សាលាដុនបូស្កូនៅមេនដាឡេ រងគ្រោះរញ្ជួយដី

គ្រោះរញ្ជួយដីកម្រិត៧,៧រ៉ិចទ័រ បានវាយប្រហារប្រទេសមីយ៉ាន់ម៉ា និងថៃ នៅវេលាម៉ោង១២ និង៥៣នាទី ថ្ងៃទី២៨ ខែមីនា ឆ្នាំ២០២៥ ដែលបណ្តាលឱ្យមានការបំផ្លិចបំផ្លាញ និងបាត់បង់ជីវិតយ៉ាងច្រើន ហើយសូម្បីតែសាលាដុនបូស្កូនៅទីក្រុងមេនដាឡេក៏បានរងវិនាសកម្មនេះដែរ។
មកដល់ពេលនេះសាកសពនិងអ្នករងរបួសរាប់សិននាក់នៅបន្តរកឃើញជាបន្តបន្ទាប់ ខណៈដែលសំណល់អគារនិងទុក្ខវេទនារបស់ប្រជាពលរដ្ឋគឺកាន់តែសង្វែកនិង ក្តុកក្តួលនៅក្នុងចិត្ត។
មកដល់ពេលនេះមិនថាសំណង់អគារខ្ពស់ៗ លំនៅស្ថាន ព្រះវិហារ វត្តអារាម វិហារឥស្លាម សូម្បីតែសាលាដុនបូស្កូនៅទីក្រុងដែលជាស្នូលនៃគ្រោះរញ្ជួយដីគឺត្រូវបានបំផ្លាញខ្ទេចខ្ទី។
តាមសេចក្តីរាយការណ៍សាលាដុនបូស្កូ ព្រះវិហារសន្តយ៉ូហានប៉ូលទី២ ទោះបីជាមិនបានរលំមែន ប៉ុន្តែគ្រឹះនិងរចនាសម្ព័ន្ធរបស់អគារបានរងការខូចខាតយ៉ាងដំណំ។
ក្រៅពីនោះ មានអគារបស់ព្រះសហគមន៍ជាច្រើនទៀតដែលបានរងការខូចខាត រហូតដល់ព្រះសហគមន៍ជំរុញនឹងលើកទឹកចិត្តឲ្យគ្រីស្តបរិស័ទអធិដ្ឋានដើម្បីរំលត់នូវសេចក្តីសោកសង្រេងទាំងនេះ៕
Daily Program
