការវាយប្រហារដោយវិរុសកុំព្យូទ័រ Stuxnet ដែលធ្វើឲ្យពិការមណ្ឌលចម្រាញ់ជាតិវិទ្យុសកម្មរបស់អ៊ីរ៉ង់ ប៉ុន្តែយុទ្ធសាស្រ្ត មឹក គឺប្រឈមវាយប្រហារផ្ទាល់លើក្បាល មឹក និយាយម្យ៉ាងទៀត គឺធ្វើការវាយ ប្រហារឲ្យកាន់តែទំលំទូលាយប្រឆាំងនឹងអ៊ីរ៉ង់ និងកម្មវិធីនុយក្លេអ៊ែររបស់ប្រទេសនេះ។
លោកស្ហ៉ាហ៊ីន ម៉ូដារ៉េស មន្រ្តីទទួលខុសត្រូវនៃកម្មវិធីអំពីអ៊ីរ៉ង់នៅក្រុមអន្តរជាតិសម្រាប់ការ សិក្សាសន្តិសុខ (ITSS) នៅទីក្រុងវ៉េរ៉ូណា ប្រទេសអ៊ីតាលី វាយតម្លៃថា ការវាយប្រហារ ប្រឆាំងនឹងហេដ្ឋារចនាសម្ព័ន្ធថាមពលត្រូវបានបើកបង្ហាញ ដោយសារតែនេះគឺជារបៀប របស់អ៊ីស្រាអែលបង្ហាញ និងអាចព្យាយាមធ្វើឲ្យបាត់បង់ស្ថិរភាពនៅក្នុងប្រទេសអ៊ីរ៉ង់ នៅក្នុងក្តីសង្ឃឹម ដើម្បីធ្វើឲ្យរបបតេអេរ៉ង់សព្វថ្ងៃដួលរលំ។
Daily Program
