កាលពីសប្តាហ៍មុនយ៉ាងហោចណាស់ពលរដ្ឋមីយ៉ាន់ម៉ា ៨ នាក់ដែលភៀសខ្លួនចេញពីជម្លោះនៅជិតកោះ គីយូក ការ (Kyauk Kar ) បានស្លាប់នៅពេលទូកដែលនាំពួកគេគេចចេញពីជម្លោះ ។
មកដល់ពេលនេះមនុស្ស ២០ នាក់កំពុងបាត់ខ្លួន ហើយយ៉ាងហោចណាស់ ៨ នាក់ត្រូវបានបញ្ជាក់ថាបានស្លាប់ បន្ទាប់ពីទូកមួយនៅសមុទ្រ អានដាម៉ាន់ របស់ប្រទេសមីយ៉ាន់ម៉ាបានលិច។
ទូកនេះបានដឹកជញ្ជូនអ្នកភូមិចំនួន ១០០ នាក់ពីកោះ យូកការ ដែលនៅជិតសហគមន៍ដែលមានជម្លោះប្រដាប់អាវុធរវាងរបបយោធាមីយ៉ាន់ម៉ា និងកងកម្លាំងគាំទ្រលទ្ធិប្រជាធិបតេយ្យ។ អ្នកដំណើរត្រូវបានធ្វើដំណើរទៅតំបន់ តានីនថារីយី (Tanintharyi) នៅឆ្នេរភាគខាងត្បូងប្រទេសមីយ៉ាន់ម៉ា ដែលជាបន្ទាយតស៊ូដែលជនស៊ីវិល ២០ នាក់ត្រូវបានសម្លាប់ក្នុងខែកញ្ញា។
មូលហេតុនៃឧបទ្ទវហេតុនេះ មិនត្រូវបានបញ្ជាក់នោះទេ ប៉ុន្តែអ្នកនៅរស់រានមានជីវិតបាននិយាយថា ទូកនេះមានភាពចង្អៀតណែន ហើយបានជួបនឹងចរន្តទឹកខ្លាំង ខណៈដែលវាបើកឆ្លងកាត់ច្រកសមុទ្រដែល។
ចាប់តាំងពីខៃកុម្ភៈ ឆ្នាំ២០២១មក ក្រោយពេលដែលរបបយោធាបានដណ្តើមអំណាចតាមរដ្ឋប្រហារពីរដ្ឋាភិបាលឯកភាពជាតិដែលជាប់ឆ្នោតតាមលទ្ធិប្រជាធិបតេយ្យ ជម្លោះប្រដាប់អាវុធជាមួយក្រុមឧទ្ទាមចម្រុះជាតិសាសន៍ និងសកម្មជននិស្សិតគាំទ្រលទ្ធិប្រជាធិបតេយ្យទល់នឹងរបបយោធាបានផ្ទុះនៅទូទាំងប្រទេស។
អង្គការសហប្រជាជាតិបានប៉ាន់ប្រមាណថាយ៉ាងហោចណាស់ជនស៊ីវិល ៥.៣៥០ នាក់បានស្លាប់ និង ៣,៣ លាននាក់ត្រូវបានផ្លាស់ទីលំនៅចាប់តាំងពីសង្គ្រាមស៊ីវិលបានចាប់ផ្តើម។ ក្នុងចំណោមអ្នកដំណើរដែលស្លាប់កាលពីថ្ងៃទី២០ ខែតុលា មានកុមារ ៣នាក់ និងនិស្សិតសាកលវិទ្យាល័យ ៥នាក់៕
Daily Program
