សម្តេចប៉ាបហ្រ្វង់ស៊ីស្កូ អំពាវនាវឱ្យមានការទទួលខុសត្រូវប្រកបដោយមនសិការពាក់ព័ន្ធនឹងដំណើរការអភិវឌ្ឈន៍ AI ដែលហៅថា បញ្ញាសិប្បនិម្មិត។
នៅក្នុងសាររបស់ព្រះអង្គផ្ញើទៅកាន់សន្និសិទក្រុមលោកអភិបាលព្រះសហគមន៍កាតូលិកនៅអាមេរិកឡាទីន លើប្រធានបទ «បញ្ញាសិប្បនិម្មិត និងការរំលោភបំពានផ្លូវភេទ៖ បញ្ហាប្រឈមថ្មីសម្រាប់ការបង្ការ» រៀបចំនៅ នៅទីក្រុងលីម៉ា ប្រទេសប៉េរូ ចាប់ពីថ្ងៃទី ២៥ ដល់ថ្ងៃទី ២៧ ខែកុម្ភៈ ឆ្នាំ ២០២៥ ដែលសម្តេចប៉ាបបានផ្ញើចេញនៅមុនពេលដែលទ្រង់ចូលសម្រាកមន្ទីរពេទ្យ ទ្រង់បានរំលេចថា នៅពេលដែលយើងប្រើប្រាស់ ឬរចនា AI យើងត្រូវចាំថា យើងនៅតែទទួលខុសត្រូវ។
នៅក្នុងសារនោះ សម្តេចប៉ាបបានមានបន្ទូលថា ទ្រង់តែងតែបានអធិស្ឋានដល់ព្រះជាម្ចាស់ដើម្បីឲ្យព្រះអង្គជួយទ្រទ្រង់កិច្ចខិតខំប្រឹងប្រែងទាំងអស់ដែលមានគោលបំណងលុបបំបាត់ការបំផ្លិចបំផ្លាញនេះចេញពីសង្គមនិងជាពិសេសដើម្បីប្រទានពរដល់គំនិតផ្តួចផ្តើមដែលអ្នកចូលរួមកំពុងផ្សព្វផ្សាយ។
ក្នុងចំណោមបញ្ហាជាច្រើនដែលអាចកើតឡើងទាក់ទងនឹង បញ្ញាសិប្បនិម្មិត សម្តេចប៉ាបបានបង្ហាញនូវសេចក្តីសង្ឃឹមថា អ្នកចូលរួមពិតជានឹងពិភាក្សាហើយស្វែងរកដំណោះដោះស្រាយជាប្រព័ន្ធប្រកបដោយ «ការទទួលខុសត្រូវ"» ដើម្បីឆ្លើយតបនឹងបញ្ហា៕
Daily Program
