វ៉ាទីកង់ញូវបានរាយការណ៍ថា សម្តេចប៉ាបហ្រ្វង់ស៊ីស្កូបានចុះហត្ថលេខាកាលពីចុងខែមីនានេះ ទទួលស្គាល់សន្តបុគ្គលចំនួន៣រូប និងអ្នកមានសុភមង្គលថ្មីៗចំនួន១៣រូប ហើយក្នុងចំណោមនោះមាន បុគ្គលម្នាក់ដែលមកពីអូសេអានី។
ប្រភពដដែលបានឲ្យដឹងថា ជនដែលមានសុភមង្គលទាំង៤រូបគឺមានជនជាតិប៉ាពួញូវហ្គីណេម្នាក់ ដែលជាគ្រហស្ថមានឈ្មោះថា សិលា តូ រូត (Peter To Rot)។
លោកគឺជាសន្តបុគ្គលនៅប្រទេសប៉ាពួរ ញូវហ្គេណេ ដំបូងបង្អស់ ដែលធ្លាប់ជាគ្រូអប់រំជំនឿនៅក្នុងថ្ងៃទី ០៥ ខែមីនា ឆ្នាំ១៩១២ ហើយបានបូជាជីវិតរបស់គាត់ ចំពោះជនក្រីក្រ និងកុមារកំព្រា។
ក្នុងអំឡុងពេលនៃការកាន់កាប់របស់ជប៉ុន អំឡុងសង្គ្រាមលោកលើកទីពីរ លោកត្រូវបានគេចាប់ ដាក់គុកដោយសារតែលោកប្រថុយជីវិតរបស់គាត់បន្តអប់រំជំនឿដែលគេហាម។
លោកត្រូវបានគេបង្ខំឲ្យរៀបការប្រពន្ធជាច្រើនតាមប្រពៃណីដើមរបស់ជនជាតិ ប៉ុន្តែលោកប្តេជ្ញារក្សាភាពស្មោះត្រង់នឹងចំណងអពាហ៍ពិពាហ៍ដំបូងរបស់លោកស្របតាមជំនឿ ជាហេតុលោកត្រូវគេចាប់ដាក់ពន្ធនាគារហូតអស់ជីវិត។
គ្រីស្តបិរស័ទនៅប្រទេសនេះបានផ្តួចផ្តើមរៀបចំឯកសារដើម្បីឲ្យសន្តអាសនៈ ទទួលស្គាល់ជាផ្លូវការ ហើយលោកត្រូវបានប្រកាសជាអ្នកមានសុភមង្គលកាលពីថ្ងៃទី ១៧ ខែ មករា ឆ្នាំ១៩៩៥៕
Daily Program
