វ៉ាទីកង់ញូវបានរាយការណ៍ថា នៅថ្ងៃទី២៧ ខែសីហា សម្តេចប៉ាបឡេអូទី១៤ បានរួបរួមសម្លេងនិងធ្វើការ អំពាវនាវរួមគ្នាជាមួយនឹងមេដឹកនាំសាសនានៅទីក្រុង យេរូសាឡឹមឲ្យមានដំណោះស្រាយឈានទៅរក ការបញ្ចប់សង្រ្គាមនៅហ្គាហ្សា និងសម្រាប់ជំនួយមនុស្សធម៌ហូរចូលដោយសេរីចូលទៅក្នុងរង្វង់នៃតំបន់ដែលកំពុងតែជួបទុក្ខលំបាក។
ការអំពាវនាវនេះបានធ្វើឡើងក្រោយពេលដែលប្រមុខសាសនានានានៅ ក្រុងេយរូសាឡឹម បានចេញសេចក្តីអំពាវនាវរួមគ្នាមួយ ដើម្បីសន្តិភាពនៅតំបន់ហ្គាហ្សា កាលពីថ្ងៃអង្គារ ទី២៦ ខែសីហា ដោយនិយាយថា គ្មានហេតុផលដើម្បីបង្ហាញអំពីភាពត្រឹមត្រូវនៃ "ការផ្លាស់ទីលំនៅដោយចេតនា និងបង្ខំរបស់ជនស៊ីវិលចេញពីហ្គាហ្សា ឡើយ។
ជុំវិញការអំពាវនាវនេះ សម្តេចប៉ាបឡេអូទី១៤ ក៏បានបង្ហាញនូវការគាំទ្រ ខណៈដែលទ្រង់ផ្ទាល់ គឺបានអធិស្ឋាន និងតមអាហារដើម្បីសន្តិភាពកាលពីនៅថ្ងៃសុក្រ ទី ២២ ខែសីហា។
សម្តេចប៉ាបបានមានបន្ទូលថា ថ្ងៃនេះទ្រង់បន្តការអំពាវនាវទៅ ទាំងភាគីពាក់ព័ន្ធ និងសហគមន៍អន្តរជាតិថា ជម្លោះនៅក្នុងដែនដីបរិសុទ្ធ ដែលបានបង្កឲ្យមានការភ័យខ្លាច ការបំផ្លិចបំផ្លាញ និងការស្លាប់ជាច្រើនគួរតែដល់ពេលត្រូវបញ្ចប់ហើយ៕
Daily Program
