ស្ថាប័នពីរបានចោទប្រកាន់អ៊ីស្រាអែលពីអំពើប្រល័យពូជសាសន៍ និងការសម្អាតជាតិសាសន៍

អង្គការឃ្លាំមើលសិទ្ធិមនុស្ស និង គ្រូពេទ្យគ្មានព្រំដែន បាន ចោទប្រកាន់អ៊ីស្រាអែលថាបានប្រព្រឹត្ត "អំពើប្រល័យពូជសាសន៍ និងការសម្អាតជនជាតិភាគតិច នៅក្នុងតំបន់ហ្គា​ហ្សា ប៉ុន្តែ អ៊ីស្រាអែល​ឆ្លើយ​តប​នឹង​ការ​ចោទ​ប្រកាន់​អង្គការ​ទាំងនោះថា​បាន​ផ្សព្វផ្សាយ​ កុហក។

អង្គការឃ្លាំមើលសិទ្ធិមនុស្សបាននិយាយកាលពីចុងសប្តាហ៍មុនថា សកម្មភាពរបស់អ៊ីស្រាអែល រួមមានចេតនាបំផ្លាញហេដ្ឋារចនាសម្ព័ន្ធទឹក និងអនាម័យ ដែលសកម្មភាពនេះ ប្រហែល​ជា​បណ្ដាល​ឱ្យ​មនុស្ស​រាប់​ពាន់​នាក់​ស្លាប់នោះហើយជាការ​ប្រព្រឹត្ត​ឧក្រិដ្ឋកម្ម​ប្រឆាំង​នឹង​មនុស្សជាតិ​ ។

ជាការឆ្លើយតប អ្នកនាំពាក្យក្រសួងការបរទេសរបស់អ៊ីស្រាអែល បាននិយាយថា ក្រុមនេះកំពុង ផ្សព្វផ្សាយការប្រមាថឈាមរបស់ខ្លួនម្តងទៀត... ការពិតគឺផ្ទុយស្រឡះពីការកុហករបស់ ស្ថាប័ននេះ។

នៅក្នុងរបាយការណ៍ដាច់ដោយឡែកមួយ អង្គការសប្បុរសធម៌ មួយផ្សេងទៀត គឺក្រុមគ្រូពេទ្យគ្មានព្រំនដែន បាននិយាយថា យុទ្ធនាការ យោធារបស់អ៊ីស្រាអែលនៅ ហ្គាហ្សា បង្ហាញសញ្ញាច្បាស់លាស់នៃការបោសសម្អាតជនជាតិភាគតិច ខណៈដែលប៉ាឡេស្ទីនត្រូវបានផ្លាស់ទីលំនៅដោយបង្ខំ ជាប់គាំង និងរងគ្រោះដោយការទម្លាក់គ្រាប់បែក។

របាយការណ៍នេះមានចំណងជើងថា ៖ «ហ្គស្សាៈ ជីវិតនៅក្នុងអន្ទាក់នៃមរណៈ» បានបង្ហាញ អំពីរបៀបដែលការវាយប្រហារដោយយោធាអ៊ីស្រាអែលម្តងហើយម្តងទៀតលើជនស៊ីវិលប៉ាឡេស្ទីនក្នុងរយៈពេល ១៤ខែចុងក្រោយ ការរុះរើប្រព័ន្ធថែទាំសុខភាព និងហេដ្ឋារចនាសម្ព័ន្ធសំខាន់ៗផ្សេងទៀត ការឡោមព័ទ្ធដោយថប់ដង្ហើម និងការបដិសេធជាប្រព័ន្ធនៃមនុស្សធម៌។

អង្គការនេះបានកំពុងអំពាវនាវជាបន្ទាន់ដល់ភាគីទាំងអស់ ជាថ្មីម្តងទៀតអោយមាន បទឈប់បាញ់ជាបន្ទាន់ ដើម្បីជួយសង្គ្រោះជីវិតមនុស្ស និងបើកលំហូរនៃជំនួយមនុស្សធម៌។ អ៊ីស្រាអែលត្រូវតែបញ្ឈប់ការវាយប្រហារតាមគោលដៅ និងមិនរើសអើងប្រឆាំងនឹងជនស៊ីវិល ហើយសម្ព័ន្ធមិត្តរបស់ខ្លួនត្រូវតែធ្វើសកម្មភាពដោយមិនបង្អង់យូរដើម្បីការពារអាយុជីវិតរបស់ប៉ាឡេស្ទីន និងរក្សាច្បាប់នៃសង្គ្រាម៕