ស្ថានភាពសុខភាពសម្តេចប៉ាបហ្រ្វង់ស៊ីស្កូដែលគេបានធ្វើបច្ចុប្បន្នភាពកាលពីល្ងាចថ្ងៃអង្គារ៍បានឲ្យដឹងថា ទ្រង់នៅតែបន្តស្ថិតនៅក្នុងស្ថានភាពធ្ងន់ធ្ងរនៅឡើយទោះបីជាមានស្ថេរភាពក៏ដោយ ។
ការិយាល័យព័ត៌មានសន្តអាសនៈបាន និយាយថា ទ្រង់មិនបានទទួលរងនូវដំណាក់កាលផ្លូវដង្ហើមស្រួចស្រាវទេ ហើយប៉ារ៉ាម៉ែត្រនៃលំហូរអុកស៊ីសែនរបស់គាត់នៅតែមានស្ថេរភាព ប៉ុន្តែស្ថានភាព របស់ទ្រង់នៅតែត្រូវការប្រុងប្រយ័ត្ន ។
នៅល្ងាចថ្ងៃដដែលនោះ ទ្រង់បានឆ្លងកាត់ការធ្វើ CT ស្កែន តាមការគ្រោងទុក ដើម្បីតាមដានការរលាកសួតទាំងសងខាង ។
តាមសេចក្តីរាយការណ៍អាការៈចុះខ្សោយនៃមុខងារតម្រង់នោមត្រូវបានរកឃើញ ប៉ុន្តែវាជាកម្រិតស្រាល ហើយក៏កំពុងតែស្ថិតនៅក្នុងការគ្រប់គ្រង។
សម្តេចប៉ាបបានយាងចូលមន្ទីរពេទ្យព្យាបាលជំងឹរលាកផ្លូវដង្ហើមនេះតាំងតែពីថ្ងៃទី១៤ ខែ កុម្ភៈ ឆ្នាំ២០២៥ មកម្ល៉េះ ។
Daily Program
