ស្ថានភាពសុខភាពរបស់សម្តេចប៉ាបមានស្ថេរភាព

ស្ថានភាពសុខភាពរបស់សម្តេចប៉ាបហ្រ្វង់ស៊ីស្កូកាលពីថ្ងៃអាទិត្យត្រូវបានក្រុមគ្រូពេទ្យបានអះអាងថា បានវិលមករកស្ថេរភាពឡើងវិញក្រោយពេលដែលមានបញ្ហាបន្តិចកាលពីថ្ងៃសុក្រ​។

ការិយាល័យ​ព័ត៌មានសន្តអសនៈបានអះអាង សុខភាពសម្តេចប៉ាបមានស្ថេរភាពតែនៅតែបន្តទទួលការ ព្យាបាលដោយភ្ជាប់នឹងអុកស៊ីសែន គ្រាន់តែទ្រង់មិនមានអាការៈគុ្រនក្តៅឡើយ ហើយនៅទ្រង់មានកម្លាំងអាចចូលរួមពិធីថ្វាយអភិបូជាបានផងដែរ ។

ប្រភពដដែលបានរាយការណ៍ថា "ពេលនេះ ស្ថានភាពនៃការព្យាបាលរបស់សម្តេចប៉ាបនៅតែមានស្ថេរភាព។ ទ្រង់មិនតម្រូវឱ្យប្រើម៉ាស៊ីនខ្យល់ជំនួយបន្តទៀតទេ ប៉ុន្តែមានតែការបន្ថែមអុកស៊ីសែនដែលមានលំហូរខ្ពស់ប៉ុណ្ណោះ ហើយទ្រង់មិនមានអាការៈគ្រុនក្តៅទេ” ។

ប្រភពដដែលបានឲ្យដឹងថា សម្តេចប៉ាបអាចសម្រាកបាន ហើយអាចទ្រង់ក៏អាចអធិដ្ឋានបាននៅក្នុង អំឡុងពេលសម្រាកព្យាបាលនៅមន្ទីរពេទ្យ។

សម្តេច​ប៉ាប បាន​ចូល​សម្រាក​ព្យាបាល​នៅ​មន្ទីរពេទ្យ​ដោយ​ពិបាក​ដក​ដង្ហើម​តាំង​ពី​ថ្ងៃ​ទី ១៤ ខែ​កុម្ភៈ ឆ្នាំ២០២៥រហូតដល់ពេលបច្ចុប្បន្ននេះ។